【冬瓜茶食譜】 3 款冬瓜茶熱飲清潤 凍飲透心涼

【冬瓜茶食譜】 3 款冬瓜茶熱飲清潤 凍飲透心涼

天氣炎熱,可參考冬瓜茶食譜,煲冬瓜茶消暑是必要的。以下3款冬瓜茶食譜,清熱、消暑又開胃,而且冬瓜價錢便宜,到超市或街市就輕易買到,是夏日常備清熱良品。冬瓜茶食譜的主要食材冬瓜,功用良多,營養價值高,有助清熱解暑、利水消腫,很多人都適合享用。媽媽們看著這些簡易的冬瓜茶食譜,一家人消暑無難度!

撰文、圖片:小小豬KINSEY

冬瓜茶食譜1:清熱降火蘆茅葛根冬瓜茶

首個冬瓜茶食譜用上蘆根、茅根、葛根加埋一齊煲,除左可以除清熱降火之外,仲對濕疹都有啲舒緩作用。而且加埋荷葉同冬瓜,咁就可以消暑解喝,所以都好啱炎炎夏天飲呀!

材料:蘆根5錢、茅根5錢、葛根5錢、麥冬1両、甘草3片、荷葉半片、冬瓜1斤同片糖。好似好多材料,不過除冬瓜外,全部係藥材店都可以買到。我依個就係三人分量,煲好左大約有六杯左右啦。

3 款冬瓜茶食譜

把所有材料洗淨;冬瓜乾淨切件,冬瓜皮、瓜瓤和瓜仁都唔清走,因為加埋一齊煲就可以加強消暑功效呀。

3 款冬瓜茶食譜

煲內放約2L水,水滾後放入所有材料。

3 款冬瓜茶食譜

 

待水滾後,用大火加蓋煲約30分鐘。

3 款冬瓜茶食譜

然後加入片糖再以小火加蓋煲30分鐘,片糖加幾多就睇自己口味!

3 款冬瓜茶食譜

最後熄火焗多10分鐘,咁就飲得啦!甜甜地嘅涼茶就最合小小豬心水,唔洗勞氣就快快口飲晒一大杯啦。

3 款冬瓜茶食譜

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

冬瓜茶食譜2:生榨冬瓜汁

這個冬瓜茶食譜主角當然是冬瓜,冬瓜含有豐富維他命C及鉀質,清熱解毒,利水消腫,生榨冬瓜可以保留更多維他命C,對紓緩皮膚敏感痕癢,有一定幫助。

冬瓜湯水食譜

材料:

青皮冬瓜 / 水

做法:

1 將青皮冬瓜連皮切粒

2 將切片冬瓜加水放入攪拌機攪拌成汁即可。

 

冬瓜茶食譜3:清潤冬瓜茶

3 款冬瓜茶食譜

材料:

冬瓜、扁豆、赤小豆、薏米、茨實、燈芯草、果皮

3 款冬瓜茶食譜

做法:

1.整個冬瓜洗浄去籽切件連皮,加扁豆、赤小豆、薏米、茨實、燈芯草、果皮煲兩個鐘,撈起所有渣

2.加蔗糖滾溶即可!冬瓜茶熱飲清潤,雪凍飲透心涼!

冬瓜營養價值高,有以下4大功效:

1 利尿消腫

冬瓜含維他命C較多,且鉀鹽含量高,鈉鹽含量較低,腎性水腫、營養不良性水腫、孕婦水腫、高血壓、腎病、浮腫病等患者食之,可達到消腫而不傷正氣的作用。

2 止咳化痰

冬瓜籽有清熱化痰的效果,而冬瓜皮洗淨後加水煮沸飲用,則能緩解咳嗽。但因冬瓜性涼,所以不建議生食、多食。

3 減肥

冬瓜因含水量高、熱量低,冬瓜特有的成分「丙醇二酸」能抑制醣類轉化為脂肪,預防脂肪的生成,除了有助於減重之外,也是防治高血壓的好幫手。且冬瓜肉富含膳食纖維,能減輕便秘症狀、幫助體內排毒。

4 美容養顏:
冬瓜有杭衰老的作用,久食可保持皮膚潔白如玉、潤澤光滑,並可保持形體健美。冬瓜籽內含的植物油與不飽和脂肪酸能潤膚美容,將冬瓜籽晒乾磨成粉,和水攪勻便能洗臉、敷臉,有淡化斑點、潤澤肌膚的作用。

 

關鍵詞
冬瓜消暑

更多精選內容