聖類斯爆肌男神 – 喬駿

聖類斯爆肌男神 – 喬駿

早前,有商場以一萬元日薪,聘請「藝術救生員」,人人都視之為「筍工」!但係要求就一啲都唔簡單,又要夠型,又要夠陽光,對藝術有興趣之餘,仲要精通兩文三語,可以想像得到呢份「筍工」嘅,一定唔會係普通貨色!咁啱,我哋「學界男女神」就有兩個入咗圍喎!一個就係之前出過場嘅「聖記大隻仔」Hugo,另一個就係今次嘅主角,啱啱喺聖類斯中學畢業嘅Calvin – 喬駿喇!

5693

Calvin嘅爸爸係尼泊爾人,媽咪就係香港人,佢喺10歲嗰陣同屋企人一齊搬番嚟香港住,當時仲一句廣東話都唔識講,全靠媽咪一直陪住喺Calvin身邊,好有耐性咁教佢,而家Calvin啲廣東話,先會好似利君咁流利!

5565

Calvin返香港定居之後,一直都喺主流學校讀書,今年啱啱喺聖類斯中學畢業,佢話學校嘅同學同老師都好活躍,而且好自由,返學着波鞋都冇問題,所以而家畢業都好唔捨得!

5632

你睇Calvin大隻到咁,就知佢一定係運動健將啦!佢本身打開籃球嘅,之後就打埋欖球,初初佢都嫌打欖球太多衝撞,有啲暴力,但係打打吓就開始受到隊友嘅熱情感動,愈來愈鍾意!佢仲話想再大隻啲,多啲肌肉,咁就滿足喇!

5723

同Calvin傾偈,就知佢係一個好有自信,同好有目標嘅人,佢話放咗榜之後,除咗會睇吓自己夠唔夠成績入大學之外,亦都會去考機師,希望可以完成自己嘅夢想,衝上雲霄!嘩~ 又靚仔,又大隻,再做埋機師,真係「男神」都不足以形容啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: 黃大立

拍攝:Anthony Leong

剪接: Candy

Hair+Makeup: EM Makeup

提供場地: FFG

鳴謝:

[Corporate]- Beacon tutorial-Logo_2015

贊助獎品

 

更多精選內容