全民運動日 免費玩盡8大康樂設施

全民運動日 免費玩盡8大康樂設施

一年一度的全民運動日又嚟啦!大家可以免費玩各項康樂設施,年年都好多人參加架!今年的全民運動日定於8月2日,大家又點可以錯過呢個好機會呢?由7月26日(星期日)上午9時起,大家就可以到康文署各區場地的「康體通」訂場櫃枱(不包括自助服務站),預訂8月2日(星期日)可供免費使用的康樂設施。唔好以為剩係得羽毛球場、網球場、籃球場等咁普通嘅康樂設施可以玩啊!其實有好多平時我地少接觸嘅設施都可以唔使錢有得玩,我哋精選咗其中8大至抵玩嘅免費康樂設施俾大家參考!

一家人一齊玩 水上單車

JEad0Wy6llb1UGowyiuSxQ

康樂及文化事務署在新界及香港設有5個水上活動中心,所有水上中心都提供單人/雙人/康樂獨木舟、風帆及滑浪風帆等設施,不過須持有認可證書的人士才可租用獨木舟、風帆或滑浪風帆自行練習。而8歲以上,沒有持證書的市民可以借用彩艇、舢舨及水上單車!當中最吸引同安全的一定是水上單車啦!事關佢唔會濕身又唔會反嘛!水上活動中心的艇隻以三小時為一節,只要租一節就可以任玩3小時啦,絕對抵玩!

MJ.Z47CjgeXMbNPliB7nOQ

20140731142642_57935
除左水上單車之外,彩艇、舢舨同喺唔錯嘅選擇!

借用須知

-所有艇隻使用者必須年滿8歲或以上,及須簽署聲明,表示能穿著衣服游泳最少50米/諳練泳術。
-14歲以下的人士不得自行租用中心艇隻。年滿8歲至13歲的青少年可由家長╱監護人或其家長╱監護人的授權人(如適用)一起租用中心同類艇隻進行水上活動(比例1:1),惟其家長或監護人必須為申請人。

各水上活動中心

創興水上活動中心
地址:新界西貢萬宜水庫西壩
電話:2792 6810

赤柱正灘水上活動中心
地址:香港赤柱赤柱連合道
電話:2813 9117

聖士提反灣水上活動中心
地址:香港赤柱黃麻角徑
電話:2813 5407

大美督水上活動中心
地址:新界大埔大美督船灣淡水湖主壩
電話:2665 3591

賽馬會黃石水上活動中心
地址:新界西貢黃石碼頭
電話:2328 2311

各中心開放時間:8:30am-5pm

圖片來源:Tiffany’s Blog

下頁有公眾游泳池 

無須預約 公眾游泳池 

swimming_feature-620x465

暑假必玩嘅,又點少得泳池啊?公眾游泳池設施無須預約,市民只需於泳池開放時段前在泳池入口處排隊輪候(不包括灣仔游泳池),名額先到先得,額滿即止。爸爸媽媽可以參考返我哋之前出過的精選8大游泳池,趁呢個機會帶埋小朋友去玩啦!

tin-shui-wai-4
當中好多泳池都有滑水梯比你任瀡!

按此看各區泳池地址

下頁有草地滾球場

英國玩意 草地滾球場

perform2_15-1024x768

草地滾球是一項在草地上滾動球的運動,起源於英國,目前也在澳洲、加拿大、紐西蘭、香港等大英國協國家流行。康樂及文化事務署在市區及新界都有室內及戶外草地滾球場,而且不一定要識玩先可以訂場,家長可以借此機會,睇下小朋友鍾唔鍾意呢個活動啦!

室內草地滾球場

Indoor Bowling Green
每個場地有12條賽道,1條賽道最多可以8個人一齊玩!

港島東體育館
地址:香港西灣河鯉景道52號
電話:2151 4070
開放時間:7am-11pm

鴨脷洲體育館室內草地滾球場
地址:香港鴨脷洲洪聖街8號鴨脷洲市政大廈一樓
電話:2554 0832

開放時間:7am-11pm

按此看戶外草地滾球場地址

下頁有高爾夫球設施

平民都玩得 高爾夫球設施

tuen-mun-golf-centre-001-1030x684

高爾夫球唔一定係有錢人嘅玩意嚟嘅,原來康文署都有得玩架!平日租用球道一小時價錢為$48,玩兩、三個小時都要百幾二百蚊,梗係要把握全民運動日免費使用的優惠啦!康文署轄下共設有四項高爾夫球設施,分別有室內及室外場地。位於屯門康樂體育中心及和宜合道運動場的戶外高爾夫球練習場設有真草練習草坪及沙池設施,並提供共106條發球道。5至12歲的兒童須由成人陪同,才可進入高爾夫球練習場。而另外兩個附設於順利邨體育館和港島東體育館的室內高爾夫球練習場,分別設有3條發球道。

tuen-mun-golf-centre-002-1030x684
位於屯門的高爾夫球中心,地方非常大。

tuen-mun-golf-centre-005-1030x684

戶外高爾夫球中心

屯門高爾夫球中心
地址:新界屯門龍門路54號
電話:2466 2600
開放時間:8am-10pm

和宜合道運動場
地址:新界葵涌和宜合道298號
電話:2429 8196/ 2425 7243
開放時間:6:15am-10:30pm

室內高爾夫球中心

順利邨體育館室內高爾夫球練習場
地址:觀塘順利邨道(順利邨及順安邨對面)
電話:2951 4136
開放時間:7am-11pm

港島東體育館室內高爾夫球發球道
地址:西灣河鯉景道52號

電話:2151 4070
開放時間:7am-11pm

下頁有桌球枱

美式英式桌球任你玩

 

SLTSC_Billiard Centre
順利體育館內的英式桌球中心,場內設有4張英式桌球檯、4張美式桌球檯及1張克朗桌球檯。

平時應該無咩機會可以同小朋友打桌球呢?趁呢個機會帶小朋友去體驗下啦。康文署豁下的體育館有提供美式同英式桌球設施,不過英式桌球只在順利體育中心有得玩,美式就多好多選擇!無論你係美式定英式桌球愛好者,都唔好錯過呢個免費玩桌球嘅機會!

Lei Yue Mun Municipal Services Bldg American Pool Table

英式桌球設施體育館

順利邨體育館
地址:觀塘順利邨道
電話:2951 4136
開放時間:9am-11pm

按此看美式桌球設施體育館地址

下頁有運動攀登牆、射箭場

運動攀登牆、射箭場

20141212+Ngau+Chi+Wan+Archery

雖然運動攀登牆、射箭場都可以免費玩,但就有規限嘅!申請租用射箭場及運動攀登牆的市民須能提供教練指導活動,而該教練須持有有關體育總會簽發的有效認可一級或以上射箭/攀登牆教練證書。如果你認識有教練證書嘅朋友,呢個活動絕對抵玩,而且8歲以上就玩得!

climb
調景嶺體育館外高12米的戶外運動攀登牆。

按此看運動攀登牆設施地址

射箭場設施

城門谷公園
地址:荃灣城門道21號
電話:2415 4925 / 2413 9665
開放時間:7am-11pm

屯門康樂體育中心射箭場
地址:新界屯門龍門路54號
電話:2466 2600
開放時間:8am-10pm

牛池灣公園射箭場
地址:九龍牛池灣豐盛街71號
電話:2322 9437
開放時間:9:30am-9:30pm

下頁有健身室

免費做GYM 健身室

hkv_5

康文署轄下都有唔少體育館都有健身室可以租用,不過都係有條件嘅,要年滿15歲及曾參加康文署「正確使用健身室設施簡介會」/「器械健體訓練班」並通過測試的人士先可以使用康文署健身室,其實即使唔喺全民運動日,康文署健身室都只不過係每小時14元,所以只要報讀以上的簡介會或訓練班,就可以隨時以超抵價做gym!

hhsc_3
坑口體育館內的健身室。

按此看康文署健身室地址

下頁有活動室

一齊玩集體遊戲 活動室

Activity room_CWSC

原來活動室都可以免費租用啊!不過租間活動室可以做啲咩呢?媽媽們可以練習瑜伽、健體操、耍太極等,另外亦都可以幾個家庭租返間同小朋友玩下集體遊戲都無問題!

按此看各區康文署活動室地址

 

所有免費康樂設施

{"IPTC-DATA":"NMG","data":{"photoID":1968759}}

1) 室內康樂設施

羽毛球場、網球場、籃球場、投球場、排球場、壁球場、乒乓球枱、美式桌球枱、英式桌球枱、運動攀登牆、草地滾球場、高爾夫球設施、健身室、單車賽道、活動室和舞蹈室

2) 戶外康樂設施(不包括營地設施、運動場、人造草地球場和天然草地球場)

網球場、網球練習場、草地滾球場、棒球練習場、運動攀登牆、射箭場和高爾夫球設施

註:康樂設施以一小時為一節,下述設施除外:壁球場以半小時為一節;射箭場及屯門康樂體育中心運動攀登牆以一小時三十分鐘為一節;水上活動中心的艇隻以三小時為一節。

 

撰文:Fiona Fong
相片來源:康文署網站、新傳媒資料室

更多精選內容