「打耳」真光豬 – 羅嘉敏
廣告
紮孖辮，着旗袍，係真光妹傳統嘅標記，全港4間真光，而家就只係淨番油麻地嘅真光女書院堅持呢個傳統。今次嘅主角羅嘉敏(Carmen)，正正係人見人愛嘅「真光豬」，今年19歲，而家喺中大讀緊地理(Year 1)。
真光妹對孖辮同旗袍都有一定嘅情意結，Carmen都係一樣，低Form嗰陣覺得咁着好怪，但係大個就發現，孖辮同旗袍其實係最襯架! 而家Carmen已經入咗大學，佢話就算要佢着番呢套校服，佢都一樣會願意啦!
讀女校啲女仔會唔會特別鍾意昅仔? Carmen話油真周圍都係男校，就算係昅仔，都係正常事啦! 佢記得有一次，Babyjohn去油真表演，成班真光妹都好似癲哂咁，一見到佢就衝上去圍住佢，到行到出門口都一樣跟住，最後搞到要訓導老師嗌咪，趕番哂佢哋返課室!
Carmen由中學開始，就有參加音樂劇嘅演出，佢話好難得有一樣活動，可以將佢最鍾意嘅跳舞、唱歌同演戲mix埋一齊，而且好有挑戰性。因為讀女校嘅關係，所以男角都要由女仔反串，Carmen最難忘就係有一年要佢反串做耶穌，真係想唔記得都難!
講到讀女校咁好，Carmen話第時有女都會比佢讀女校啦! 因為始終純樸啲，而且仲要多數都係名校，入到都真係唔錯架!!
嚟到2015年，「學界男女神」都要增值吓，唔止要睇盡中學界靚人，仲要殺入大專界！
所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！
參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。
「學界男女神」，等緊你嚟挑戰!
撰文: Joanne
攝影:Paul Choi
拍攝: Anthony Leong
剪接: Candy
Hair:Louise@KINGS Makeup
Makeup: Emma@KINGS Makeup
提供場地: Land Theme Studio (64844617)
鳴謝:
贊助獎品
