林作半山複式豪宅私藏裕美曾裸體求婚  富媽媽指未夠班入門

林作半山複式豪宅私藏裕美曾裸體求婚 富媽媽指未夠班入門

現年30歲的林作身兼多職,曾任兩年執業大律師,又曾半隻腳踩入娛樂圈,客串過網絡電影,演過舞台劇。近年加入遵理做補習老師,就連KOL、移民專家及保險經紀都做埋。早前,林作與失婚31歲裕美戀情曝光後,二人高調認愛!然而,因為二人背景差異,不被外界睇好,甚至林媽媽直指「未夠班入門」。兩口子一段感情曝光不足十日,日日都有新進展,裕美又自爆已收下男友鑽戒、承認獲對方多次求婚。未過門「婆媳關係」經已勢成水火, 睇嚟平時伶牙俐齒轉數奇快嘅林作,今次都真係有排煩囉!

原文刊於:東方新地

裕美被嘲 林作頻頻出post反擊

外人說三道四其實又使乜咁認真,不過一向行徑冇定向估佢唔到嘅林作,一而再出千字文為新歡護航,戀情曝光短短幾日已狂 po 超過十五條 IG ,逐一反擊新聞報道、網紅評論甚至網友私信。護花心切、神經緊張到一個點,好似網絡作家葉朗程咁啱有文提到,有錢有家世有學歷醫生兒子被妖氣所吸,名門之子竟然與「膠門」都不是嘅學渣行埋時,林作聯同裕美都對號入座出文反擊。係真愛至上完全唔介意旁人指點,定係太介意呢?就真係見仁見智啦!

林作
牛津畢業生、港大碩士、清洪徒弟兼且有個學霸港姐冠軍前度,林作最近被爆與裕美拍拖一年,兩人是否匹配即時成為全城熱話。
林作
其實一度份屬同公司藝人,又多次被踢爆裕美多張相片背景係林家豪宅,林作撻著裕美並非新鮮事。
林作
會考零分、曾經離婚、當年未同前夫了斷已經搭上藝員黃子恆,呢一切都係裕美嘅黑歷史,唔少網友認為新歡背景家底才貌,都遠遠不及林作舊愛麥明詩。
林作
林作一直很自豪自己在牛津修讀數學系,雖無法律學位,卻能成為大律師。
林作
外間說三道四林作會一一反擊,不過對於媽媽親口表明唔接受裕美做新抱,如未婚生子更索性斷絕關係,態度強硬連林作都無可奈何。

林母指裕美未夠班 婆媳勢成水火

兩口子一段感情曝光不足十日,日日都有新進展,與林作前度比較完,又被外間比較家世,一一反擊網友撩交嗌後,真正難關其實都係林作嗰位富媽媽王莉妮 (Lily)!一直有報道指 Lily 唔接受兒子新歡一事,最新發展係兩母子接受傳媒訪問,林媽媽講到明拒絕裕美入門做新抱,仲話就算奉子成婚都行唔通,一陀 B 就立刻同林作斷絕母子關係,完全冇商量餘地咁話!裕美又自爆已收下男友鑽戒、承認獲對方多次求婚,甚至裸體求婚,裕美就話林媽媽咁諗係好正常,希望Auntie 畀啲時間去認識佢,唔好單憑新聞報道就判佢死刑喎!未過門婆媳關係已經勢成水火, 睇嚟平時伶牙俐齒轉數奇快嘅林作,今次真係有排煩囉!

林作

林作
做過律師、做過補習名師、半途出家做過藝人又管理過娛樂公司,近月林作轉行賣手袋賣保險,更自誇月賺60萬又係保險公司最強組頭。為振奮軍心、多次齊集組員上林家開會,唔止見到林作工作能力,亦意外曝光林家3,400呎豪宅。
林作
客廳飯廳布置簡潔優雅,地方闊落到足以容納近三十人聚會。
林作
自認有強勁經濟能力嘅林作,於今年母親節一口氣送上8個 Hermes 手袋畀媽媽,認真闊綽!
林作
裕美 po 唱歌片,背景正是林作睡房,床頭燈一模一樣,證實裕美已進駐林作麥當勞道豪宅。
林作
林作與母居於三千多呎複式豪宅,屋企大到收埋裕美,阿媽都唔知。
林作
家中的開放式廚房大如餐廳。

更多精選內容