37歲應采兒大細仔有愛融合 Jasper不妒忌 甜蜜吻細佬Hoho

37歲應采兒大細仔有愛融合 Jasper不妒忌 甜蜜吻細佬Hoho

53歲陳小春與37歲應采兒結婚已經10年,應采兒今年6月開刀誕下二兒子,為陳胤捷(Jasper)添個弟弟「Hoho」(好好),早前陳小春大爆初為哥哥的Jasper不懂處理情緒,有點不開心的感受,會妒忌細佬。事隔2個月,應采兒公開兄弟甜蜜相,相信Jasper已經適應哥哥的身份。

撰文:Sunday Kiss| 圖片:應采兒微博、Instagram

Jasper不再妒忌呷醋 溫柔親吻細佬

早前,Jasper剛升呢哥哥不懂處理情緒,怕BB出世後,再不可以一家三口一齊瞓,又問爸爸『什麼叫Jealous?』近日,應采兒在社交媒體分享兩兄弟甜蜜合照,相中Jasper溫柔抱著並親吻BB細佬,可見對細佬痛愛有加。

應采兒

應采兒更為此設計對白︰「媽媽︰兄弟好有愛;Jasper︰我比你大!我永遠都比你大!HoHo︰你好吵!別碰我!」網民大讚:「哥哥眼裏好有愛」;「好可愛! Jasper 會是好哥哥!」

應采兒

應采兒養和開刀誕子

早前應采兒上載一輯靚靚孕照,其後友人則上載大肚采兒的最新近照,但睇落手腳纖瘦臉無半點腫的應采兒,原來已經快生得。應采兒6月29日黃昏時在養和醫院順利開刀誕下二仔,陳小春今次有入產房陪老婆,拍了很多片段作紀念,但未有為B仔剪臍帶,再為人母人父的陳氏夫婦立即向親友報喜,而Jasper亦升呢哥哥,可喜可賀﹗

應采兒
應采兒在微博發了一張「一家四口」照,但未有講自己已誕子。

Jasper初為哥哥妒忌細佬

初為哥哥的Jasper不懂處理情緒,陳小春表示,Jasper到醫院探望媽媽和弟弟時,都表現開心,但回去後,他突然間好靜,更形容有點不太舒服的感覺,怕再不可以一家三口一齊瞓,又問『什麼叫Jealous?』

陳小春向Jasper解釋,Jealous是你本身沒有,但又很想有,只要你不想就不會有。

 

 

應采兒

其後,陳小春在微博首公開細仔相片並留言:「六一兒童節 HoHo 香港」!

36歲應采兒開刀誕子 細仔叫「Hoho」 Jasper妒忌細佬怕不能再跟父母同睡

而5月25日陳小春和應采兒傍晚6時到中環餐廳踞牛扒,同行還有約四名朋友,歎足三個多小時,小春和友人先落樓扯煙,其後應采兒亦落樓邊摸住巨肚之後上車返歸。

應采兒
歎足三個鐘牛扒,小春和應采兒跟友人在中環街頭等車。
應采兒
應采兒望住自己個巨肚
應采兒防疫意識高,食完飯立即戴住回口罩,然後上車返歸。
應采兒防疫意識高,食完飯立即戴住回口罩,然後上車返歸。

陳小春相隔七年再做老竇

52歲的陳小春與應采兒2010年結婚,2013年誕下兒子Jasper。應采兒曾在節目頻頻提過「想追多個女」,2019年初一度傳佢肚凸凸再度有喜,不過夫妻二人並未正面回應。至去年年尾,充滿爭議的陳小春於台灣演唱會期間,正式宣布36歲的太太應采兒懷第二胎,恭喜恭喜!

52歲的陳小春再做老竇 應采兒喜迎第二胎

小春煲湯為妻谷母乳

應采兒連月內對懷孕一事非常低調,至近日一反常態,連環po出與兒子Jasper一起為親子雜誌拍的孕照,更激罕放閃,表示老公陳小春親自為她煲魚湯,更為她在湯裡面加了很多白胡椒粉,相信欲達去腥的作用。她在ig寫道:

陳生煲湯喜歡自創…

今次算係非常好飲嘅重點,

永遠都係勁多白胡椒粉 ,

聽說買左200幾蚊,唔知會唔會谷多d奶?

「唔知會不會谷多啲奶?」此言即令人聯想起,第二胎已面世,要借助湯水催谷母乳,讓BB健康成長!

呢碗就係由陳小春炮製的愛心魚湯!
呢碗就係由陳小春炮製的愛心魚湯!

52歲陳小春台灣演唱會公布喜訊

陳小春去年(12月7日)在台灣首場演唱會表示剛好是太太懷胎滿三個月,「上個月才知道的,但是還不知道是男是女。」應采兒亦有帶同仔仔Jasper於現場欣賞演出。早前有媒體報導,應采兒帶著兒子轉到台北一所貴族國際幼稚園讀書,原本在香港九龍塘國際小學就讀二年級的Jasper,更降級為幼稚園生。有傳此舉係因為受香港社會局勢影響,所以陳小春夫婦決定送仔仔到台灣讀書。

應采兒
應采兒比陳小春年輕16年。

網民贈慶 幫手「改名」

陳小春再做老竇,雖然應采兒腹中BB性別未定,但由於小春近年言論甚受爭議,網民得知消息已經急不及待幫佢改名。建議名單包括:「陳君堯」、「陳近藍」、「陳護旗」、「陳近平」、「陳大灣」、「陳同佳」、「陳百祥」、「陳國坤」、「陳撥亂」、「陳反正」等等⋯⋯

應采兒
陳小春再做老竇,BB性別未定,網民已經急不及待幫佢改名。

年初傳應采兒準備陀第二胎

回顧去年初,應采兒曾經晒出溫馨全家福迎接新年,寬鬆打扮示人難掩肚凸凸,引網民熱議。當時應采兒喺微博晒一家三口合照賀新年,並留言:「熒光棒家族 祝大家Happy 2019」。相中應采兒與老公陳小春牽著寶貝仔Jasper喺海邊,一家三口洋溢幸福笑容迎接新一年。網民大讚佢哋一家「好幸福!」,又笑指「小春哥又被逼著家庭裝」。

應采兒 應采兒

當時網傳應采兒懷上第二胎,之後采兒出席活動都穿著鬆身裝束,刻意掩飾。不過,應采兒與陳小春夫婦都並未對「懷孕」一事作回應。應采兒晒出家庭合照,一向不介意大騷Fit爆身材嘅采兒,呢次去到海邊卻罕有唔著比堅尼,意外選擇寬鬆打扮示人。

網民紛紛好奇留言:「刻意遮肚?」、「希望熒光棒家族,添多一個螢光妹妹!」

應采兒

隨後,陳小春亦在社交網晒出與采兒的合照,並留言:「2019乜嘢都有」,再引網民熱議:「有BB!」、「Jasper是要有妹妹了嗎!」、「太太肚子有點飽的狀態」

當時楊千嬅與丁子高一家亦晒出與陳小春夫婦的合照,看來兩個家庭相約去馬爾代夫度假過年。

View this post on Instagram

我們的2019 🥳🥳🥳

A post shared by Real Ting (@real_ting) on

View this post on Instagram

Happy New Year 2019 🎊🎊🎊

A post shared by Real Ting (@real_ting) on

應采兒一直準備懷第二胎

應采兒同丈夫陳小春曾一齊接受專訪,二人合體難免被問到生第二胎嘅進度。當時應采兒首先就一反大笑姑婆嘅風格,好怕羞咁話:「就…可以準備啊。」喺隔離嘅小春就諗住搭嘴:「上禮拜……」小春未講完,應采兒就自爆:「上禮拜準備了一下!」果然,大笑姑婆應采兒唔會令人失望,總係會講啲出人意表嘅說話,惹人發笑。雖然唔少網民已經認定咗應采兒已經懷有第二胎,不過現時應采兒夫婦尚未正式認證懷孕嘅消息。我地就耐心等待佢哋宣布好消息啦!

應采兒

View this post on Instagram

🎅Merry Christmas 🎄

A post shared by 應釆兒 (@yingcaier) on

應采兒合照肚凸 惹懷孕猜測

早前應采兒喺Instagram post嘅一幅同鄧麗欣嘅合照已經引起網民揣測佢係咪有咗。事關相片中嘅應采兒著住一件頗為鬆身嘅衛衣,雖然衛衣並唔貼身,不過應采兒嘅肚似乎都有啲凸凸哋。有網民就留言話:「肚子圓圓的。」、「采兒姐要生妹妹了嗎哈哈哈。」一方面有網民留言指應采兒係咪再次有喜,另一方面亦有網民護航話可能只係條裙嘅褲頭位凸咗出嚟啫。

應采兒

應采兒

應采兒屢傳再度有喜

除了合照疑雲外,應采兒早前之後更上載咗一張相上微博,相片內容係話:「做遊戲都要有隊友,我采鵝隊已經有隊友啦,那另一隊呢?」,單係睇相片內容可能會以為應采兒講緊打機嘅隊友,但有網民睇清楚幅相之後就另有睇法喇!事關相片入面有一罐孕期用嘅維生素,網民紛紛起哄,推測應采兒終於懷有第二胎,Jasper終於有隊友喇!網民仲話應采兒今胎一定係女,一圓Jasper想要個妹妹嘅心願。不過部分網民就有其他睇法,認為罐孕期維生素可能只係賣廣告用,或者備孕期間用,指應采兒身邊有罐孕期維生素唔一定係有咗。

應采兒

應采兒

Jasper開口要妹妹 陳小春終於鬆口要二胎

早前,應采兒與陳小春夫妻檔合體受訪,應采兒大爆老公同囝囝Jasper兩父子經常爭寵,透露某次搭飛機陳小春故意去和兒子擠同位。除了爆料陳小春和Jasper的父子趣事。兩夫婦更透露出正在為了Jasper的「要求」努力。原來,Jasper最近頻頻向他們許願:「想要個弟弟或者妹妹」。一直想生二胎的應采兒表示:「正在努力準備做人中」,陳小春害羞說:「加油吧!」

應采兒

應采兒鬆身衫現身 陳小春唔否認再當爸

藝人應采兒日前與老公陳小春帶著兒子Jasper一家三口出席向太陳嵐的70大壽生日晚宴。早前被爆懷上二胎的采兒當日穿著寬鬆衫現身,據悉,應采兒帶著Jasper先行入場,留下老公陳小春獨自接受訪問。被問到備受關注的Jasper是否有弟弟或妹妹,是否再做爸爸時,陳小春沒有否認只是說:「再傾啦!再傾吖!」

應采兒 應采兒

應采兒嫁陳小春因為⋯⋯

https://www.youtube.com/watch?v=FcYqsLXMyns

應采兒早年接受《東方新地》訪問,自我剖白與陳小春的婚姻關係。

更多精選內容