產後修身秘技大公開 18位fit爆星媽 生完fit過未生 修身餐單+紮肚+運動秘密

產後修身秘技大公開 18位fit爆星媽 生完fit過未生 修身餐單+紮肚+運動秘密

不少圈中索爆星媽產後都極速修身,甚至keep得fit過做女嘅時候!然而,這條修身次路上,佢地都有下一番苦工,包括修身餐單紮肚以及運動

原文刊於:東方新地

18個產後索爆星媽

星媽1:陳茵媺 39歲

點似生過? 39歲陳茵媺四年抱三已經係三個仔女之母,但身形依然好fit,泳衣look拍得住選港姐時期。

星媽

陳茵媺:要捱過第一個星期

陳茵媺透露生完三個子女後點樣收身:「做運動,帶氧運動同埋重量訓練,仲有調節飲食,淨係食蔬菜同埋肉,食好多肉,戒食澱粉質,幾成功,但係就要好有堅持,因為都幾辛苦!我記得第一次第一個星期冇食澱粉質,我覺得自己想暈,仲要湊住三個,都幾辛苦,但過咗一個星期之後,開始見到好有效,但一定要捱過嗰一個星期先!」

星媽

延伸閱讀:陳茵媺分享三招產後修身方法

星媽2:張名雅 32歲

兩年抱兩嘅張名雅2018年尾生完細仔休養一年多,又做運動又束腹身材仲fit過未生時,最近忙拍攝劇集《七公主》之餘,亦不忘用三點式證明狀態一流!

 

星媽 星媽

產後修身 第一招:餵人奶

眾所周知餵人奶可以幫助修身,Carat的母乳路走了六個月,雖然不易行,但卻很有滿足感。Carat說:「起初餵人奶真的有點辛苦,因為黃金初乳很珍貴,所以我就不停泵奶,怎知不小心弄損了,之後每次餵人奶就很痛,不需餵奶時又痛,不過看見BB邊吃邊睡很窩心,瞬間就會痛楚全消。」

產後修身 第二招:紮肚

Carat修身速度驚人,兩個月已迅速減磅,比起未懷孕時更瘦,現時只有99磅,跟當年選美時一樣。Carat早前更獲產後紮肚修身中心邀請任代言人,她說產後紮肚花了十日時間,起初一、兩次比較辛苦,完全不太適應,習慣了就很舒服,產後一個月就已經回復27吋腰!

星媽

延伸閱讀:回復23吋腰 張名雅產後修身全靠2招

星媽3:楊洛婷 39歲

原來楊洛婷當選港姐亞軍已經係十七年前嘅事,囡囡Tanya Faith亦就快三歲,不過佢從來未有吝嗇一副好身材,更不時以性感形象示人。

楊洛婷「四管齊下」修身,進行紮肚療程、針灸、餵人奶、更會用儀器幫助修身,產後3個月火速回復陀 B前的磅數!

 

星媽

星媽4:胡杏兒 40歲

經過2次懷孕的胡杏兒,每次產後都能夠極速修身,快速變回苗條身形。不少網民都十分好奇,杏兒的減肥秘密。故此,她在社交媒體公開飲食餐單,以高蛋白質的食物為主,減少吃熱量高的白飯,轉食藜麥、十穀米等代替。

星媽 17個產後索爆星媽 陳茵媺、林芊妤、李蘊身材出眾keep得fit過做女 修身餐單+運動秘密

胡杏兒在社交媒體公開修身秘密:「其實管住嘴真的很重要,但並不是節食不吃,反而要三餐吃全,接下來的日子我會給大家介紹一下我的一日三餐:五穀、脂肪、蛋白質和維他命的吸收很重要,所以三餐的食物營養都要均衡,包括脂肪都是必不可缺的。」

延伸閱讀:40歲靚媽胡杏兒2子之母 產後極速修身 絕密修身餐單曝光 減肥要靠食足夠脂肪

星媽5:陳嘉寶 30歲

生女年半、囡囡Hosanna個樣一直收收埋埋未曝過光,不過陳嘉寶做咗媽媽靚樣同身材都係冇乜點變依然充滿少女味。

星媽 星媽

星媽6:湯盈盈 45歲

兩女之母湯盈盈喺電視台嘅角色愈來愈成熟,其實靚媽間中都會著上泳衣露一手,身材亦有睇頭。

噴血水著靚媽大特集!陳茵媺、林芊妤、李蘊身材出眾keep得fit過做女

星媽7:周家蔚 36歲

與陳茵媺同屆,屈居港姐亞軍嘅周家蔚於2012年結婚,婚後誕下現年分別七歲及五歲嘅囝囝TJ同JT,最新泳衣照出籠,又係拍得住選港姐全盛時期。

星媽

星媽8:鍾麗淇 43歲

兩女之母鍾麗淇06年離開電視台後一直熱衷瑜伽,更成為星級瑜伽導師,著上泳衣身材健美亦是預料中事,fit到漏絕對稱得上美魔女。

星媽

星媽9:林芊妤 30歲

Coffee林芊妤同吳日言因為有媽媽共同話題而成為密友,二人帶埋仔女著上泳衣行夏水禮,作為瑜伽導師嘅Coffee出名修身有道,魔鬼身材十分養眼。

星媽

Coffee教做 12分鐘燒脂親子瑜珈操

瑜珈老師Coffee作為新手媽媽,非常明白產後媽媽難修身的感受,自創一套12分鐘嘅親子瑜珈操,不但可以讓媽媽們做運動減肥,還可以邊和寶寶玩,增進親子感情,減肥湊B一舉兩得!

Coffee教做的這一套親子瑜珈操,利用BB的體重來做負重運動,令繁忙媽媽有時間兼顧減肥湊B。擔心BB太細容易受傷?Coffee亦貼心給出建議,提醒媽媽們一定要留意BB頸部的承托力,另外,避免在BB食得太飽或者想瞓覺嘅時候做。想做得安全放心,媽媽最重要要量力而為!

延伸閱讀:Coffee自創12分鐘親子瑜珈操

 

星媽10:吳日言 36歲

唔露唔知身材好,平日收收埋埋嘅吳日言輕輕一露,噴血指數爆燈!

星媽

星媽11:陳敏之 41歲

有名你叫「索腿天后」,陳敏之雖然寶貝仔雷子樂都已經3歲大,不過手腳纖瘦、小腹扁平,完美身形同43吋長腿依然喺度。

星媽

湯水進補

敏之自言在吃的方面沒有特別忌口,間中也會在instagram 看見她吃甜品的照片,是一個愛吃的女生呢!但她提及自己是很喜歡喝湯水的人,尤其喜歡木瓜魚湯,生產後可以通奶又養顏,另一至愛杜仲湯亦可補腰骨,很適合當媽媽的她。

湊仔是最大的減肥運動

當大家都羨慕敏之的完美身形,她卻自言沒有很規律地運動,最大的減肥運動就是當媽媽湊小朋友!相信大家都明白,照顧小朋友是體力勞動的工作,而適量的運動就能令皮膚變靚啲!

延伸閱讀:靚媽 陳敏之 產後極速修身!叉足電復出靠這4招

星媽12:周汶錡 46歲

41歲至高齡產子、仲三年抱兩生下囝囝Jacques 同Avner,名模周汶錡陀仔時身形fit到漏已經係全港孕媽頭號艷羨對象,如今46歲依然省鏡不負名模盛名。

星媽

星媽13:呂慧儀 37歲

離婚兩年,長腳蟹呂慧儀親身證明單親生活其實可以過得更充實更亮麗,唔使開工就會帶埋囝囝「蟹籽」去玩水,趁機又騷吓靚身材。

星媽

噴血水著靚媽大特集!陳茵媺、林芊妤、李蘊身材出眾keep得fit過做女

星媽14:李悅彤 32歲

當年介入彭順同李心潔婚姻一夜成名,又傳與夫家不和百日宴冷清,不過成功嫁入澳門豪門嘅Liddy李悅彤一於少理,投入湊仔行列,水著look盡顯豐滿身材。

18個產後索爆星媽 陳茵媺、林芊妤、胡杏兒身材出眾keep得fit過做女 修身餐單+紮肚+運動秘密

星媽15:雷凱欣 36歲

當年憑著36F驕人身材成為𡃁模始祖之一,更成為三級片《3D肉蒲團之極樂寶鑑》第一女主角,2018年產子後,雷凱欣從一代艷星成為賢淑媽媽,好彩著起泳衣身材仲未見走樣,靚臀堅挺。

星媽

星媽

星媽16:蔣怡 43歲

蔣怡婚後育有六歲女兒及兩歲兒子,又愛甜食仲係公認甜品大師同藍帶狀元,不過穿起泳衣體態撩人,果然係名模出身。

星媽 星媽

星媽17:陳爽 37歲

07年當選中華小姐季軍、現時有一對分別五歲和三歲的兒女,陳爽雖然淡出幕前,但身材完全唔覺走樣。

星媽

星媽

 

星媽18:李蘊 29歲

屬於早婚又早生嘅一批,再加上12歲入行出道都早過人,人妻兼人母李蘊其實今年都係得嗰29歲,生咗兩個仲有大把本錢。

星媽

更多精選內容