8個演媽媽角色彈起的女星  未結婚但同樣母愛滿瀉

8個演媽媽角色彈起的女星 未結婚但同樣母愛滿瀉

不少女星未成人母時,就在劇集裡飾演媽媽,搶先體驗為人母的感受,更演來入型入格,例如李佳芯母愛滿瀉兼做埋「視后」、黃翠如飾產後抑鬱母、江美儀做怪獸家長等。

原文刊於:東方新地

女星1.李佳芯母愛滿瀉兼做埋「視后」

37歲嘅李佳芯,喺TVB已經發揮過三次母愛,包括今年《殺手》中嘅貪錢單親媽媽,以及2017年《與諜同謀》嘅強勢母親。但要數令佢事業起飛嘅,一定係2018年寫實劇集《BB來了》,Ali周旋於老公、媽媽同奶奶之間,演活新手媽媽嗰種神經質以及忐忑不安,港女蛻變成港媽,出色演技令佢奪得當年台慶「最佳女主角」獎。

女星

女星2.楊千嬅做失婚家庭主婦有驚喜

囝囝已經8歲大嘅楊千嬅,現實中做阿媽經驗相當豐富,不過幸福到痹嘅千嬅喺《多功能老婆》中演起失婚家庭主婦,估唔到亦帶來驚喜,入型入格。尤其講佢獨力帶著兒子生活,成為一家之主經濟命脈,從新建立事業,於不同階段心路歷程上嘅變化,展現外柔內剛一面,演起來很到位。

女星

女星3.黃翠如飾產後抑鬱母演技大躍進

黃翠如在《那些我愛過的人》中角色,婚前性格反叛任性,到婚後患上產後抑鬱症,然後老公車禍變單親再遇上真愛,人生路崎嶇。悲慘遭遇再加上跟繼子未能磨合,當中內心糾結不足為外人道。然而翠如今次擺脫以往嘅一、二、三號表情,被網民大讚演技大躍進。

未結婚但同樣母愛滿瀉!細數演媽媽角色彈起的女星

女星4.江美儀做怪獸家長入型入格

《親親我好媽》可以話係江美儀嘅代表作之一,佢扮演一位全職港媽、怪獸家長,要大女江嘉敏「贏在起跑線」,對女兒制訂一系列高度嚴格嘅成長規條,搞到母女長期對立開火。江美儀舉手投足入型入格,演出十分貼地。

未結婚但同樣母愛滿瀉!細數演媽媽角色彈起的女星

女星5.楊卓娜做復仇老母收放自如

楊卓娜在懸疑劇集《十八年後的終極對白》裡,是一位復仇老母,一方面要伺機為被謀殺嘅丈夫找尋真兇,另一方面要對自己嘅囝囝呵護備至,演出反差極大,但楊卓娜仍能收放自如,演起來自然流暢。

女星

女星6.阮小儀脫胎換骨做阿媽

形象樂天嘅阮小儀拍住搞笑嘅金剛,喺奇幻劇《降魔的》中罕有地深情起來。這對亡靈夫婦,徘徊陽間,原來放心不下兒子馬國明。小儀今趟脫胎換骨令人刮目相看,演繹出同馬明陰陽相隔嗰種不捨之情,非常催淚。

女星 女星

女星7.趙希洛演兩子女之母

港姐出身嘅趙希洛,於TVB多次扮演變態殺人犯,但在家庭倫理喜劇《超能老豆》中則充滿愛心,扮演兩子女之母。劇中角色既是職業女性又是家庭主婦,將家中大小事務打理得井井有條,讓老公陳智燊在外安心拼搏。

女星

女星8.江若琳演活為人母親的偉大

《詭探前傳》入面嘅江若琳,身世坎坷,小時候懷疑母親被父親害死而離家出走,自小缺乏父母疼愛,但又要女兒面前表現堅強,處處維護,演活為人母親的偉大。

女星

更多精選內容