婆媳感情融洽如母女 失婚港媽撰文感激前奶奶無私照顧 捱過低潮
撰文：Clara｜資料來源：同住奶奶好惡頂自由討論區｜圖片來源：同住奶奶好惡頂自由討論區、shutterstock
婆媳生活樂也融融
近日，有名港媽於facebook討論區「同住奶奶好惡頂自由討論區」發文，從拍拖講到離婚後的婆媳生活。
她指自己早年與前夫拍拖時，奶奶已經對她好好，婚後，她搬到夫家同老公、老爺、奶奶同住，奶奶愛屋及烏，處處幫她，沒有要求她做太多家務，拒收家用，而且從來沒有催她生BB。
婚後第五年，港媽懷有大女，經常嘔吐大作，好辛苦，所以要長期留裡家中養胎，當時奶奶主動照顧她，令她「三餐飯來張口，又生果又甜品，食咩講一聲就有，好幸福」。誕下大女後，奶奶義不容辭為她坐月和照顧孩子，百般遷就：「奶奶喺我未生前已睇定邊部浴室寶好用，畀我坐月時用；佢哋叫前夫開定暖氣，暖好廁所後先畀我入去除衫沖涼，到最後用薑水過水；我堅持泵奶畀女食，奶奶就學點座暖啲奶」之後港媽再誕下二女，與老爺、奶奶都是樂也融融。
好景不常，港媽與前夫兩年前開始關係變差，最後離婚收場，對方拋妻棄女，今年開始自己搬了出去。幸好，三母女沒被老爺、奶奶趕走，奶奶為了讓港媽專心工作，包辦所有家務、煮飯、照顧兩個孫女，處處關懷備至，令港媽很感動：「掉底咗我哋三母女喺度，老爺奶奶都無趕我哋走，仲照顧晒所有家務，整好晒食物。喺屋企一定唔會餓親。好老實，如果自己係人媽媽點會做到咁？」正因為老爺、奶奶太好，港媽即使覺心情低落，都會寧願自己收埋，也不想兩老擔心：「從來無想過婚姻失敗的會是我，沒有一手一腳照顧兩個寶貝再加同時工作的能力，只能依賴別人照顧，呢樣亦係我失敗嘅地方。自己委屈就喺街、喺商場揾個廁所大喊特喊，之後變返開心嘅我回家面對老爺奶奶。咁樣嘅人，我又點捨得令佢哋傷心？」
婆媳經歷多次磨合
人無完美，其實港媽曾經同過老爺、奶奶鬧大交，因而流過不少眼淚，當時家人都到夫家幫她執拾行李，打算搬走。但每次冷靜過後，老爺、奶奶都會主動道歉並挽留她，令她感到不捨。如今她已經重新振作，並學會如何跟老爺、奶奶相處：「我選擇有啲事隻眼開隻眼閉。」
網民羨慕婆媳關係好
港媽解釋之所以想發文讚奶奶，是希望發放多點正能量，同時為自己帶來重新振作的力量：「有時候情緒好低落，少少事都令我好大感慨。有少少撐唔到，就想想兩個無血緣嘅老人家支持住我，會比較舒緩。有時做人好攰，但見到咁多人愛我係會重新得到力量。」港媽表示，希望兩年後同兩個囡囡搬走，話新的生活。
不少網民鼓勵港媽不要放棄：「每人都有諗起唔開心、艱難嘅時候，慢慢再諗點解決」、「雖然人生遇到個衰男人，但相信你值得擁有更好的」也有網民讚港媽奶奶為人體貼，羨慕婆媳關係好：「遇到好奶奶真係要感恩」、「千年難得一見」等。
