蒙嘉慧趁伊健53歲生日放閃 YoYo自爆被老公笑係…

蒙嘉慧趁伊健53歲生日放閃 YoYo自爆被老公笑係…

蒙嘉慧同鄭伊健拍拖七年,今年1月結婚七年,成功打破七年之癢之魔咒,由拍拖到結婚,二人向來低調,甚少晒恩愛。蒙嘉慧趁十月四日伊健53歲生日,激罕在社交網晒夫妻之甜蜜對話,更唔介意公開老公伊健如何形容自己﹗

文:東方新地 | 圖:東方新地、蒙嘉慧facebook

蒙嘉慧令鄭伊健打破七年魔咒

47歲蒙嘉慧同伊健結婚七年,愛妻號伊健向來甚少將太太蒙嘉慧掛在嘴邊,卻是一直用實際行動,不但孭起幾頭家之重任,早年在新界買地皮送太太,放任蒙嘉慧減慢工作、四圍飛享受世界,自己便努力搵錢養家。蒙嘉慧在老公53歲生日,未有大鑼大鼓大搞,拍住拖食至愛的牛腩麵,完全體現平淡但實在的夫妻之日常小確幸。

蒙嘉慧同鄭伊健雖然甚少在公開場合晒恩愛,但拍拖出外如一般夫婦一樣手拖手,感情十年如一日。
蒙嘉慧同鄭伊健雖然甚少在公開場合晒恩愛,但拍拖出外如一般夫婦一樣手拖手,感情十年如一日。

 

不用開工的日子,蒙嘉慧、鄭伊健不是人在日本,便是拍拖食茶記,最愛到筲箕灣食牛腩麵,生活相當貼地。
不用開工的日子,蒙嘉慧、鄭伊健不是人在日本,便是拍拖食茶記,最愛到筲箕灣食牛腩麵,生活相當貼地。
蒙嘉慧和鄭伊健喜好相同,早前才被本刊影到拍拖食牛腩麵,跟老闆娘相當熟絡,蒙嘉慧結賬後先去停車場攞車,而伊健則繼續在店內跟伙計吹水。
蒙嘉慧和鄭伊健喜好相同,早前才被本刊影到拍拖食牛腩麵,跟老闆娘相當熟絡,蒙嘉慧結賬後先去停車場攞車,而伊健則繼續在店內跟伙計吹水。

蒙嘉慧玩另類放閃

蒙嘉慧更大爆跟平時夫妻之甜蜜對白放閃,蒙嘉慧同伊健食牛腩麵慶生時,蒙嘉慧因為為食想加單食肥爆的鮮油奶多,然後問伊健:「老公,如果我第時變咗做肥婆呢….」未講完,伊健已搶住話:「唔係第時,已經係﹗」唔介意自爆在伊健眼中變成肥師奶,另類放閃,真係燦死人﹗

蒙嘉慧唔介意大爆在伊健眼中已變成肥師奶。
蒙嘉慧唔介意大爆在伊健眼中已變成肥師奶。

伊健在朋友面前大讚蒙嘉慧

蒙嘉慧在伊健眼中變成幸福肥師奶之外,蒙嘉慧又爆原來自己係老公眼中衣著打扮好有個人風格,有一日伊健突然話蒙嘉慧著衫好有宮崎駿味道,蒙嘉慧心中暗笑被老公讚,點知伊健竟喺朋友面前衝口而出話:「咁係吖嘛,點著都有種村姑味﹗」蒙嘉慧唔介意分享呢段夫妻對話,仲話伊健係打從心底讚自己﹗

鄭伊健讚老婆蒙嘉慧穿衣有獨特個人風格,原來指她穿出宮崎駿筆下的村姑味,被鄭伊健讚賞,蒙嘉慧哭笑不得﹗
鄭伊健讚老婆蒙嘉慧穿衣有獨特個人風格,原來指她穿出宮崎駿筆下的村姑味,被鄭伊健讚賞,蒙嘉慧哭笑不得﹗

蒙嘉慧疫情變廚神餵飽伊健

疫情期間,蒙嘉慧同伊健無法去至愛的日本,工作減少,被迫留在家中,不過二人都係無時停的人,疫情稍為緩和,便衝出去玩水玩直立板,出外食個lunch,不過蒙嘉慧亦在家中變廚神,不時整日式食品餵老公,早前整完日式疏乎里班㦸,夜媽媽又炸日式雞翼,呢啲夫妻情趣,便是二人維繫十四年感情的秘訣。

蒙嘉慧甚少入廚,但近半年人人留港抗疫,亦練得一身好廚藝,最近一口氣炮製三種口味的日式疏乎里,以慰伊健不能飛日本的心。
蒙嘉慧甚少入廚,但近半年人人留港抗疫,亦練得一身好廚藝,最近一口氣炮製三種口味的日式疏乎里,以慰伊健不能飛日本的心。
蒙嘉慧話雖然日式疏乎厘班㦸賣相麻麻,但強調味道不俗﹗
蒙嘉慧話雖然日式疏乎厘班㦸賣相麻麻,但強調味道不俗﹗
夜晚晚煮日式炸雞翼。
夜晚晚煮日式炸雞翼。
蒙嘉慧自爆同伊健一樣坐唔停,早前孖住潮玩直立板。
蒙嘉慧自爆同伊健一樣坐唔停,早前孖住潮玩直立板。
玩時玩,自拍之重要﹗
玩時玩,自拍之重要﹗

更多精選內容