林盛斌被插生4個為追仔 親自得體回應被讚情商高
廣告
40歲林盛斌（Bob）早前大方分享他們一家的抗疫活動，豪宅內部格局也因而曝光，有fb專頁「對白cap圖王」分別貼出阿Bob九龍塘巨宅和黃祥興1,400呎單位的文章，而有網民將重點放在兩家人「仔女生得多」一點上，出言狠批，Bob即親身回應。
首先，型佬黃祥興一家五口，太太為他誕下一女兩子，「追仔」之說似乎難以成立，繼而網民聯想到林盛斌，指他亦為「追仔L」，躺著也中槍的林盛斌，當然要為自己平反！
林盛斌揚言冇追仔，而且「仔女一樣錫，相信黃祥興亦然」，此言一出網民大讚林盛斌 EQ高，又親自回覆，好過「揚名立萬」嗰啲喎！
林盛斌轉場再下一城
看來林盛斌今日唔使幫仔女搞Zoom meeting，所以他再去該專頁另一個po，題為「40歲Bob大屋搬超大屋 四層豪宅全面曝光」，有酸民問道：
有錢人有需要一日到黑，話俾人知自己好有錢？
林盛斌再頂癮回覆：「如果你嘅意思係話緊我，咁你應該誤會咗我，首先我絕對唔係富，所以根本就冇得去炫。」然後對於網民熱烈討論其巨宅月租多少，林盛斌亦有回覆：「其實唔重要嘅，最緊要一家人生活得開開心心。」嘩～好有愛呀！
