英華Ball場達人- 陳鴻軒

英華Ball場達人- 陳鴻軒

「學界男女神」一向都有自薦同推薦嘅機制,一直以嚟都有唔少同學,係喺朋友嘅推薦下,成為我哋嘅主角。今次呢位男神陳鴻軒,係英華書院嘅中六生,係學界手球同籃球嘅精英份子。不過最!最!最特別嘅,就係佢嘅推薦人,全靠佢呢個「背後女人」大力推薦,鴻軒先可以成為今期嘅男神咋!而呢個人就係佢媽媽 – 陳太喇!

8191

8191

其實今次嘅訪問,鴻軒一開始係唔知情,只係媽咪問佢攞過啲近照,到安排好就叫去影相喇,所以嗰陣都有啲驚訝架!陳太真係又開通,又鬼馬!

8034

英華以球類運動聞名,其中以手球同籃球成績最好,而鴻軒正正就係呢兩個運動嘅校隊成員,佢話兼住兩樣嚟打,練波時間又有重疊,有時都幾辛苦!好彩學校又有為運動員補課,成績先至追得到!

8099

中學生應該唔可以留長頭髮,不過鴻軒已經考完DSE,放緊暑假,所以先留到咁長啫!不過佢平時啲頭髮都唔會剪得太短,因為頭頂生咗個轉,留唔到蔭,所以唯有留長少少,到打波嗰陣就紮起啲頭髮,其實都幾型丫!

8183

而家除咗等緊放榜,鴻軒亦都要準備大學嘅面試,因為佢用運動員嘅身份,報咗「精英運動員推薦計畫」,希望可以成功入到佢首選嘅中大體育系!

8288

唔講唔知,鴻軒唔知冧死自己個媽咪,連佢妹妹同學嘅媽媽,都一樣係佢Fans,成日讚佢靚仔,又話佢生得似周杰倫,係咪咁似?睇片啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: Paul Choi

拍攝:Chiu

剪接: Candy

Hair+Makeup: EM Makeup

提供場地:Land Theme Studio (64844617)

鳴謝:

[Corporate]- Beacon tutorial-Logo_2015

贊助獎品

 

更多精選內容