公屋出身40歲黎諾懿肯做肯捱終出頭   《疫境廚神》過億豪宅曝光

公屋出身40歲黎諾懿肯做肯捱終出頭 《疫境廚神》過億豪宅曝光

40歲藝人黎諾懿與前港姐李潔瑩(Nicole)2014年結婚,婚後育有囝囝小春雞(黎峰睿)。新型冠狀病毒肺炎大家都留家避疫,黎諾懿新網上節目《 疫境廚神 》搖身一變成為直播廚神,帶埋小春雞一齊出鏡,意外將何文田市值過億複式豪宅曝光。

原文刊於:東方新地

黎諾懿零架子滿足粉絲要求

父親早年離世、母親一個人捱大三兄弟,出身屯門公屋嘅黎諾懿試過攞綜援試過住劏房,曾經飯都冇得開要靠圈中友人接濟,不過高大威猛肯做肯捱終於捱出頭來做到男一,仲同富二代落選港姐李潔瑩撻著行埋。14年結婚時,黎諾懿被喻為五億駙馬,亦都盛傳老婆娘家送出四千萬豪宅畀兩公婆做結婚禮物。

黎諾懿
其實五億駙馬雖然叫得順口,但都不能否認黎諾懿身為當家小生嘅個人努力。日前如常返電視城開工,臨走被粉絲圍住求合照,黎諾懿一一滿足要求。

公屋出身40歲黎諾懿肯做肯捱終出頭 《疫境廚神》過億豪宅曝光

黎諾懿
家住過億豪宅,不過個人座駕相當平實,都係用價值約三十萬港元嘅韓國車。
黎諾懿
因為《愛•回家》馬壯奠定高大威猛又好仔男一地位,想不到再因為一場疫情,黎諾懿又成為煮得湊仔公,有埋自家節目《疫境廚神》。
黎諾懿
肯做又肯捱,黎諾㦤工作態度至係上位最大原因,搖身一變成為直播廚神,架生同設備都愈拍愈專業。
黎諾懿
除咗煮九大簋同傳統菜式,黎諾懿嘅廚神食譜都會有甜點同包點簡易選擇,閒時仲會帶埋小春雞一齊玩……不過重點係,豪宅廚房空間大設備新仲有落地玻璃睇靚景㖭!

五億駙馬過億豪宅曝光

到底結婚有冇收樓,當事人就冇親口承認,不過婚後由村屋搬入何文田大型豪宅屋苑,黎諾懿 IG 曝光家中陳設,有巨廳有大露台有長廊仲有天台,擺明係屋苑內僅得22個嘅複式連天台特色單位,最細嗰個都有二千幾呎、市值過億。無可厚非,屋企大啲,留家抗疫啲時間都容易打發啲,除咗玩廚神喺自己個巨型廚房開 live 煮好嘢外,豪宅可以廣邀朋友開P 食飯、可以喺露台閒閒哋放廿幾個花盆種自家菜、可以喺天台開幾個吹氣池打造小春雞私家水上樂園,仲可以畀囝囝擺廚房仔、電動超跑大型玩具都仲有大把位剩,呢位五億駙馬嘅生活真係令人艷羨!

黎諾懿
何文田豪宅貴在地段,兩父子喺巨廳玩樂日常最亮眼係背後維港全景,放煙花嘅日子一定更繽紛。
黎諾懿
該屋苑頂樓連天台複式單位面積由二千多呎至四千呎不等,設計間隔以四房三廳起跳,呢個小春雞攪麵粉背景就睇到景深一覽無遺三廳間隔。
黎諾懿
廚房外就係飯廳,擺放貴氣坐到十人嘅實木圓枱同訂製皮椅,叫齊人開party都冇問題。

黎諾懿

黎諾懿
黎諾懿同小春雞玩遊戲嘅背後,可見梳化背後小春雞專屬超跑並列排放。
黎諾懿
呢期興自己種菜又自己種人參果,唔使上天台,淨係露台都擺到廿幾盆。
黎諾懿
黎太李潔瑩都順應潮流成為網紅接job推廣產品,重點係萬千寵愛嘅小春雞有齊廚房仔、帳篷仔各類大型玩具,留喺屋企都好多玩法。
黎諾懿
夏日炎炎冇得去海邊玩唔緊要,自己喺天台都大把位打造成自家水上樂園,小春雞真幸福!

更多精選內容