28歲吳若希宣布陀仔 湊夠一個好字

28歲吳若希宣布陀仔 湊夠一個好字

28歲的吳若希(Jinny)與何兆鴻 (Alex) 於2017年簽紙結婚,正式成為人妻同年誕下囡囡Giselle。早前有傳吳若希懷第二胎,因為僅3個月,故未有對外公佈。直至昨晚(10日)兩公婆同步在 IG公布喜訊,並透露今胎係陀仔,更自爆同老公係疫情期間密密造人所以搞出人命!

撰文、圖片:東方新地

28歲吳若希宣布陀仔湊夠一個好字

昨晚(10日)兩公婆同步在 IG公布喜訊,Jinny上載全家福並寫上:「一家‧四口」承認懷孕,而Alex分享Jinny與囡囡嘅甜蜜合照並留言:「我問Giselle想要妹妹定弟弟?她說:妹妹!我問她如果弟弟怎麼辦?她說:我餵奶奶比弟弟。好吧!那爸爸就給你一個弟弟,因為我怕妹妹你唔餵佢飲奶奶爸爸我會很忙。老婆~又要辛苦你了,I Love you」從留言可見Alex間接公佈老婆陀仔,成功湊夠一個好字 。

 

吳若希
吳若希貼出跟淼淼母女合照,寫上一家四口以宣布陀B,相中吳若希腹部明顯隆起。
吳若希
老公何兆鴻亦貼出「一家四口」合照,並表示老婆今胎陀仔,為三歲囡囡添個細佬。
吳若希
陀B後的吳若希上圍明顯升級。

吳若希囡囡為弟弟改名Krisoff

吳若希上月突傳出懷胎三個月,當事人一直未有正面回應。吳若希同老公同步公布喜訊,立即得到不少圈中人恭賀,亦有網民留言:「睇嚟你老公鍾意打機之餘都會做其他事。」吳若希秒回:「疫情期間日對夜對,都真係好悶既。」自爆同老公係疫情期間密密做人所以搞出人命,何生真係要多謝呢個疫情囉﹗

吳若希之前一直未有正面回應再度懷孕消息,上月廿三日28歲生日時更貼出跟初生貓咪合照指家中的確有新成員,原來當時吳若希確實陀住在BB,當時亦透露貓咪性別係男,並由囡囡淼淼改叫Krisoff,相信當時想跟大家分享喜訊但未夠三個月未能公布,故借初生貓咪來回應陀仔報道。

吳若希

 

窒完老公又甜蜜放閃 網民質疑吳若希:大肚婆情緒化?

傳出又有身孕的吳若希仍然密密出Post,日前就Po出一張身穿民族長裙的造型照,留言間有暗串老公意味:「尋晚何兆鴻(吳若希老公)令我體會到一樣嘢,無所謂既「應唔應份」,只係睇你「樂唔樂意」。你唔樂意,就無嘢係應份。」隔一日就甜曬同老公慶祝生日嘅照片,仲話:「昨晚過得好滿足~」令網民不禁懷疑吳若希再有身孕的傳聞屬實,情緒似乎波動。

吳若希

吳若希
盛傳陀B三個月,吳若希日前在家與囡囡暢泳消暑,晒Bikini照。
吳若希
雖然吳若希誕下囡囡後多番揚言唔再生,但與老公挽回婚姻後亦有轉軚,即將迎來四口之家。

吳若希突然停工為安胎傳陀B仔三個月

一向看重事業的吳若希,被爆近來連推兩部重頭劇,大好機會都放棄即惹來懷孕揣測,而她早前便在instagram呻增磅不少:「我今天量體重,54kg比平時重了3kg,但看到自己的腿和手臂還那麼細,就跟自己說了句,今晚可以放心吃消夜…」愛keep fit突然增磅又被拍到孕味濃微胖照,有指吳若希因為剛懷孕滿三個月,所以未向外報訊,但家人十分緊張,吳媽媽為此更每日到女兒家貼家照顧,而近期除了宣傳新歌〈有位蠢才〉外,連主持的節目《姊妹淘》都被停播了,吳若希可以有更多時間好好安胎,不過對於事件,吳若希就禮貌表示唔回應了,未有否認陀B消息。

吳若希
近日上載睡相照,話自己好攰喎!
吳若希
一向貪靚的她出大騷亦頻以鬆身裙示人。
吳若希
日前母親節,侍母至孝的她,帶埋細佬回娘家與媽媽慶祝。

吳若希「疫」市派歌有成績 廿四孝老公幫手Plug歌

早於去年暑期飛去台灣錄新歌、拍MV,可惜人算不如天算,吳若希新歌新碟計劃一推再推,今個月終於「疫」市發放〈有位蠢才〉,可幸旋律洗腦啷啷上口,時勢影響亦多了觀眾樂迷留家聽歌睇電視,成績可謂十分亮眼。人人疫市停工居家,吳若希就為宣傳連日出入各大電台和電視城做訪問及錄影節目。記者發現Jinny勤Plug歌,老公Alex比她更勤力,連日現身電視城做柴可夫司機,有時連下午茶、晚餐都在電視城飯堂解決,熟路到當正自己地頭!

吳若希
囡囡何姿秋(Giselle)今年3歲,為了給女兒最好的生活及教育,經濟壓力不少。
吳若希
Alex近月成為電視城常客,日前便見他自出自入熟路到去飯堂搵食。
吳若希
吳若希出新歌動員全家幫手宣傳,快滿三歲囡囡由吳若希抱住唱〈有位蠢才〉,得意到爆。

唔再用十哥座駕 新車終於有自己名

出道十年,吳若希言行比食神更難估計。福建出生家境清貧,卻在短短兩年間從400呎公屋搬入何文田豪宅、座架換得密更升級快,架架登記都在頂級富豪名下;與老公Alex 17年高調拍拖高調分手,分手後又失驚無神懷孕復合再結埋婚;與澳門Alex結婚兩年、囡囡Giselle月尾就滿三歲,去年底卻驚爆依然與富豪十哥關係密切,對方親自驅車到電視城接收工搬行李,吳若希面上的興奮笑容更十足懷春少女急不及待甜到漏。

吳若希
婚前與吳若希關係千絲萬縷的富豪十哥(林棣權),被發現在婚後依然來往密切,去年尾十哥親自駕車等收工,吳若希甜笑的興奮表情與今日見到老公不相伯仲。

吳若希

吳若希
吳若希結婚前後名字都一直離不開富豪十哥林棣權,林是林裘謀後人,家族是老牌地產發展商,家族經營的聯益建造有限公司在港超過百年歷史。
吳若希
十哥為人豪爽亦交遊廣闊,與圈中多位紅星如張智霖夫婦、郭富城還有伍詠薇夫婦都係老友。
吳若希
去年吳若希27歲生日派對,一眾老友在祝,新歡舊愛Alex同十哥都同場。

那邊廂被爆婚後密友接收工,呢邊廂愛晒恩愛的Jinny都明顯少了放閃,婚姻生活現危機。老婆交遊廣闊又難捉摸,好彩Alex死心塌地未肯認輸,據知情人士透露,去年報道一出Alex即時勤出招收復失地:「一家人生活重心本來以經商Alex為主,一家三口一直居於澳門,後來Jinny為咗囡囡升學先搬番香港,而Alex為生意故兩邊走,但呢幾個月因為大環境影響生意,Alex聽晒老婆話搬咗大本營番香港。結婚咁多年被人踢爆仲用緊十哥名下車,Alex嗱嗱聲買車,仲要揀七人車,方便老婆開工用,架車登記係Alex公司名,而間公司係Alex同Jinny持有,變相咪就係送新車畀老婆囉,Jinny點會唔冧先?」

吳若希
之前Alex一直用以接載老婆的黑色車,跟十哥接吳若希放工是同一架車,任由生命中兩個重要男人開同一架車載自己,吳若希對男人果然有一手。
吳若希
吳若希連日開工出入電視城,而有她的地方亦見到老公 Alex身影接收工,全新置入新車亦是在兩公婆名下,終於唔係用富豪公司名下登記,Alex振夫綱之作初步成功。

吳若希

重拾恩愛 吳若希轉口風肯追多個

搬屋送車再做埋跟得老公日日管接管送,吳若希接受電台訪問,表面上話對多咗老公對到厭,實情態度與半年前都180度徹底轉變。近來在個人IG做直播、次次梗有老公在左近糖黐豆一樣;日前做Live話嫌棄老公掛住打機,曲線勞役Alex下廚煮宵夜,又突然自爆閨房秘密話老公寧願打機都唔願打X機,其實都係暗示兩公婆閨房趣事多又美滿,另一半根本無此需求。

吳若希
一向大情大性口沒遮攔,與Alex近月感情有轉機,亦體現在吳若希社交網絡動態上。月初玩直播、背景係Alex入神打機,吳若希突然轉話題自爆夫妻性趣,表面上話老公唔會打X機,實情晒恩愛指另一半無需要自我解決。
吳若希
失驚無神爆老公秘密,連一齊玩直播嘅老友林盛斌都O晒嘴唔識畀反應,網友亦一片嘩然話兒童不宜。
呢頭爆完閨房性事,嗰頭又當眾表演御夫有術,成功馴服Alex放下遊戲機入廚煮宵夜。
呢頭爆完閨房性事,嗰頭又當眾表演御夫有術,成功馴服Alex放下遊戲機入廚煮宵夜。

連被記者問幾時追多個,吳若希都從生完Giselle怨聲載道嫌一孕蠢三年、又推卻無計劃無需求,到日前去電台錄節目推新歌,轉口風話順其自然又嫌老公唔勤力:「其實都有諗過,都有計劃,囡囡都想要個妹妹,但呢啲可遇不可求,所以順其自然。(係兩公婆努力緊?)唔知係唔係算努力啦,總之係正常生活囉!」言下之意即是夫妻感情大進、房事頻率正常,睇怕好快有機會再報喜!Alex成功化解婚姻危機可記一功!

吳若希
本來放閃 Po買少見少,近月 Alex勤出招後,吳若希態度亦有所不同,日前 Alex生日兩公婆便齊齊出 Po慶賀。
吳若希
不過相比之下吳若希祝願說話極行貨,Alex就晒埋合照多謝老婆。
吳若希
而 Alex事後發表長文,極有心機加入老婆歷年主唱歌曲的歌名順手示愛,冧爆啦!
吳若希
更自爆雖然生日蛋糕係囡囡食淨半件咁大把,依然覺得平淡中見幸福。
吳若希
結識 Alex後迅即奉女成婚,雖然另一半係洋酒代理、團購老闆又入股眼鏡名牌身家豐厚,不過一直擔起外家生活重擔的吳若希始終放心不下媽媽和還就學的弟弟,所以產後復工、與富豪世叔伯依然來往,都係為頭家。

更多精選內容