張繼聰直播嘆曾被抨擊「肉赤教養法」陪仔女快樂成長 一家四口住4000呎豪宅
撰文：Clara | 圖片來源：張繼聰instagram
張繼聰為養家努力工作卻沒人尊重
早前張繼聰與王梓軒在instagram直播憶述舊日時光，王梓軒指二人剛認識時常常傾心事，他記得當時張繼聰心情很低落、壓力很大。張繼聰表示，那時候他27歲就結婚生仔，一直努力賺錢養家，但卻換來網民的抨擊。原來那時候謝安琪已是天后級人物，推出多首冠軍歌如《雞蛋與羔羊》持續走紅，事業衝上高峰，更獲選香港十大傑青，事業成就比張繼聰突出很多，故當時網民常嘲笑張繼聰為「廢柴老公」、「軟飯王」。張繼聰曾形容感覺如被迫到死路，令他一度患上抑鬱症，甚至想自殺。他說：「我係個普通男仔，廿幾歲返工搵錢養小朋友，生活唔容易，仲要面對負面攻擊。點樣同人解釋：『我有嘢做㗎，我唔係靠老婆，我寫歌每個月都有收入』？我由細到大算好堅強，但持續幾年都死啦！我寫幾多歌、攞創作人獎都冇人尊重。」
張繼聰捱過低潮 陪仔女快樂成長
後來張繼聰決定接受現實，繼續做好自己：「我廿幾歲遇唔少難關，好似撞鬼咁，有好多嘅抹黑。呢啲你冇得解釋，真係影響好多人對你嘅睇法。有時遇到難題真係冇得搞，你問我邊一刻覺得自己長大？就係發覺你嘅問題，你父母同身邊人都束手無策，要由自己解決！」張繼聰經過多年磨練，已經學會調整心態，不再介意網上留言，他說即使生氣，都只限自己嬲8分鐘就要停︰「你哋覺得我係廢柴又好，食軟飯又好，乜標籤都冇所謂。口生喺人哋度，佢可以講任何嘢，但我可以揀認唔認同。」
張繼聰常常在社交平台上載一家人玩樂的相片，生活比以前過得開心。他還有一套師承父母的「肉赤教仔」秘笈：除了鼓勵子女，也要忍心放手讓他們自己成長、碰壁，學習靠自己解決問題，不做港孩。張繼聰曾透露：「例如明知佢會浸親，但你知道要畀佢飲幾啖水，佢先學到游水，水。」雖然他會感到肉赤，子女會知道自己總在背後支援，他表示自己都是這樣走過來的。
張繼聰努力賺錢 從村屋搬到豪宅
以前謝安琪曾與張繼聰及其家人同居於粉嶺私人屋苑，亦曾經住過大埔村屋。之後謝安琪、張繼聰租住面積2,686平方呎的大埔比華利山別墅。後來張繼聰加入TVB，憑《收規華》入屋，自此一劇接一劇，上位做一線小生，由拍節目劇集到現在代言電影都有份，全家即搬到比華利山4,000呎連天台的獨立屋。
他們家的豪宅裝修淡雅簡潔，樓底高，客廳有超大電視機，落地玻璃外對住無敵大海景。洗手間有個靚浴缸，浸浴夠晒舒服。囡囡張靖年紀輕輕都有自己房，採用粉紅色同白色做主色。至於天台就有私人泳池、小花園，飽覽吐露港同船灣海景，同時可眺望八仙嶺山景。比華利山連公共地方都充滿歐陸風情，環境清幽。
