43歲蕭正楠落力做家庭煮夫 細心照顧三餐  太和街市傳授買餸心得

43歲蕭正楠落力做家庭煮夫 細心照顧三餐 太和街市傳授買餸心得

43歲蕭正楠自2年前,突然爆出一句「我要多謝,我太太黃翠如」,令二人已婚的身分曝光,蕭正楠同翠如由拍拖到結婚仍然處於熱戀期,不時在社交網站上放閃。蕭正楠曾親口踢爆老婆天性大頭蝦、開工很忙忘記吃飯、自小又體弱多病,蕭正楠更鞭策她食得健康多做運動。黃翠如曾公開表示與老公蕭正楠沒特別相處之道,只是對方放任她去做自己喜歡的事情。一個願捱一個願打,所以人妻唔煮飯,真係唔係大問題。

原文刊於:東方新地

大爆黃翠如生活「呢啡」 蕭正楠睇少眼都出事

黃翠如雖然是千億千金,但她為人貼地率性,不用開工做回自己,蕭正楠不止一次撕破老婆真面目,踢爆黃翠如原來有很多不為人知的生活習慣。先由人類最基本的生存需要飲食開始,有時黃翠如開工很忙,一日三餐就會很求其解決,蕭正楠需要很小心地照顧她,例如她在早上買了一個飯盒,但吃不完就會留至下午再吃,結果最後忘了吃,晚上就直接帶回家,因為不想浪費她會繼續吃那個飯盒。蕭正楠會跟她解釋飯盒擺放了一日不能再吃,然後會親自下廚煮東西給黃翠如吃;此外黃翠如甚至會一支水飲三日,同樣都要蕭正楠提醒她,隔了一日的水都不可以再飲,幫她倒掉並幫她重新斟另一樽,放入她的開工袋內,因為每逢黃翠如一開工,就會把所有事都會忘記得一乾二淨,蕭正楠睇少眼分分鐘都會出事。

早前蕭正楠為新劇《一笑渡凡間》開工,黃翠如拍緊《七公主》,兩公婆開工見到面亦會自拍放上社交網放閃,被指冤氣到爆。
早前蕭正楠為新劇《一笑渡凡間》開工,黃翠如拍緊《七公主》,兩公婆開工見到面亦會自拍放上社交網放閃,被指冤氣到爆。

43歲蕭正楠結婚兩年當湊女 無限縱容地獄廚神黃翠如

早前黃翠如趁老公開工,自己去街市買餸煮飯,結果她迷失街市,買回家的即食包點及飲品被她全部消滅,只成功買了兩條魚片頭同兩棵芫荽。
早前黃翠如趁老公開工,自己去街市買餸煮飯,結果她迷失街市,買回家的即食包點及飲品被她全部消滅,只成功買了兩條魚片頭同兩棵芫荽。

身為無綫當家花旦的黃翠如,出鏡如彩雀,私底下卻甚為「呢啡」,蕭正楠曾經大爆老婆一對襪可以穿幾天才洗,他通常會在黃翠如不知情之下,幫她更換一對乾淨的襪子,平時在家亦經常要執拾她亂放的東西,雖然老婆麻甩又冇手尾,但蕭正楠竟覺得這些事是他們夫妻間的情趣。

恩愛夫妻形象深入民心,早前黃翠如同蕭正楠首次合體拍護膚廣告,攞正牌耍花槍。
恩愛夫妻形象深入民心,早前黃翠如同蕭正楠首次合體拍護膚廣告,攞正牌耍花槍。
18年在新西蘭旅行註冊結婚,19年在峇里補辦婚禮,蕭正楠與黃翠如一凹一凸變成絕配,對於老婆欠缺自理能力,蕭正楠並不介意,他願意肩負起照顧她的責任。
18年在新西蘭旅行註冊結婚,19年在峇里補辦婚禮,蕭正楠與黃翠如一凹一凸變成絕配,對於老婆欠缺自理能力,蕭正楠並不介意,他願意肩負起照顧她的責任。

老公無限縱容地獄廚神黃翠如

一個願捱一個願打,蕭正楠自認識黃翠如便擔起照顧她的責任,相反黃翠如亦樂於被照顧。對於婚後幸福度倍增,黃翠如曾公開表示與老公蕭正楠沒特別相處之道,只是對方放任她去做自己喜歡的事情:「佢縱我,多過我縱佢,佢從來唔會改變我任何嘢,所以我哋一路嘅相處都好舒服。」有老公縱係就係幸福,不過黃翠如好似永遠都唔識長大,而蕭正楠就當佢女咁湊,遇上忙拍劇日夜顛倒的日子,蕭正楠時刻擔心老婆一日三餐溫飽,開工前會煮定嘢畀佢食,又要確保屋企有足夠的糧餉,38歲人連煮碟雞翼都可以變成黑炭雞翼,難怪蕭正楠如此放心不下。

43歲蕭正楠結婚兩年當湊女 無限縱容地獄廚神黃翠如

老婆唔識照顧自己,令蕭正楠開工都唔安樂,要叮囑黃翠如留在家中要食嘢,唔好餓死。
老婆唔識照顧自己,令蕭正楠開工都唔安樂,要叮囑黃翠如留在家中要食嘢,唔好餓死。

43歲蕭正楠結婚兩年當湊女 無限縱容地獄廚神黃翠如

黃翠如煎雞翼咁簡單都可以燒焦,肯定係圈中排頭三甲的地獄廚神。
黃翠如煎雞翼咁簡單都可以燒焦,肯定係圈中排頭三甲的地獄廚神。
蕭正楠為黃翠如煮過無數愛心菜式,全部都色香味俱全,當中包括他自己命名的「鳥巢驚魂」炒飯及「心靈雞粥」。
蕭正楠為黃翠如煮過無數愛心菜式,全部都色香味俱全,當中包括他自己命名的「鳥巢驚魂」炒飯及「心靈雞粥」。

43歲蕭正楠結婚兩年當湊女 無限縱容地獄廚神黃翠如

近月疫情下開工日子大減,蕭正楠本來想放手讓黃翠如體驗生活學習自理,不過成效似乎不太理想,據知情者透露:「翠如自小都係瘦蜢蜢又多病痛,成日都話見暈,仲一啲運動細胞都冇,四肢好似唔協調咁,其實未有疫情阿蕭(蕭正楠)已經成日拉翠如一齊做運動,希望佢唔好咁孱弱,點知郁兩郁佢就頂唔住周身痛,之後疫情殺到就更加冇郁動啦!冇得出街留喺屋企抗炎,阿蕭就日日煮好嘢畀翠如食,真係飯來張口,習慣咗好難改,依家翠如更加依賴個老公。試過阿蕭要開工拍劇,翠如話去街市買定餸煮飯,結果佢買埋啲即食嘢,阿蕭對老婆煮到餐正常飯完全冇期望,間中翠如都有試吓煮,不過佢係真正嘅地獄廚神,阿蕭笑住話食翠如嘅嘢只係為咗生存。」

43歲蕭正楠結婚兩年當湊女 無限縱容地獄廚神黃翠如

日前蕭正楠在社交網上載食早餐的照片,直言每日都有人等佢起身煮早餐,仲hashtag住魚糧,等食的人肯定係黃翠如。
日前蕭正楠在社交網上載食早餐的照片,直言每日都有人等佢起身煮早餐,仲hashtag住魚糧,等食的人肯定係黃翠如。
黃翠如自小體弱多病,小時候試過幾次撞穿頭,經常出入醫院,長大後依然弱不禁風。
黃翠如自小體弱多病,小時候試過幾次撞穿頭,經常出入醫院,長大後依然弱不禁風。
身形紙咁薄的黃翠如,零運動細胞,底子弱曾經行山見暈,老公蕭正楠為幫她鍛鍊身體,陪她打羽毛球。
身形紙咁薄的黃翠如,零運動細胞,底子弱曾經行山見暈,老公蕭正楠為幫她鍛鍊身體,陪她打羽毛球。
婚後的黃翠如受到蕭正楠感染,開始注重健康飲食,透過良好的飲食習慣改善其體質。
婚後的黃翠如受到蕭正楠感染,開始注重健康飲食,透過良好的飲食習慣改善其體質。

43歲蕭正楠結婚兩年當湊女 無限縱容地獄廚神黃翠如

黃翠如動作片搞唔掂

做主播出身的黃翠如,牙尖嘴利口才了得,由有線過檔無綫八年,主持旅遊節目上位再拍劇做女一,所有角色都係文戲多,動作場面絕無僅有。主要原因是黃翠如天生硬骨頭,莫講話打戲,拉筋都搞唔掂,又怕佢體弱容易受傷,所以近年很少監製敢搵佢拍要打打殺殺的劇集。

《七公主》飾演做大律師的大公主。
《七公主》飾演做大律師的大公主。
《過街英雄》飾演愛扮鬼扮馬的私家偵探。
《過街英雄》飾演愛扮鬼扮馬的私家偵探。
《那些我愛過的人》 飾演苦情單親媽媽。
《那些我愛過的人》 飾演苦情單親媽媽。

黃翠如欠缺自理能力 蕭正楠傳授買餸之道

蕭正楠前年於《萬千星輝頒獎典禮》台上宣布與黃翠如已在新西蘭註冊結婚,又當眾邊咀老婆邊表白:「多謝你令我學識去照顧人,令我學識做個更加好的男人。」好男人一做便兩年,蕭正楠甚為享受做全能老公,黃翠如就繼續依賴,日常生活不能沒有蕭正楠。

18年在新西蘭旅行註冊結婚,19年在峇里補辦婚禮,蕭正楠與黃翠如一凹一凸變成絕配,對於老婆欠缺自理能力,蕭正楠並不介意,他願意肩負起照顧她的責任。
18年在新西蘭旅行註冊結婚,19年在峇里補辦婚禮,蕭正楠與黃翠如一凹一凸變成
絕配,對於老婆欠缺自理能力,蕭正楠並不介意,他願意肩負起照顧她的責任。
疫情下要避免出外搵食,蕭正楠與黃翠如選擇一齊出動去街市買餸,順便當拍拖節目。
疫情下要避免出外搵食,蕭正楠與黃翠如選擇一齊出動去街市買餸,順便當拍拖節目。
日前黃翠如為無綫新劇《過街英雄》做宣傳,日日有老公住家飯食的她氣色非常之好,不過玩遊戲時都係姐手姐腳。
日前黃翠如為無綫新劇《過街英雄》做宣傳,日日有老公住家飯食的她氣色非常之好,不過玩遊戲時都係姐手姐腳。

直擊蕭正楠師奶上身餵飽黃翠如 太和街市傳授買餸心得

黃翠如形象健康粉絲多,這日她駕車離開將軍澳電視城,一出門口即被大批粉絲攔截,她無懼疫情亦無隔開1.5米,停車與粉絲傾偈又合照
黃翠如形象健康粉絲多,這日她駕車離開將軍澳電視城,一出門口即被大批粉絲攔
截,她無懼疫情亦無隔開1.5米,停車與粉絲傾偈又合照
更烏低身就殘疾粉絲,親和力滿分。
更烏低身就殘疾粉絲,親和力滿分。
返回大埔康樂園後,黃翠如讓出司機位畀老公蕭正楠,兩公婆一齊出發去太和邨街市。
返回大埔康樂園後,黃翠如讓出司機位畀老公蕭正楠,兩公婆一齊出發去太和邨街市。

黃翠如做人妻唔識煮飯連買餸都搞到一鑊粥,好彩有個入得廚房
的廿四孝老公做她的最強後盾。日前黃翠如出席完新劇《過街英雄》的
宣傳活動,即返回大埔康樂園愛巢會合蕭正楠,二人駕車到大埔太和
邨街市,現場所見,蕭正楠熟晒地頭,師奶上身帶住黃翠如行勻成個
街市,教她如何挑選平靚正海鮮,買了新鮮蜆、蟹、魚之後,又買了
大量丸類及各種打邊爐食材,兩公婆邊行邊商量默契十足,疫情下黃
翠如更慎防錢有毒,把所有買餸錢及找回來的錢都放在一個透明的密
實膠袋內,自理低分王防疫冇甩轆措施仲做足,應該加分。

黃翠如講過,蕭正楠係一個可以令人煩惱全消的老公,黃翠如見到老公嗒晒糖,邊行邊講笑,露出腰果眼。
黃翠如講過,蕭正楠係一個可以令人煩惱全消的老公,黃翠如見到老公嗒晒糖,邊行邊講笑,露出腰果眼。
入到街市,蕭氏夫婦行動好一致,不時對住食材手指指,開個環保袋都一齊,sweet到爆。
入到街市,蕭氏夫婦行動好一致,不時對住食材手指指,開個環保袋都一齊,sweet到爆。

直擊蕭正楠師奶上身餵飽黃翠如 太和街市傳授買餸心得

廚藝了得的蕭正楠亦是街市達人,去到海鮮檔突然師奶上身教黃翠如揀蟹同蜆。
廚藝了得的蕭正楠亦是街市達人,去到海鮮檔突然師奶上身教黃翠如揀蟹同蜆。
老公負責揀靚海鮮同講價,老婆負責拎住個透明密實袋去裝住啲錢,怕街市找續的錢暗藏病毒,防疫意識好高。
老公負責揀靚海鮮同講價,老婆負責拎住個透明密實袋去裝住啲錢,怕街市找續的錢暗藏病毒,防疫意識好高。

直擊蕭正楠師奶上身餵飽黃翠如 太和街市傳授買餸心得

街市常客蕭正楠非常熟路,帶住黃翠如走勻成個太和邨街市,不少檔主都識得佢。二人買完丸類又去買魚,為打邊爐做好準備。
街市常客蕭正楠非常熟路,帶住黃翠如走勻成個太和邨街市,不少檔主都識得佢。二人買完丸類又去買魚,為打邊爐做好準備。

直擊蕭正楠師奶上身餵飽黃翠如 太和街市傳授買餸心得

黃翠如雖然唔識煮,但佢好識食,行到乾貨舖手指指要買定啲麵餅返屋企。
黃翠如雖然唔識煮,但佢好識食,行到乾貨舖手指指要買定啲麵餅返屋企。
離開街市發現本刊記者,黃翠如上車前不忘揮手講再見,友善不拘小節可見一斑。
離開街市發現本刊記者,黃翠如上車前不忘揮手講再見,友善不拘小節可見一斑。

被催生B例牌回應:順其自然

蕭生蕭太買完餸即返家準備打邊爐撐枱腳,過二人世界雖溫馨,但傳宗接代的使命搞足兩年都未成功,令二人經常被追問生B問題,為此蕭正楠曾回應:「其實大家都有共識,都希望會發生,但我相信佢首先要暫時放棄佢嘅事業……一切順其自然。」蕭正楠再補充話如果真的生B,他相信需要更加小心,即使黃翠如榮升人母都係甩轆兼求其,樽奶擺三日會再繼續飲,蕭正楠怕BB塊面會變綠色,他相信到時要同時照顧兩個人,責任會更大。唔生B可以有十萬個理由,蕭正楠呢個理由好充份,都係等黃翠如自理能力升呢先再去諗生仔,不過蕭太今年10月已經39歲,蕭生要加速鞭策老婆先得喇!

即將步入39歲的黃翠如,每次見到契仔(閨密吳天瑜之子)都愛不釋手,早前被追問B計劃,她表示拍完《七公主》就到蕭正楠拍《飛虎》,timing又唔啱,睇怕好難成事。
即將步入39歲的黃翠如,每次見到契仔(閨密吳天瑜之子)都愛不釋手,早前被追問B計劃,她表示拍完《七公主》就到蕭正楠拍《飛虎》,timing又唔啱,睇怕好難成事。

更多精選內容