【坐月資訊】簡單4招 自己坐好月

【坐月資訊】簡單4招 自己坐好月

分享過坐月食療、炒米茶食譜同坐月進程等等,而今次我又分享吓產婦係醫院生完bb至坐月期間,有咩生活習慣同心態要改變啦!一生完bb,短時間內大部分產婦會覺得身體有好大變化,好似見頭暈,胃部不適,成個人虛脫咁,當中因為分娩而未能夠補返大量失去既血量,而依啲時間就更要改變生活習慣,好好坐月,令身體盡快恢復氣血啦!

撰文:祖祖媽 |圖片:SHUTTERSTOCK

4項坐月注意:

坐月事項1.唔好踎低

岩岩生完既產婦子宮未復原,加上韌帶鬆弛,踎低有機會整親會陰又或者開刀傷口,而且失去氣血未及時補充既朋友,當身體有大既郁動就會見暈,所以由一生完bb,就唔好有踎低起身依類動作啦!
【坐月資訊】簡單4招 自己坐好月

坐月事項2.少企多坐多訓

好多老一輩都會講坐月唔好企唔好周圍行,最好係坐或者訓啦,其實佢哋咁講都有原因嫁,岩岩生完,加上盆底肌鬆弛,站得多或者蹲下容易令子宮下垂,所以多坐多訓都會令身體恢復得更快更好!

【坐月資訊】簡單4招 自己坐好月

坐月事項3. 食多啲吸取營養

好多產婦一生完bb會有胃部不適,唔少因為長時間無食嘢出現胃痛甚至嘔,所以岩岩生完建議大家要慢慢進食少量食物,令胃部適應返,當胃部好返啲就食返多啲嘢。而受傷口影響,好多產婦食嘢都無心情,不過唔食嘢同食得少反而會令身體恢復速度更慢,所以建議大家點都要食啲,食完個人先會有氣有力嫁!
【坐月資訊】簡單4招 自己坐好月

坐月事項4.循序漸進上奶

立志成為母乳媽咪既各位,當然好想一生完就已經有奶夠餵bb啦,不過上奶都唔可以一下子實行嫁,例如一開始就飲上奶湯。不過初生bb既胃容量好細,變相食既量都唔高,如果一下子上曬奶,有機會會谷奶,咁產婦嚟就會辛苦啲啦!

【坐月資訊】簡單4招 自己坐好月

以上簡單四招,希望大家在醫院開始調整自己既心態同習慣,嚟個坐月好開始!除咗係醫院有個好開始,出院後就更加要準備好坐月啦,坐月飲食同休息同樣重要,如果你都煩惱緊坐月飲食的話,我哋都好希望可以幫到你哋嫁,快啲搵我哋傾傾有咩月子餐岩你啦!

**以上營養及進補資訊只供參考,想知更多可自行諮詢醫生或營養師意見**

我們靠口碑及好評、提供最優質服務及最新鮮食材!
坐月食療、小月食療、孕養食療、好孕食療、陪月員轉介、催乳服務、紮肚

祖祖媽 – 「祖祖媽月子私房菜」創辦人

香港首家上門煮餐專家 – 2016年正式由台灣引入月子餐服務
榮獲2019香港最受歡迎品牌l香港註冊中醫藥零售商

更多精選內容