33歲馬貫東入行14年冇錢開飯一個麵包食兩餐   孝順仔最大願望買樓送家人

33歲馬貫東入行14年冇錢開飯一個麵包食兩餐 孝順仔最大願望買樓送家人

33歲無綫藝人馬貫東在熱播劇集《那些我愛過的人》中,飾演患有亞氏保加症醫生古希晨,角色雖古怪但單純討好。馬貫東入行14年,曾經捱過無錢開飯一個麵包食兩餐的艱難時期,全靠母親及家姐接濟,支持他追夢,成為他最強後盾。孝順仔馬貫東最大願望,買三房樓送家人,而40歲前成家立室。

原文刊於:東方新地

馬貫東入行14年默默等機會

無綫經常被觀眾批評男女主角來來去去都係得幾個,睇到厭!新劇《那些我愛過的人》終於帶來新鮮感,馬貫東演活了患有亞氏保加症的古怪醫生古希晨,他與連詩雅這對醫生CP贏盡觀眾歡心,搶眼程度甚至凌駕於男女主角林文龍與黃翠如之上。之前毫不起眼的馬貫東被讚演技大爆發,拿捏角色精準,自閉言行入晒血,表現攞滿分。

馬貫東
馬貫東在新劇《那些我愛過的人》飾演患有亞氏保加症的古希晨醫生,角色性格沉默寡言,倔強固執,不愛與人接觸或直視超過兩秒,動作語速飛快說話硬繃繃,對他而言是演技的一大考驗。
馬貫東
馬貫東追求連詩雅的劇情追看性甚高,網民力讚他演技好,對他另眼相看。

馬貫東 馬貫東

馬貫東 馬貫東

馬貫東中七畢業後參加無綫電視第21期藝員訓練班入行,一直做茄喱啡,16年在劇集《鐵馬戰車》內飾演警長「揚名」一角演出生動,同年加入無綫處境劇《愛‧回家之八時入席》首次飾演戲份較重的角色 唐中書(十仔),直到17年參演《愛‧回家之開心速遞》憑秦博思(博士)一角終於受到觀眾及網民注目,並獲提名《萬千星輝頒獎典禮2017》「最佳男配角」。默默耕耘等待機會的馬貫東,一等就14年,入行頭幾年人工之奀,自己都養唔掂,令他一度想轉行,幸好有母親及兩個家姐的無條件支持及鼓勵,他才咬緊牙關捱過去。

馬貫東
《那些我愛過的人》的男一及女一是林文龍與黃翠如,不過馬貫東與連詩雅這對 CP卻搶 fo成功,為觀眾帶來新鮮感。
馬貫東
劇情講述馬貫東自小被母親程可為溺愛,與連詩雅婚後需時間磨合,婆媳對決甚有火花。

據知情者透露:「Mark(馬貫東)份人比較被動,唔鍾意講嘢,以前亦唔埋堆,喺呢行真係輸蝕,佢一直都等好角色同發揮機會,就算奸角同變態佬都唔介意去做,做藝人講天時、地利同人和,Mark個樣唔係出眾,條件真係好普通,佢試過冇劇拍,知名度唔高,商演同代言又冇,真係靠黐屋企過活,最霉嘅時候佢諗過轉行唔撈,不過孻仔孻心肝,佢媽咪同家姐都好錫佢,知佢真心鍾意演戲,鼓勵佢唔好半途而廢,為咗堅持追夢早年冇錢畀屋企,佢覺得愧對家人。不過Mark都唔係放軟手腳,佢會諗辦法幫補生計,早年做過婚紗攝影助手,邊拍劇邊同朋友搞生意,又做健身教練,後生仔有嘅係時間同機會,佢係一個好積極嘅人,而且唔會忘本,佢承諾過第時有成就搵到錢,一定會好好報答屋企人。」

馬貫東
馬貫東從小在單親家庭成長,跟母親和兩位姊姊同住,入行頭幾年窮到燶,幸有家人支持他追夢,成為他最強後盾。

花七年時間衝刺 40歲前成家立室

藝人收入不穩定,雖然憑新劇人氣急升,但馬貫東在疫情期間工作亦受到影響,最近他與友人合資搞湯包及花茶生意,日前見他親力親為搬貨又揸車去送貨,搵錢動力十足。事業起飛的馬貫東,感情生活亦穩定,據知他為自己定下了目標,希望能在四十歲前有一番作為然後成家立室,知情者說:「馬明都係45歲先拎視帝,Mark今年33歲,依家發力都唔算好遲,古醫生個角色依家出晒位,嚟緊佢應該大把機會,Mark希望呢幾年可以喺演藝事業上衝刺,之後結婚組織家庭,佢為人定性用情專一,入行咁多年緋聞都冇單,現任同前任女友都係圈外人,亦因為咁佢想保護對方,唔想拍拖太高調。」人怕出名豬怕肥,馬貫東有知名度後就好難低調,況且索女友咁有質素,選港姐都仲得,又怕咩見人呢喎!

未曾在台慶頒獎禮獲獎的馬貫東,今年有機憑古希晨醫生一角吐氣揚眉。

花了14年追尋星夢的馬貫東,演過不少角色,不過近年才受到注目,由正直陽光十足的《愛回家》博士到《金宵大廈》的變態偷窺男,馬貫東都駕馭得到。

馬貫東
17年在《愛‧回家之開心速遞》中憑秦博思 (博士) 一角嶄露頭角,他與謝芷倫飾演的Mandy在劇中飾演情侶一同受到網民注目並獲提名《萬千星輝頒獎典禮2017》「最佳男配角」

馬貫東

馬貫東
去年在《金宵大廈》單元故事「洞」飾演偷窺男的馬貫東,演出入型入格。
馬貫東
他每天偷窺住在隔壁的歐陽巧瑩,去到不能自拔的地步,予人一種變態的感覺。

馬貫東:想買樓俾媽咪

記:本刊記者 馬:馬貫東
記:新劇個角色令你彈起,開唔開心?
馬:梗係開心!大家咁鍾意古希晨醫生,我亦達到目
的,想多啲人注視呢個症,多啲關心同了解患者。
記:有冇信心今年台慶頒獎禮有獎攞?
馬:有得參與已經好開心,做咗十幾年終於獲得認
同,有獎係一種鼓勵,冇獎亦唔會唔開心,唔會畀
自己太大壓力。
記:屋企人幫咗你好多?
馬:唔係佢哋支持我,一早已經唔喺呢行啦!早年我冇畀家用佢哋都冇逼我,仲好支持我做任何事。
記:最霉嗰時有幾坎坷?
馬:我試過一個麵包分兩餐食,不過唔係好長時間,盡量唔想問屋企攞錢,佢哋已經無條件去支持我。

記:依家經濟好咗,有冇目標?
馬:依家儲到錢我會畀家用,第時想買層樓畀媽咪,三房單位啦!最緊要一家人一齊住。
記:影到你有個新女友?
馬:開始咗唔係長時間,佢係圈外人,唔想有太多不必要嘅壓力,大家畀啲空間我啦!

馬貫東
馬貫東在旺角街頭接受本刊記者訪問,他表示一直住在家姐名下的物業,早年入不敷支冇交租仲要家人接濟,感激家人多年來的支持。

馬貫東私藏仙氣女曝光 寵物店玩貓當拍拖節目慳錢又貼地

原來現實生活中的他亦私藏仙氣女友,馬貫東連日拖女友去寵物店玩貓,拍拖節目慳錢貼地。

馬貫東
早前一身運動裝的馬貫東現身旺角一間中藥海味店
馬貫東
見他搬了兩大箱貨行足一條街放上車。
馬貫東
馬貫東出動其座駕親自做司機
馬貫東
車廂內放滿了藥材湯包及電子燉盅。
馬貫東
現場所見,馬貫東親自送貨到多區的食店及商廈,包括旺角及荔枝角。
馬貫東
忙完私幫生意,馬貫東揸車去接女友,途中發現本刊記者,他大方地打招呼,女友就怕醜唔上鏡。
馬貫東
馬貫東在油麻地讓女友落車,她去便利店買完嘢飲先行返屋企,而馬貫東則返回與母親及家姐同住的旺角寓所。

馬貫東

真命女友現身圈外女友仙氣十足

本刊記者連日直擊馬貫東的拍拖生活,對女友出入管接送照顧無微不至的他,現實生活中是百分百暖男,其圈外女友仙氣十足,高䠷身材絕不輸劇中老婆連詩雅,二人的拍拖節目非常貼地,一得閒就去寵物店玩貓,馬貫東是愛貓之人,今年5月,養了近五年的愛貓Moo Moo患上傳染性腹膜炎病逝,令他非常傷心,所以他與女友頻頻出動睇貓,希望能找到另一隻與他有緣的貓。其中一日外出時發現記者,馬貫東為保護女友先送她返家,然後才獨自接受訪問。據知,馬貫東為保護愛苗所以拍拖相當低調,並曾向友人透露感恩遇上現任女友,女友沒有嫌他窮,他也以結婚做大前提。

馬貫東
今年5月,馬貫東養了五年的金吉拉貓 MooMoo因病去世,愛貓未能看到他事業有成就離開,馬貫東表示遺憾未能釋懷。
馬貫東
馬貫東這日拖實女友去大角咀寵物店玩貓。
馬貫東
見他們對其中一隻布偶貓愛不釋手,馬貫東仲心心眼現晒形㖭!
馬貫東
二人睇完貓翹到實離開寵物店,馬貫東為女友拎住兩大袋重物,盡顯男士風度。
馬貫東
這日馬貫東又帶女友去大角咀同一間寵物店睇貓,不過二人前後腳非常小心,警覺性甚高。
馬貫東
少年時代是個肥仔的馬貫東,入行後開始健身,仲考埋健身教練牌,這日他離開觀塘健身室去買麵包醫肚。
馬貫東
表卻陽光十足,近年最愛健身及參加戶外活動。

馬貫東

馬貫東
馬貫東夾啱時間過海去銅鑼灣接女友放工,身穿米色套裝的女友外表端莊,仙氣十足,似是返朝九晚五的OL。
馬貫東
馬貫東女友上車後又落車去附近商場買蛋糕,其間因講電話把口罩向下移,靚樣與高䠷身形同樣矚目。

關鍵詞
馬貫東

更多精選內容