親子好去處 本地農莊親手摘提子

親子好去處 本地農莊親手摘提子

唔知幾時可以再去旅行呢?好掛住去日本摘提子及其他水果,真係好好玩架!唔緊要,其實香港好多農莊,都有得親手摘提子架。上個月尾湊住兩個囡,又藍天白雲,無理由係屋企吽咁浪費,唔近近地帶左佢地去摘提子。
親子好去處 本地農親手摘巨峰提子


提子既當造期係每年5-8月,早兩年已試過在本地摘提子,是香印提子,真係粒粒飽滿,仲食到清甜花香,真係好好味,雖然香港同日本既氣侯唔同,但品質都唔差。
今次我地摘提子嘅品種係巨峰,一串串提子吊係樹上真係好可愛,雖然曬到眼都睜唔開,但都忍唔住逐串睇,想揀最靚既先落手去剪。巨峰提子一定要夠紫先熟透,夾雜綠色既提子係未成熟既,千祈唔好摘,因為會酸澀架!
親子好去處 本地農親手摘巨峰提子
親子好去處 本地農親手摘巨峰提子


我地千挑細選,剪左一串約2磅重$160,雖然都有點少貴,不過免入場費,當一個活動價錢又可接受既。

親子好去處 本地農親手摘巨峰提子
兩位小妹妹本來大叫熱,唔多願郁,對比摘提子,佢地更愛既係提子田內的泥氹,因為落過雨所以幫兩人換上水靴,任踩都唔怕,所以佢地好訓身咁玩泥,瞬間變左屎撈人咁,仲哈哈大笑。

親子好去處 本地農親手摘巨峰提子

親子好去處 本地農親手摘巨峰提子
除左摘提子,仲有西瓜同其他瓜菜可以摘,依度仲種左大片水稻,陽光打落黎閃閃生光,名付其實既「水禾田」好治癒呀!依度仲有大片草地,任小朋友或狗狗放電,平時超怕熱既QB,有朋友一齊玩,烈日當空踢波又無呻過喎!

親子好去處 本地農親手摘巨峰提子

親子好去處 本地農親手摘巨峰提子

親子好去處 本地農親手摘巨峰提子


✅郊遊必備蚊怕水防曬霜、帽、小風扇、毛巾仔,都可帶備退熱貼貼在頸降温。
✅着長褲同帶防曬衣,避免曬傷同防蚊。小朋友玩完會出晒汗,帶多套衫換最穩陣。
✅場內有飲品售賣,附近亦有公厠,乾糧就要自備啦。
✅摘下既提子可以即埸清洗就食得,不過我鐘意雪凍先食,擺雪櫃可以Keep到差唔多成個星期都仲好靚,味道都幾香甜,口感就挺身過日本產既巨峰。7月香印提子就會成熟,趁天氣好可以帶小朋友去玩下,人一D都唔多,影靚相無難度!

親子好去處 本地農親手摘巨峰提子

地點: 元朗大棠朗屏士多啤梨葡萄園

交通: 朗屏西鐵站乘K66 至大棠迴旋處行5分鐘即到

合作邀稿, 文章內容全屬真實分享及個人意見, 只供參考之用~
聯絡合作和活動:
Email:[email protected]
Facebook:Mini Bubble Corner

更多精選內容