40歲林盛斌一家六口留家抗疫 九龍塘豪宅後花園放巨型游泳池
林盛斌一家六口的抗疫生活
本港學生提早放暑假，林盛斌的三位千金及囝囝當然亦不例外。最近他更在個人社交平台上載多張生活照，分享近日小孩在家的抗疫活動，例如在客廳跟林芊妤（Coffee）做瑜伽、大玩Switch遊戲Just Dance、在書房看書/iPad等，由此亦可窺見林盛斌的九龍塘豪宅十分寬敞，藝人C君更曾開玩笑稱：「阿Bob屋企大過地球。」
幾日前，林盛斌在家中的後花園放置大型吹氣游泳池，從照片中可見他與子女一起嬉水消暑，享受天倫之樂，一向幽默的他更寫道：「我當自己飲緊白酒香檳，同班𡃁模船P緊㗎嘞！」
網民紛紛表示非常羨慕林盛斌一家樂也融融，亦可見他們的家確實很大，「屋企放得落甘大個充氣泳池，又有一個幸福家庭，人生在世仲想點」、「係好羡慕，有個靚老婆，又有三位美少女，又有一名最美小鮮肉，夫復何求呢」及「可以同啲小朋友一齊玩係好開心嘅事情」。
林盛斌作為「金牌主持」的成功之道
林盛斌現為香港的「金牌主持」，包攬司儀界大大小小的活動，更在2012年加盟TVB後，開始拍劇集、電影、廣告等，收入極其豐厚。
林盛斌曾在個人社交平台上分享他在新城電台做營業部推銷員的得著，改變了他的人生。他寫道：「當年我嘅銷售成績，今日回想返，算唔錯，由起初底薪六七千蚊，只係短短半年時間，到我離職嘅時候差唔多出緊六七萬一個月，以一個啱啱大學畢業出嚟做嘢嘅死𡃁仔嚟講，直頭係好似人生大贏家咁！」
他表示自己的成功之道是他明白「我唔係打緊一份工，我係經營緊我嘅生意，如果你只係當一份工，你得到嘅只係人工。如果你當係自己生意，你得到嘅就係利潤同回報。」
他再補充：「當你好重視你盤生意，覺得間公司你都有份嘅時候，你嘅目標、你嘅心態、你嘅想法、你嘅行為，同 『只係當自己打份工』會有好大嘅分別。而呢個分別，經過一段日子，就會帶嚟好唔同嘅結果。」相信為好多迷惘的打工仔帶來啟發。
