王浩信細佬王瑋彤倒戈ViuTV做大茄  視帝狠心拒提攜

王浩信細佬王瑋彤倒戈ViuTV做大茄 視帝狠心拒提攜

王浩信於17年憑《踩過界》坐上視帝之位,演技獲認同,事業得意之時,屢傳與陳自瑤婚姻亮紅燈,此後王浩信鮮有提及妻女,就連恨入行恨到發燒的細佬王瑋彤亦不屑一顧。視帝阿哥唔肯照住,王瑋彤近年全靠自己爭取機會,在無綫撈極無起色,最近轉投ViuTV,在新劇《熟女強人》中做大茄都照殺,又上載唱歌視頻上社交網,發展自己的演藝夢,正所謂一山不能藏二虎,兄弟都冇情講。

撰文、圖片:東方新地

王浩信細佬王瑋彤頻頻搵機會入行

王浩信有個細七年、30歲的胞弟王瑋彤,15年王瑋彤參加藝員訓練班,可惜未能成功入圍,到16年再參加香港先生,入圍後卻因為健康問題退選,不過王瑋彤未有放棄明星夢,繼續爭取演出機會不斷去 casting,翌年在無綫多套劇中做大配角,總算半隻腳踩入行。

王浩信近年忙於拍劇,三年前憑《踩過界》奪得「最佳男主角」,實力得到肯定,不過鮮有提及做大茄的細佬王瑋彤,甚至拒絕提攜。
王浩信近年忙於拍劇,三年前憑《踩過界》奪得「最佳男主角」,實力得到肯定,不過鮮有提及做大茄的細佬王瑋彤,甚至拒絕提攜。
王浩信兩兄弟相差七年,細佬王瑋彤曾坦言小時候與王浩信有代溝,不過愈大愈像朋友,王浩信更會給他很多入行的建議,只給予意見不會出手幫。
王浩信兩兄弟相差七年,細佬王瑋彤曾坦言小時候與王浩信有代溝,不過愈大愈像朋友,王浩信更會給他很多入行的建議,只給予意見不會出手幫。
王瑋彤16年參選香港先生,因外形及聲線均被指酷似哥哥王浩信而成為大熱,不過卻因患腎石最後要退選。
王瑋彤16年參選香港先生,因外形及聲線均被指酷似哥哥王浩信而成為大熱,不過卻因患腎石最後要退選。
唔好睇王瑋彤大大隻陽光味十足,其實體質同王浩信差得遠,當年因病退選港男錯失入行機會,他曾表示好後悔,所以近年邊做保險邊等演出機會。
唔好睇王瑋彤大大隻陽光味十足,其實體質同王浩信差得遠,當年因病退選港男錯失入行機會,他曾表示好後悔,所以近年邊做保險邊等演出機會。

王浩信細佬王瑋彤倒戈ViuTV做大茄 視帝狠心拒提攜

王瑋彤拍劇唱歌雙線發展

王瑋彤起步之時,王浩信登上視帝事業一帆風順,個個都以為有視帝阿哥照住無往而不利,事實王浩信一直冷眼旁觀,據知情者透露:「 Tony(王瑋彤 )知道王浩信想佢自力更生,所以佢亦好有骨氣唔想靠關係,不過估唔到王浩信真係少少都冇幫過手,樂易玲咁錫佢,只要佢肯美言幾句,Tony條路肯定好行好多。拍過幾套劇都係做二打六,後來連冇對白角色都冇得做,Tony咪四出搵機會囉,佢連內地真人騷都參加,總之有出鏡機會都去試,去年佢開始拍吓 ViuTV啲節目,又拍唱歌片放上網,真係好積極。」據知王浩信有感自己捱足多年才出頭,所以想細佬王瑋彤亦磨練一下,同時他亦覺得演藝事業未必適合王瑋彤,表面上王浩信唔出手提攜有理,不過30歲的王瑋彤與王浩信如餅印,同樣高大威猛陽光十足,阿哥唔肯出手難免會被指有私心。

王瑋彤日前在 ViuTV正熱播的劇集《熟女強人》過鏡做串星,飾演女友被戀足狂撞到的西裝男。
王瑋彤日前在 ViuTV正熱播的劇集《熟女強人》過鏡做串星,飾演女友被戀足狂撞到的西裝男。
得幾句對白仲要著唔啱身的西裝,王瑋彤難得與胡杏兒同場,演出投入。
得幾句對白仲要著唔啱身的西裝,王瑋彤難得與胡杏兒同場,演出投入。
王瑋彤沒有因為阿哥是王浩信而得到無綫特別厚待,佢選擇憑自己努力爭取演出機會,17年在《飛虎之潛行極戰》中飾演O記警員灰熊,19年在《荷里活有個大老千》都係做串星。
王瑋彤沒有因為阿哥是王浩信而得到無綫特別厚待,佢選擇憑自己努力爭取演出機會,17年在《飛虎之潛行極戰》中飾演O記警員灰熊,19年在《荷里活有個大老千》都係做串星。
19年《荷里活有個大老千》
19年《荷里活有個大老千》
王瑋彤仲參加過內地配對真人騷節目《非常完美》,最後雖然配對成功,不過未有成功發展,至今他表示仍單身。
王瑋彤仲參加過內地配對真人騷節目《非常完美》,最後雖然配對成功,不過未有成功發展,至今他表示仍單身。
除了鍾意演戲,王瑋彤亦恨做歌手,最近他與參加了《全民造星III》的網絡主播姜嘉欣(Kayan)在網上合唱cover歌,大唱經典金曲,歌藝一般的王瑋彤以表情搭夠。
除了鍾意演戲,王瑋彤亦恨做歌手,最近他與參加了《全民造星III》的網絡主播姜嘉欣(Kayan)在網上合唱cover歌,大唱經典金曲,歌藝一般的王瑋彤以表情搭夠。

王浩信細佬王瑋彤倒戈ViuTV做大茄 視帝狠心拒提攜

王浩信扶搖直上

王浩信成為視帝後劇接劇,上月播出的《反黑路人甲》令他再次人氣勁升。
王浩信成為視帝後劇接劇,上月播出的《反黑路人甲》令他再次人氣勁升。
還有11月搶台慶檔期推出的《踩過界II》,都非常令人期待。
還有11月搶台慶檔期推出的《踩過界II》,都非常令人期待。
歌手出身的王浩信,除咗早年與方皓玟合唱的〈拖字闕〉之外,再無代表作,上月在《反黑路人甲》中重唱鄭伊健的〈甘心替代你〉,竟令這首舊歌再hit起。
歌手出身的王浩信,除咗早年與方皓玟合唱的〈拖字闕〉之外,再無代表作,上月在《反黑路人甲》中重唱鄭伊健的〈甘心替代你〉,竟令這首舊歌再hit起。

更多精選內容