中大DIVA – Karen Daley
廣告
好多人話女拔學生，十個有九個都自信爆棚，所以今年有個女拔嘅十優狀元去選港姐，夠哂話題性，不過又唔會令人太意外! 今次嘅主角都係出身女拔，仲係一個人靚聲甜混血靚女，芳齡19歲，而家喺中大讀緊音樂嘅Karen Daley，佢仲有個中文名，叫做戴彤。
Karen嘅爸爸係英國人，而且對音樂好有興趣，Karen喺爸爸嘅影響下，好細個就開始學唱歌，同玩樂器。每次有家庭聚會，佢同妹妹就會一齊拍檔表演。到大個女升上中學之後，Karen好熱衷參加學校嘅音樂活動。
讀中學嗰陣，Karen參加學校嘅合唱團，去過好多唔同國家比賽，仲試過擔任獨唱部份，而且得到好好嘅成績! 佢話當時成個三月都會忙住比賽，冇時間讀書，有時都會追唔番啲成績，但係老師都會體諒佢哋，又抽時間幫佢哋補課，到而家佢都覺得好感激。
讀完中四之後，Karen就返咗英國讀高中，本來仲考到入幾間喺英國同美國嘅大學，但係因為唱歌老師喺香港，媽咪覺得佢可以喺香港打好基礎之後，先再去浸咸水，所以就決定返嚟香港讀U喇，而且入到中大音樂系tim!
喺香港讀古典音樂，出路始終係好窄，極其量都係做個老師。所以Karen打算完成香港嘅學業之後就會去外國深造，尋找多啲表演機會，希望可以向演唱家之路邁進! 睇咗咁多字，想唔想聽吓佢究竟唱成點? 睇片啦!
嚟到2015年，「學界男女神」都要增值吓，唔止要睇盡中學界靚人，仲要殺入大專界！
所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！
參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。
「學界男女神」，等緊你嚟挑戰!
撰文: Joanne
攝影:溫俊鏘
拍攝: Anthony Leong
剪接: Candy
Hair+Makeup: EM Makeup
提供場地: Gennsou Studio(3464 0679)
鳴謝:
贊助獎品
