中大DIVA – Karen Daley

中大DIVA – Karen Daley

好多人話女拔學生,十個有九個都自信爆棚,所以今年有個女拔嘅十優狀元去選港姐,夠哂話題性,不過又唔會令人太意外! 今次嘅主角都係出身女拔,仲係一個人靚聲甜混血靚女,芳齡19歲,而家喺中大讀緊音樂嘅Karen Daley,佢仲有個中文名,叫做戴彤。

3944r

Karen嘅爸爸係英國人,而且對音樂好有興趣,Karen喺爸爸嘅影響下,好細個就開始學唱歌,同玩樂器。每次有家庭聚會,佢同妹妹就會一齊拍檔表演。到大個女升上中學之後,Karen好熱衷參加學校嘅音樂活動。

4102r

讀中學嗰陣,Karen參加學校嘅合唱團,去過好多唔同國家比賽,仲試過擔任獨唱部份,而且得到好好嘅成績! 佢話當時成個三月都會忙住比賽,冇時間讀書,有時都會追唔番啲成績,但係老師都會體諒佢哋,又抽時間幫佢哋補課,到而家佢都覺得好感激。

4043r

讀完中四之後,Karen就返咗英國讀高中,本來仲考到入幾間喺英國同美國嘅大學,但係因為唱歌老師喺香港,媽咪覺得佢可以喺香港打好基礎之後,先再去浸咸水,所以就決定返嚟香港讀U喇,而且入到中大音樂系tim!

4233r

Karen好鍾意唱歌,以前除咗參加合唱團,仲好鍾意唱pop songs,不過自從接觸過古典音樂之後,就即刻迷上咗,開始跟專業老師學唱歌之餘,而家仲唱埋歌劇!

4083r

喺香港讀古典音樂,出路始終係好窄,極其量都係做個老師。所以Karen打算完成香港嘅學業之後就會去外國深造,尋找多啲表演機會,希望可以向演唱家之路邁進! 睇咗咁多字,想唔想聽吓佢究竟唱成點? 睇片啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影:溫俊鏘

拍攝: Anthony Leong

剪接: Candy

Hair+Makeup: EM Makeup

提供場地: Gennsou Studio(3464 0679)

鳴謝:

[Corporate]- Beacon tutorial-Logo_2015

贊助獎品

 

更多精選內容