去遊樂場不應踩滑梯?港媽怒斥不合衛生惹網民激論

去遊樂場不應踩滑梯?港媽怒斥不合衛生惹網民激論

遊樂場 很受小朋友歡迎,裡面有很多適合兒童遊玩的設施,包括氹氹轉、單槓、滑梯等,讓他們「擒高擒低」,訓練肢體靈活程度。不少小朋友在瀡滑梯時都喜歡踩在滑梯上,但此舉就引來一名媽媽不滿。昨日,一名港媽於座交平台發文,怒斥家長不應帶小朋友踩滑梯,或者任由他們踩滑梯:「有冇諗過你咁行,對鞋幾多細菌?」港媽言論惹起網民正反激論。

撰文:Clara | 資料來源:「生仔要考牌」| 圖片來源:「生仔要考牌」、shutterstock

港媽怒斥小朋友去遊樂場不應踩滑梯

一名港媽在facebook專頁「生仔要考牌」發文,她指很多家長喜歡帶小朋友去遊樂場玩,大多小朋友都應該玩過遊樂場內的瀡滑梯,她認為家長有責任教小朋友不應踩滑梯:「有冇家長明白咩叫做瀡滑梯呢?小朋友或者唔明,但係作為家長,我覺得係有義務去教導小朋友如何正確使用瀡滑梯!『瀡滑梯』咪就係字面咁解:『瀡』落條滑梯。但係,永遠去到公園玩時,都會見到有家長帶住個小朋友或者任由個小朋友 『行』上去 或者 『行』落去!」

港媽解釋,鞋底滿佈細菌,好污糟,所以她一直教導自己仔女去遊樂場不應踩滑梯,希望其他家長會仿傚自己:「其實有冇諗過,你咁行,對鞋有幾污糟,有幾多細菌,踩咗落喺條滑梯度呢?我由細到大都叫自己小朋友唔可以「行」滑梯,小朋友會問點解人哋可以,而佢唔可以?我會解釋,而佢哋都會明白接受!希望睇到呢篇文章嘅家長,可以教導下自己嘅小朋友『己所不欲,勿施於人』」

港媽怒斥小朋友去遊樂場不應踩滑梯(facebook專頁「生仔要考牌」截圖)
港媽怒斥小朋友去遊樂場不應踩滑梯(facebook專頁「生仔要考牌」截圖)

網民認為遊樂場難免有細菌

然而大部分網民都不認同港媽此言論,他們認為遊樂場難免會有細菌:「去公園到底係要幾乾淨,個個都成身汗污糟邋遢咁返屋企沖涼洗衫」而且,他們覺得港媽是怪獸家長,限制小朋友發展:「唔識點玩滑梯,以為滑梯得一種可能性,想限制小朋友想像力,盲目跟隨你自己嘅標準答案,出post嗰個應該未考到牌」、「香港啲公園已經悶,連滑梯玩法都要嚴格規管咁小朋友都好慘。」

有網民指自己看過一篇關於兒童成長心理學的文章,提到小朋友去到某個年齡就會建立挑戰常規的概念,想證明自己的想法是可行,所以他們喜歡將遊戲玩法用相反方法玩、將某啲物件用相反方法用,他指這是小朋友正常成長必經階段。

反對港媽的網民建議她若想完全避開細菌,只有留在家中最安全:「怕污糟就唔好出街啦」、「怕污糟不如屋企整條滑梯比佢滑啦 ?」、「要乾淨不如你(喺電腦)開個模擬市民起公園比佢玩好過啦。」、「着襪你又點肯定對襪一定係乾淨喎,最好小朋友好似醫生入手術室咁,全身上下都要換晒無菌衫啦」

亦有網民建議港媽自己想想辦法避開細菌:「原post仔女係咪每次都四腳朝天咁瀡?」、「兩隻腳搽晒金寶綠水,一路瀡,一路清潔條梯」、「每次爬完都要用1比99消毒番畀下一手」

網民認為遊樂場難免有細菌(facebook專頁「生仔要考牌」截圖)
網民認為遊樂場難免有細菌(facebook專頁「生仔要考牌」截圖)
網民認為遊樂場難免有細菌(facebook專頁「生仔要考牌」截圖)
網民認為遊樂場難免有細菌(facebook專頁「生仔要考牌」截圖)

網民指踩滑梯會引發安全問題

另一方面,有網民認同港媽部分言論,不過他們並非覺得踩滑梯是污糟,而是關乎秩序及安全問題:「行上滑梯,我覺得係阻住下一個小朋友玩」、「最重要係安全秩序問題,如果一路有人瀡緊,咁小朋友梗係唔應該行上去。」、「如果話人多夾硬行,話危險我都明」

資料來源:「生仔要考牌」

更多精選內容