牛扒雪糕 盛夏消暑良伴 Smokey Ice

牛扒雪糕 盛夏消暑良伴 Smokey Ice

牛扒雪糕 盛夏消暑良伴 Smokey Ice

牛扒雪糕 ? 你無聽錯 , 真係 牛扒雪糕 , 不過並非牛扒口味 , 而係牛扒造形兼且可以用刀叉切住食 , 有趣吧 ! 在元朗新開的 「 Smokey Ice 」 , 有玩味十足的鐵板冰極 牛扒雪糕 , 以朱古力雪糕扮厚切肉眼扒 ; 用刀切開裏面是半生熟粉紅色 , 其實是士多啤梨雪糕扮成 , 整個 牛扒雪糕 造形幾可亂真 , 其實是店主經歷半年才試驗成功 ! 另一款和風吉列豬扒就要用筷子食 , 其實是炸雪糕 , 以白麵包包住雲呢拿雪糕 , 蘸滿麵包糠炸至金黃再切件 , 用筷子逐件夾來食先夠過癮 。 還有雪糕漢堡 , 用迷你燕麥包夾住朱古力和雲呢拿雪糕扒 , 加上煉奶和朱古力醬 , 可以用手拿起食 ! 全部造形有趣 , 維妙維肖 , 對住 牛扒雪糕 , 無法不 「 相機先食 」 。

牛扒雪糕
冰極牛扒 $65
鐵板底下有乾冰扮煙 , 牛扒淋上朱古力醬 , 還有伴碟的榛子花生醬西多士 、 香蕉扮薯條 , 牛扒雪糕 就此完成 ! 牛扒雪糕 每件人手倒模製作 , 每日限量 , 質感偏硬但朱古力味濃郁 。 其實 牛扒雪糕 外層是特濃朱古力雪糕 , 中間士多啤梨雪糕 , 切開就好似半生熟的牛扒 。
冰極炸豬扒
冰極炸豬扒 $58
炸麵包皮薄而脆但又唔拮口 , 難得內裏雪糕未融 , 炸得好 ! 淋上士多啤梨醬食更好味 。
雪糕漢堡
雪糕漢堡 $48
迷你燕麥麵包先烘脆 , 分別以朱古力和雲呢拿雪糕扮漢堡扒 , 淋上煉奶和朱古力醬 , 仲有芝士酥扮薯條 , 好有趣 。
馬騮搣雪糕
馬騮搣雪糕 $42
中國茶口味雪糕坊間少見 , 烏龍茶味濃郁回甘 , 質感又 creamy 。
菠蘿包雪糕
菠蘿包雪糕 $42
其實是菠蘿味雪糕 , 混有菠蘿包皮的餅碎 , 菠蘿味清香但頗甜膩 。
雪糕店座位不足二十
雪糕店座位不足二十 , 長期人龍 , 未開門已有客排隊 。


牛扒雪糕-smokey-ice-27


Smokey Ice

地址 : 元朗合益路 9 – 15 號紀業樓地下 G 舖
營業時間 : 星期日至四 3:30pm – 11:30pm 、 星期五及六 3:30pm – 12:30am
付款方式 : 只收現金 , 免加一
前往方法 : 輕鐵大棠站
每人平均消費 : $70
備註 : 營業時間或有改動 , 詳情可到 facebook 專頁 ( SmokeyIcehk ) 查詢 。

撰文 : Fiona

 

如您欣賞本文章 , 懇請讚好我們的FB專頁 , 鼓勵我們做得更好 。

更多精選內容