港姐冠軍翁嘉穗fb賣廣告吸客 被挖陳年冠亞軍爭佬精采史

港姐冠軍翁嘉穗fb賣廣告吸客 被挖陳年冠亞軍爭佬精采史

好多人都說選港姐是釣金龜的捷徑,事實上歷年無論有獎沒有獎,不少港姐都成功嫁入豪門。好像97年港姐冠軍翁嘉穗,嫁了給給富商鄔友正,生了兩個仔,廿幾年來過住豪門少奶奶的生活。最近翁嘉穗在社交網站好活躍,還不停在Facebook賣廣告谷自己的網頁,好努力地自我宣傳,怎料惹來網民翻舊賬,挖出她當年同亞軍李明慧爭鄔友正的過去,爭男人爭到全世界都知還反了面,這件事真的好勁爆!

撰文:東方新地 圖片:東方新地、翁嘉穗fb及IG圖片、鄭紹康IG圖片

翁嘉穗曾奪港姐冠軍闊太生活

翁嘉穗於99年同鄔友正結婚,除咗享受闊太生活,佢仲會打扮靚靚為老公推廣生意。
翁嘉穗於99年同鄔友正結婚,除咗享受闊太生活,佢仲會打扮靚靚為老公推廣生意。(翁嘉穗IG圖片)
翁嘉穗IG內有大量闊太生活照,仲有佢同19歲大仔及5歲細仔嘅母子開心合照。(翁嘉穗IG圖片)
翁嘉穗IG內有大量闊太生活照,仲有佢同19歲大仔及5歲細仔嘅母子開心合照。(翁嘉穗IG圖片)

翁嘉穗攞完港姐冠軍已經趕住嫁人,喺娛樂圈真係冇乜發展過,闊太生活無憂得閒出席吓上流社會ball,又幫老公鄔友正名下嘅海馬牌做吓宣傳,keep住曝光率,15年突然再生多個細仔,翁嘉穗產後更加活躍同高調,不時喺社交網公開私生活照片,最近佢仲喺fb落廣告狂谷自己個網頁,唔通想學人做KOL吸粉?

46歲嘅翁嘉穗,成為港姐冠軍後戀愛大過天,演藝成就幾乎係零,不過最近佢就喺社交網好活躍,仲喺fb狂賣廣告。
46歲嘅翁嘉穗,成為港姐冠軍後戀愛大過天,演藝成就幾乎係零,不過最近佢就喺社交網好活躍,仲喺fb狂賣廣告。
翁嘉穗連日喺fb大賣廣告自我宣傳,仲話畀大家知佢好鍾意畫畫。
翁嘉穗連日喺fb大賣廣告自我宣傳,仲話畀大家知佢好鍾意畫畫。
賣晒廣告都係唔夠一千人like佢個fb網頁,效果真係唔理想喎!
賣晒廣告都係唔夠一千人like佢個fb網頁,效果真係唔理想喎!

翁嘉穗太高調被挖臭史

港姐冠軍翁嘉穗突然咁高調一定有啲原因,佢又唔係sell嘢,好大可能係想刷存在感。不過好衰唔衰就引起一班中年網民嘅注意(當年係97,事隔23年,後生仔唔會知佢係乜水),重提當年佢參選港姐時嘅黑歷史,咪就係佢喺亞軍李明慧手上撬走鄔友正囉!

翁嘉穗近期喺fb過於高調同進取嘅表現,被網民質疑為乜?
翁嘉穗近期喺fb過於高調同進取嘅表現,被網民質疑為乜?

 

97年港姐三甲係冠軍翁嘉穗、亞軍李明慧同季軍佘詩曼,當年因爭佬事件搞到一鑊粥,李明慧冇得撈,翁嘉穗掛住拍拖入豪門,佘詩曼成為最大得益者,被無綫力捧。
97年港姐三甲係冠軍翁嘉穗、亞軍李明慧同季軍佘詩曼,當年因爭佬事件搞到一鑊粥,李明慧冇得撈,翁嘉穗掛住拍拖入豪門,佘詩曼成為最大得益者,被無綫力捧。

趁情敵公幹奪愛

97年嘅港姐翁嘉穗係冠軍,李明慧係亞軍,佘詩曼只係季軍,當年李明慧同翁嘉穗關係非常之差,唔係因為大家係競爭對手,係因為大家係情敵。話說翁嘉穗現任老公鄔友正當年係李明慧嘅男友,因為鄔友正旗下公司當年係港姐選舉嘅贊助商,鄔友正因利成便同李明慧打得火熱,相戀十日就宣布會喺同年閃婚,李明慧當時以為可以嫁入豪門,就向無綫提出解約。期間李明慧去美國公幹,就係呢個時候傳出翁嘉穗同鄔友偷偷約會,翁嘉穗仲對外公開自己先係鄔友正嘅正印女友,不過重點係鄔友正亦好維護翁嘉穗,仲向李明慧悔婚,最後李明慧成為最大輸家,解約無綫冇得撈,有傳獲鄔友正補償120萬,不過最大損失係冇得嫁入豪門。

 

有番咁上下年紀嘅網民,都記得當年好轟動。
有番咁上下年紀嘅網民,都記得當年好轟動。
大家都知當年鄔友正間公司年年都贊助港姐選舉。
大家都知當年鄔友正間公司年年都贊助港姐選舉。
爭佬事件當年好爆,原來鄔友正當年係失婚。
爭佬事件當年好爆,原來鄔友正當年係失婚。
明眼人一睇就知誰是誰非,為咗入豪門,原來真係可以去到好盡。
明眼人一睇就知誰是誰非,為咗入豪門,原來真係可以去到好盡。

失鄔焉知非福

呢段咁精彩嘅港姐冠軍同亞軍爭佬歷史真係好經典,李明慧當時雖然雙失(失業又失戀),但佢好快就重整旗鼓,再接再厲,她先轉行做稅務會計師,呢個唔係重點,重點係佢後來因為工作關係喺美國認識咗教育家、慈善家陳樹渠嘅細仔,即係現任丈夫陳燿陽,仲喺03年正式結婚,婚後生咗一對龍鳳胎,比起情敵翁嘉穗差,老公家底有過之而無不及。李明慧嫁畀陳燿陽後就專心過住少奶奶生活,早年一家人移居美國生活,近年先回流返香港。李明慧有今日嘅幸福人生,真係要多謝當年翁嘉穗橫刀奪愛咯!

李明慧爭輸鄔友正反而造就另一段良緣,一樣可以嫁入豪明做少奶奶,近年由美國回流香港,高貴現身與公關鄭紹康聚頭。
李明慧爭輸鄔友正反而造就另一段良緣,一樣可以嫁入豪明做少奶奶,近年由美國回流香港,高貴現身與公關鄭紹康聚頭。(鄭紹康IG圖片)

更多精選內容