49歲陳豪自爆曾是蒲精一名 零收入用十萬卡數填氹

49歲陳豪自爆曾是蒲精一名 零收入用十萬卡數填氹

49歲陳豪與39歲陳茵媺(Aimee)結婚7年,育有2子1女,一家五口一直都畀網民熱捧。日前,陳豪參與訪談節目《Tiger’s Talk》時,陳豪直認曾是蒲精一名,有一日覺醒過來,不可以這樣浪費人生。後生時玩夠蒲過,先有今日愛家庭愛老婆的陳豪。

原文刊於:東方新地

夜場冇收穫 陳豪:講就無敵,做就無力

最近陳豪同黎耀祥接受由伍詠薇、林盛斌主持的邵氏兄弟出品之訪談節目《Tiger’s Talk》時,陳豪直認曾是蒲精一名,佢自爆拍攝電影《晚九朝五》的年代,一星期蒲足五晚,不過有一日突然醒覺,陳豪話:「當時感覺就好似一盞射燈照住你,突然醒覺咁樣好浪費時間,係時候為人生做返啲嘢,於是就180度轉變,自此之後冇再踏足夜場,好努力為人生拼搏。」

伍詠薇追問係咪大把女埋身?陳豪笑笑口話:「諗係咁諗,但真實係永遠都空手而回,講就無敵,做就無力。我係唔會飲到爛醉嘅人,主要落去跳吓舞,自己溝唔到女咪睇人溝女。我相信每個人成長都需要花段時間去認識自己,後來先知其實自己根本唔鍾意呢啲生活,只係想陪朋友,嗰時啲朋友想去就陪埋一齊去。」

陳豪
模特兒出身的陳豪,高大有型,有女埋身都唔奇,不過佢話去夜場次次冇收穫。
陳豪
兩大視帝黎耀祥、陳豪接受伍姑娘同Bob訪問,又有料爆﹗

 

陳豪
主持伍姑娘問點解當年夜場冇見過陳豪,如果見到無理由會放過佢,陳豪話:「可能大家唔同場啦﹗」

陳豪

呃住父母一年冇工開

被喻為無綫金蛋的陳豪,演藝路看來相當順暢,當模特兒時收入豐厚,又做過電影主角,不過陳豪話都有兜茂時:「我雖然冇祥仔捱得咁耐,但當我有心做演員時,電影圈又唔太吃香,開始冇嘢撈,試過一年都冇工開,完全冇收入,唯有卡數冚卡數,差不多有成十萬卡數,但我唔會問屋企人拎錢。」後生時玩夠蒲過,先有今日愛家庭愛老婆的陳豪。

陳豪
而祥仔笑言自己不愛夜蒲,人生只去過一次Disco,去完就以後都不再去。

 

陳豪:She is my queen

陳豪、陳茵媺自2013年拍攝《心戰》時撻著,二人婚後育有2子1女。陳豪是娛樂圈出名的好老公。當年二人完婚後,陳豪更公開愛的宣言:「好多謝Aimee,自從遇到佢,發生嘅全部事都好開心,寄望日後都係一樣,She is my queen!」老婆Aimee定必甜到入心!

陳豪

陳豪亦是好爸爸,即使拍劇時間日夜癲倒,但對老婆陳茵媺及三位仔女錫到燶,無論幾忙仍會盡量抽空陪伴家人,即使捱到殘都在所不計!

陳豪

陳豪

享受二人世界

二人雖然育有2子1女,但依然會不時出外拍拖!陳豪日前喺Instagram大晒同茵媺嘅甜蜜合照!茵媺雙手搭喺Moses膊頭,小鳥依人仲大晒婚戒,有如一對新婚夫婦!Moses話難得抽到時間同老婆拍吓拖,去咗行街、睇戲、食飯,享受二人世界。

陳豪

 

難得兩個人去拍拖,當然要爭取機會影多幾張合照!除咗大晒拖手相,Moses仲分享佢同茵媺撐枱腳時嘅合照,見到佢哋食緊飯都要拖住手,佢哋仲時不時自己兩個單獨去旅行,相信呢對模範夫妻仲好似熱戀期一樣咁甜蜜!

陳豪

陳豪

簽包薪經理人約 停工繼續每月出幾十萬糧

早前政府頒下「限聚令」,開有咖啡店的陳豪,生意雖受影響,但絕世好老公兼好爸爸,就得上天眷顧成為逆市奇「爸」,商業演出減少卻繼續有錢落袋,與陳豪同拍《陀槍師姐2020》的一班演員如羅仲謙、宣萱、洪永城及鄧佩儀等,就對繼續有高收入的「疫市奇爸」陳豪表現羨慕。據知情者透露:「拍劇開工時間長,大家停機都會圍埋傾偈,成班工作人員都好羨慕阿Mo(陳豪),因為呢排商業活動停晒,大家冇晒搵外快機會,傾開先知阿Mo係無綫最高薪藝人,就算佢拍咗嘅兩套劇,《殺手》同《愛美麗狂想曲》仲未出街,佢都唔使擔心,因為佢簽嘅係包薪經理人約,就算冇工開,一樣個個月出幾十萬糧,相比要靠外快增加收入嘅藝人,真係同人唔同命,大家又點會唔羨慕佢!」

"除了是顧家好男人,陳豪更是超級暖男,結婚快將七年對Aimee疼愛有增無減,經<br

陳豪
一人賺錢獨養九口之家的陳豪,有萬能老婆持家,可以安心工作,日前趁住母親節,他就聯同三個仔女幫老婆慶祝,一家五口幸福到爆!
陳豪
無綫旗下藝人,分為包薪經理人約,藝員合約及部頭合約,包薪經理人合約以每月底薪計算,新人由幾千元起跳,工作愈多,賺到超額會有錢分。
陳豪
而多年來穩守無綫金蛋王的陳豪,一直深受客戶歡迎,廣告多不勝數,19年續約就年袋千萬。

陳豪

為家人拒絕向外闖 陳豪獨養一家九口 無難度

2018年底,盛傳古天樂與蕭定一分別向陳豪招手,不過,獨力擔起頭家的他,家庭開支不少,為求穩陣就放棄外闖機會,寧願留在無綫穩紮穩打,有指成功以3,000萬同無綫續約。據知情人士透露:「阿Mo形象好,又畀人時尚有品味感覺,咁多年嚟都係廣告客嘅寵兒,有時一星期都出幾個活動,好多唔同層面嘅廣告又畀佢擸晒,為咗留住呢隻金蛋王,無綫都計晒數,阿Mo喺正黃金時間續約,佢咁搵到,當時經濟又好,薪酬特別高,只係佢續約半年左右,香港就遇上政治風波,加上呢幾個月新冠肺炎肆虐,唔止香港,外地同內地啲工作都停晒,咁嘅時勢,佢冇受影響真係行運。」

陳豪"

陳豪

陳豪
買完嘢,陳豪負責畀錢兼攞嘢,不用媽咪操勞。
陳豪
母子一齊行去停車場攞車,教出個「好好先生」乖仔的陳媽媽,同陳豪一樣咁平易近人。
陳豪
落到停車場,陳豪緊張伸手扶住媽咪,非常貼心。

更多精選內容