黎耀祥

56歲黎耀祥苦訴被社交恐懼症折騰多年 吸金力高揸靚車買生果住上水獨立屋

娛樂

廣告

56歲黎耀祥(祥仔)為演好無綫劇《殺手》中的「殺手之王」閻武,減走大肚腩換成六嚿腹肌是其人生巔峰 ,眼前對自己副偈信心爆晒棚的祥仔,原來小時候曾因自卑而患上社交恐懼症。黎耀祥認為這個怕接觸人的心理問題並無對他人構成任何影響,他亦習以為常,不過最關鍵是結婚23年太太Julia亦喜歡簡單而寧靜的生活。黎耀祥表示:「性格啱唔啱係天生,我同老婆生活習慣同要求都好一致,呢啲生活節奏配合好重要,如果一個趕一個唔趕,永遠唔會夾。」

原文刊於:東方新地

《殺手》黎耀祥練成六嚿腹肌 被社交恐懼症折騰多年

三屆無綫視帝黎耀祥的演藝事業屢創高峰,今次在《殺手》中飾演殺手,除了角色破格,更證明56歲的大叔都可以減走大肚腩換成六嚿腹肌,祥仔在劇中一幕赤裸上身倒吊做運動,引來不少觀眾大讚,令他沾沾自喜,並表示那段時間是其人生巔峰 ︰「從來未試過咁fit,就算監製冇叫我除,我都要求除衫,真係未試過咁fit,我都有啲自戀。」眼前對自己副偈信心爆晒棚的祥仔,原來小時候曾因自卑而患上社交恐懼症。

黎耀祥
黎耀祥回巢無綫拍劇集《殺手》,更為該劇博到盡,除要地獄式減食操肌外,劇中全部武打場面都親身上陣,56歲寶刀 未老。

鏡頭前為人幽默而且非常健談的黎耀祥,向本刊記者坦言:「好驚同人接觸!」他表示多年來為發展演藝事業迫不得已要social,平時除工作以外應酬可免則免,遇上台慶及頒獎禮等大堆頭墟冚場面,祥仔會自動抦埋角落絕不搶fo。可幸的是祥仔病情並非嚴重,唔使睇醫生唔使食藥,最緊要有個結婚廿三年性格相近的賢內助Julia在身邊扶持,夫妻同心,踢走恐懼。

黎耀祥
上周三(5日),祥仔出席《殺手》宣傳活動,慶祝劇集短視頻總瀏覽人數接近2千萬,祥仔同劇中演員打成一片,完全睇唔出佢有社交恐懼。

幸冇嚴重生理反應未需要就醫

上周三(5日)黎耀祥現身《殺手》宣傳活動,另一男主角陳豪冇到,祥仔負責擔大旗,無論在台上玩遊戲抑或接受訪問都見他非常投入,而且滔滔不絕,當本刊記者問他是否患有社交恐懼,祥仔直認不諱說 ︰「少少啦!唔係好知點解會有,可能細個自卑,初時以為自己只係怕醜,細細個讀書返學聽到隔籬鄰居開門,我就唔出門口住,好怕見到人。到十幾廿年前拍無綫一個心情行動節目,我做其中一個case,先知道呢啲係一種社交焦慮同恐懼,不過我唔係好嚴重,唔使睇醫生,未至於去到好驚心跳加速,係怕同人接觸啫!性格上我向來都怕好多人,係工作先迫住接觸人㗎咋!我係嗰種如果你畀我揀,我係唔會揀去好多人好熱鬧嘅地方。如果人多我整整吓會去咗角落頭,唔會好social,有少少避,好似公司台慶同頒獎禮,咁多年我都係騰吓騰吓去咗角落頭,唔會博企中間同人打招呼,我又唔係唔識social,只係心理上嘅問題,唔關溝通技巧事,不過未去到有生理反應,冇唔舒服如頭暈身㷫標冷汗同心跳勁快。總之就最好唔好啦!唔好接觸到,唔好見到人啦!唔鍾意同人接觸咪少啲出去,好多人都話我成日唔去應酬,老實講我真係好怕去,可以唔去一定唔去。」

黎耀祥
結婚廿三年的祥仔,與太太Julia育有獨子黎正橋,17年送囝囝去美國讀大學,不過受疫情影響上月已返港。

夫妻同步愛慢活 吸金力高住上水獨立屋

黎耀祥認為這個怕接觸人的心理問題並無對他人構成任何影響,他亦習以為常,不過最關鍵是太太Julia亦喜歡簡單而寧靜的生活,祥仔說 ︰「呢樣嘢我同我老婆好夾,我喺圈內都係得幾個好朋友,佢都係冇乜朋友,亦唔會好social,佢同我一樣唔鍾意約人開party。性格啱唔啱係天生,我同老婆嘅生活習慣同要求都好一致,我哋可以喺屋企食個早餐用兩個鐘,飲吓咖啡好慢活,有啲人唔得,食完就要走,呢啲生活節奏配合好重要,如果一個趕一個唔趕,永遠唔會夾。」結婚廿三年,祥仔與Julia依然如膠似漆,老婆大人身兼埋經理人,日見夜見都咁恩愛,祥仔表示老生常談,夫妻之道貴乎包容及遷就。

黎耀祥
直認圈中朋友不多,而難得的好兄弟劉青雲性格跟祥仔相似,一樣不愛應酬。
好友唔多亦唔鍾意call人開party,不過祥仔人緣其實唔差,早前他在家下廚請食飯,林夏薇、胡定欣、蕭正楠、黃翠如及黃浩然都係座上客。
好友唔多亦唔鍾意call人開party,不過祥仔人緣其實唔差,早前他在家下廚請食飯,林夏薇、胡定欣、蕭正楠、黃翠如及黃浩然都係座上客。
黎耀祥
不愛應酬的祥仔,上周五(7日)帶埋老婆Julia與龔嘉欣一齊去陳凱琳屋企作客,一邊打邊爐一邊睇《殺手》大結局。
黎耀祥
好錫老婆的祥仔成日親自下廚,最近為新劇要操弗,Julia除了一齊戒口,仲一齊做運動。

曾離巢北上搵銀的黎耀祥,近年回歸無綫繼續稱帝,雖然明顯減產,但所拍的每部劇是大製作而且角色一定有發揮,打開有條路的他,做完殺手再做拳手,在稍後開拍的新劇《拳王》中飾演打泰拳的拳手,繼上次苦練腹肌反應熱烈,祥仔表示今次會再狂操,不會令粉絲失望,可惜因疫情關係拳館停業令訓練受阻,他惟有在家與老婆Julia一齊上網睇片做運動,至於飲食方面,祥仔話會減食,烚菜烚雞肉刻苦少少都要。

黎耀祥
在上周大結局的無綫劇《殺手》,祥仔與龔嘉欣都打到飛起,對於稍後開拍的《拳王》,祥仔承諾會再爆肌,不過打戲就一定冇《殺手》咁多,因為只會有拳賽先需要打。

唯一愛好買車百萬跑車買生果

有愛妻陪住修身做運動,祥仔食鹹魚白菜也好好味,雖然唔鍾意應酬可以慳番一大筆社交費,不過祥仔最大興趣是買靚車,近年除了經常被影到駕駛百七萬的Land Rover出入,他還擁有寶馬及積架多架跑車,而兩架價值共8百多萬的麥拿倫超跑更任22歲兒子黎正橋揸,祥仔單是座駕已花費過千萬。早前本刊記者撞到祥仔與老婆外出,一日揸車去九龍城買生果,一日去拎新車牌,兩日都揸住唔同靚車。

黎耀祥
這日祥仔到九龍城買生果,黑衫黑褲揸埋架黑色寶馬,襯到絕。
黎耀祥
祥仔熟晒架步,入到生果舖即鎖定目標,掃走一盒日本柑即畀錢轉身走人,好快手。
黎耀祥
買完生果見到店外有記者影相,祥仔冇迴避,仲好nice咁打招呼同停低傾兩句。
黎耀祥
原來黎太 Julia一直坐在車內等祥仔買生果,兩公婆一條心,去邊度都孖住。

近年密密做密密賺搵埋唔少的祥仔,更由深井搬到上水天巒獨立屋,即使吸金力強,祥仔開支一樣唔細,特別是對寶貝仔黎正橋錫到燶,阿爸辛苦賺錢仔享福。三年前被送去美國讀書的正橋,已經愛揸辣車又愛戴名錶追求時尚,曾在社交網大晒祥仔的千萬戰車被指過分炫富,正橋在美國留學每月使費要成二十萬,難怪祥仔近年做到冇停手,四出登台唱夜場做商演,唔放過任何一個賺錢機會。

黎耀祥
另一日祥仔揸住另一架二百萬辣跑在九龍城出現,不過今次佢冇落車,由瘦咗又靚咗嘅黎太Julia負責落地。
黎耀祥
Julia行到附近的車行取了一個新車牌,然後放入車尾箱,看來祥仔最近又入手新車,家中名車又添一架。
黎耀祥
祥仔與Julia都非常享受家居生活,二人完成拎車牌任務即返回上水天巒3千多呎獨立屋。

阿爸早已預備 兒子未出身已經有千萬靚車任揸

早前因疫情關係,正橋上月已由美國返港並完成14天家居隔離,祥仔表示兒子會留港透過網上教學完成餘下一年的大學課程,至於畢業後的計劃,祥仔說 ︰「唔擔心得咁多,見步行步,(係咪已經幫佢鋪好路?)佢都要有自己人生,建立自己事業㗎!冇得為佢準備,佢都要靠自己。」雖然祥仔口口聲聲話冇得靠父幹,叫阿仔自食其力,但未出身已經有千萬靚車任揸,早前祥仔嘅公司仲加埋正橋個名擔任董事,阿爸就好似上帝咁早已預備,正橋仲使乜憂呢?

黎耀祥
上月由美國返港的正橋,已完成家居隔離14日,祥仔表示囝囝未來一年都會留港,透過網上教學完成大學課程。
黎耀祥
祥仔係愛車之人,近年入手最少4架總值過千萬的名車,其寶貝仔正橋當 然 受 惠,18歲即考獲車牌,當時祥仔已把自己的寶馬座駕讓給兒子代步,最誇張是正橋在美國讀書出入亦揸連台灣天王周杰倫都愛的「大黃蜂」辣跑。
黎耀祥
正橋曾因為載李麗珍女兒倚榕兜風而傳出緋聞,之後再被影到揸三百多萬跑車接靚女同學去街,又不時在社交網晒阿爸祥仔嘅辣跑,被指未識搵錢已炫富。