張致恒老婆被嘲學歷低唔識教仔 網民:唔識避孕連累下一代

張致恒老婆被嘲學歷低唔識教仔 網民:唔識避孕連累下一代

受張致恒負面新聞影響,其老婆雯雯慘被朋友疏遠,但她仍力撐老公,讚對方盡心照顧家庭。近日,她公開回應網民批評,甚至有網民嘲笑她學歷低唔識教仔,雯雯就大方回應,承認自己雖然可能無法教授書本上的知識,但可以教兒子內心修養:「書本嘅嘢我教唔到,可以搵補習,至少我可以肯定答你,我可以教到佢哋做一個善良嘅人」,態度成熟,EQ極高。

撰文:Clara | 資料及圖片來源:雯雯instagram、張致恒instagram

張致恒去年宣布奉子成婚後捲入桃色風波,被揭發一腳踏幾船,被一班受害女仔鬧爆。後來張致恒於社交平台道歉,最終形象插水,演藝工作大受影響。早前張致恒為了養家做過廚房炒散、兼職經紀,如今成為一名YouTuber。空餘時間,張致恒負責煮飯、做家務,同湊住兩個囝囝張天寶、張生牧,又常常大曬幸福全家幅,努力從賤男洗底變顧家男形象。

網民對雯雯窮追猛打

惟雯雯近日因為腦中思考太多事而失眠,於是她在instagram動態大玩「你問我答」,希望同網民談天、互動。當中有網民批評雯雯:「你講到大細仔出世係連累佢哋,你做人沒計劃嗎?不懂避孕嗎?」,雯雯就表示有很多事情都無法預知:「其實好多事情,冇人會預知一樣嘢,當我決定帶佢黎呢個世界嘅時候,當然我唔會預計到會發生咁多我不知情的事情」有網民嘲笑她學歷低:「你學歷咁低有冇諗過點樣教小朋友呀遲啲?例如中學?」雯雯就大方回應,承認自己雖然可能無法教授書本上的知識,但可以教兒子內心修養:「書本嘅嘢我教唔到,可以搵補習,至少我可以肯定答你,我可以教到佢哋做一個善良嘅人。」

網民對雯雯窮追猛打(雯雯instagram動態截圖)
網民對雯雯窮追猛打(雯雯instagram動態截圖)

另外,有網民很關心張致恒是否能否撐起一家四口的生活使費,問雯雯:「冇錢嘅愛情,係咪真係維持到?」雯雯就指自己打從一開始就沒要求另一半是否有錢人:「如果你選擇男人,要求佢好有錢佢又係一個好窮嘅人,當然會維持唔到,結論係每個人需要嘅嘢都唔同。」有網友問到如果張致恒再偷食,雯雯會否埋兩個囝囝離開,她迴避問題:「呢個問題,我只會同自己同兩個仔交代」。

網民很關心張致恒是否能否撐起一家四口的生活使費(雯雯instagram圖片)
網民很關心張致恒是否能否撐起一家四口的生活使費(雯雯instagram圖片)

兩子之母雯雯高EQ回應

其實雯雯前後答了幾十個問題,即使面對網民不友善的態度,她也沒有反鬧對方,非常高EQ同有耐性。有網民就讚她態度成熟,好奇問她的年齡,她大爆自己91年出世,僅29歲就成為兩子之母,坦言一點也不成熟,也有脆弱的一面,只是因為為母則強:「做咗兩個小朋友媽媽,就只可以堅強,我一定會繼續努力學習去做一個媽媽」,被問到會否再生多個BB,雯雯坦言想生個女,不過現在並非合適的時候。

兩子之母雯雯高EQ回應 (雯雯instagram動態截圖)
兩子之母雯雯高EQ回應 (雯雯instagram動態截圖)
兩子之母雯雯高EQ回應 (雯雯instagram圖片)
兩子之母雯雯高EQ回應 (雯雯instagram圖片)
兩子之母雯雯高EQ回應 (雯雯instagram圖片)
兩子之母雯雯高EQ回應 (雯雯instagram圖片)

不離不棄兼力撐張致恒

雯雯一直都是很高EQ的人, 早前她在instagram動態玩「你問我答」時,有網民重提張致恒出軌舊事:「你點忍受佢當初有正印,仲同佢一齊?」又問雯雯如何包容老公,當時雯雯表示:「要睇你本身有幾愛呢個男人,同埋同得呢個男人生小朋友,就有責任畀一個完整家庭小朋友。」有網民指張致恒不定性,不明白為何雯雯要再生仔,問她會否覺得對個仔不公平,雯雯反駁指囝囝現在好幸福:「你又知我老公依家冇改變、好唔定性?我諗我個仔會答你,佢依家好幸福,亦好愛佢爸爸。」

總之雯雯每次回答都會為張致恒護航,不離不棄,張致恒真的要好好珍惜她!

不離不棄兼力撐張致恒(張致恒instagram圖片)
不離不棄兼力撐張致恒(張致恒instagram圖片)

 

 

關鍵詞
張致恆

更多精選內容