38歲余文樂興奮揭曉BB性別 三年抱兩再做爸爸

38歲余文樂興奮揭曉BB性別 三年抱兩再做爸爸

余文樂喺2017年同台灣皮帶千金王棠云拉埋天窗,二人嘅愛情結晶品余初見(Cody)喺2018年5月出世。早前又喺父親節宣布再度做爸爸,今日同太太舉辦Baby shower並揭曉BB性別,更上載影片親自宣布,太太佗B女,兩公婆三年抱兩,湊成「好」字,真係恭喜晒!
撰文:Sundaykiss | 資料來源:余文樂 | 圖片:新傳媒資料庫

余文樂太太懷第二胎揭曉BB性別

余文樂王棠云兩公婆,早前宣布再度做爸爸媽媽後,今日又搞Baby shower,揭曉BB性別。一家三口都着上白T-Shirt家庭裝,王棠雲手持一個黑色氣球,上面寫有「Boy or Girl」,其後余文樂將氣球刺破,飛出粉紅色氣球,他興奮得忍唔住大叫!

余文樂:「雖然我其實男女都無所謂,可是知道是女孩那一刻,突然又很興奮!!!」

王棠云:「爸爸接下來要被吃定了!」

余文樂

余文樂得意B首曝光

入行19年,潮人形象深入民心,余文樂五年前創立個人潮流服飾品牌,生意愈做愈大、世界名牌合作不斷,在反映內地明星消費影響力指數的 「CBNDATA」,其品牌更長踞榜首多個季度,長期領先內地巨星范冰冰及楊冪。既然賣衫比拍戲更好搵,余文樂搖身一變成全職生意人,周圍飛巡視業務又開會。爸爸忙搵奶粉錢,湊仔重任自然交託到台籍太太王棠云身上。

余文樂

生意雖忙,余文樂亦盡量陪老婆享受湊仔樂,上月帶完Cody遊船河又陪老婆去台灣浸溫泉,而兩公婆雖然愛晒仔,不過Cody 上鏡都係得背影或側面。

余文樂
收埋寶貝囝囝正面,而自己童年照就連正面全裸都不怕分享。

 

富貴樂嫂做少奶奶

16年公開戀情、17年結婚、去年5月誕下兒子後,王棠云亦從皮帶大王千金小姐搖身變「余總」背後賢妻良母。日前由司機接載到豪宅擎天半島與朋友聚會,不用工人姐姐跟身、一個人揹起巨型奶粉袋再一手抱起一歲三個月余初見 (Cody),應付起上來綽綽有餘毫不吃力。余文樂做了爸爸後,亦像其他星爸一樣 一直晒仔成狂熱衷分享湊仔樂,不過Cody上鏡一直不是側面就是背影,這次跟媽媽出門,終於不再遮掩真面目曝光。只見保母車到埗後,司機先行下車抱出Cody等候、等待王棠云揹好奶粉袋準備妥當再 交到其手上。無論司機定媽媽抱,Cody都乖巧聽話絕無扭計,主動伸 手撲向媽媽懷抱後,又多了幾分安心和好奇,眼仔碌碌周圍望、再伸出小手板和司機叔叔講再見,可愛又有禮。

余文樂

兩公婆雖然愛晒仔,不過Cody永遠唔見樣,就算 一家人大合照都不例外。

余文樂

余文樂哥哥兒子Zander(右)比Cody年長三個月,成為玩伴,年紀近連樣貌都有九成相似。

 

辭退助手推戲兩年

一邊拍戲一邊經營個人品牌藝人不少,唯獨余文樂目標為本,三集《志明與春嬌》系列和真人騷《我們相愛吧》,在內地市場打開知名度,更奠定潮人暖男形象,借名氣幫品牌更上一層樓,漸漸把演藝事業變成副業。兩年前完成最後電影《悟空傳》宣傳工作後,索性連跟身多年藝人助理都辭退、未有接新戲,亦不見再錄製內地真人騷,依舊係空中飛人周圍飛,不過就係遊走各地開會、巡舖會潮人。忙完生意,其餘時間當然主要留番畀老婆同囝囝。上周一家三口去高雄浸溫泉以外,樂仔亦不時在個人IG分享父子時光,一時抱仔睇NBA、一時齊齊遊船河,醉心潮流又愛靚車,樂仔唔止靚衫潮鞋一概有埋BB版,只得一歲人仔,Cody電動車座駕亦有好幾款,可見樂仔搵到,更捨得使喺老婆同囝囝身上。

余文樂
15個月大余初見一直被父母收收埋 埋,日前跟住王棠云外出終於見到 真樣,五官相對更似爸爸。

余文樂

司機臨走前與Cody說再見,醒目仔Cody亦都畀咗反應仲伸埋 手仔同司機飛吻byebye。

 

過橋抽板老友割席

為人父後話要生夠三個、做個好老竇、年初帶囝囝拜年,仲話最緊要教到Cody做個有禮貌的小朋友,講就天下無敵,不過由藝人變生意人,余文樂做人又好做生意都好,手法就並非人人認同。經營個人品牌 試過被指抄襲、又曾經吹捧炒價,被網民鬧爆「永遠比不上陳冠希」;部署做生意前,又被踢爆一味靠黐,成功埋得郭富城沈嘉偉堆後,過橋抽板,所以被踢出朋友圈,故Madness成立之時,亦是余文樂與沈嘉偉、城城割席之際。明明大家前後腳結婚做爸爸,城城擺酒不請昔日邊爐鐵腳余文樂、家有兩個分別兩歲及三個月大的囡囡,亦永遠不會約埋分享爸爸經,話雖未反面,實情五年來不相往來。

 

余文樂
果然如余文樂所言,Cody易湊又好奇心重,短短一程路,眼仔碌碌又伸埋手仔周圍摸。

余文樂

一個人湊住15個月大Cody上 門探朋友,王棠云毋須幫手獨自揹住奶粉袋再抱埋個仔,一樣好輕鬆,巨型奶粉袋又係同老公自家品牌聯乘,今次老闆娘做生招牌。

余文樂

生意愈做愈大、家庭生活又愈見圓滿,不過余文樂行為就唔係人人睇得過眼,繼過橋抽板,被富貴朋友圈割席後, 早前Cody開生日P,只遮自己個寶貝仔樣,亦被網民鬧爆自私絕頂。

 

余文樂

鍾意晒車晒錶顯示身份地位今非昔比,余文樂連車都有預埋寶貝仔,買埋玩具版,仲訂造埋車牌。

 

余文樂

結婚生仔後,極力營造好老公同好爸爸形象,有鋪紋身癮的余文樂,再紋身紀念兒子出世。

更多精選內容