童真女聲 – 鄧蔚琳

童真女聲 – 鄧蔚琳

以前睇演唱會,好多企喺巨星背後嘅和音,都係超靚聲,但就欠奉煞食嘅外型;不過而家唔同喇,好多時連樂手都係熟悉的面孔,唱和音嘅,可能本身都係樣靚聲又靚嘅專業歌手。今次呢位女主角鄧蔚琳(Vivian),個樣甜美得嚟又唱得,之前仲幫好多紅館級歌手,好似Eason同宇宙GEM唱過和音架!

16531

Vivian而家喺耀中社區學院讀緊幼兒教學,佢好鍾意小朋友架!佢話有啲咩唔開心,一見到小朋友就會開心哂!所以成為一個幼稚園老師,都係佢其中一個目標!

16346

又鍾意唱歌,又想做老師,問佢二選一佢會點揀?Vivian話難揀唔肯揀啦!佢話超級巨聲個廖sir都可以邊教書邊唱歌,咁佢都可以向呢個方向發展嘅啫!

16588

讀幼兒教育嘅大部分都係女仔,所以Vivian話,如果想讀呢科嘅女仔,就最好喺讀書嗰陣就已經有男朋友,第時畢咗業入咗行,個個同事都係女仔,要識男朋友就好難架喇!

16424

最初Vivian只係喺錄音室幫人唱和音,到舊年葉倩文開演唱會,就係佢第一次踩上紅館個舞台,同莎莉一齊唱一齊跳,好難忘!因為Vivian嘅第一語言都係英文,所以當時莎莉教咗佢好多用拼音唱中文歌嘅技巧,令佢覺得好受用。

16282

Vivian好鍾意小朋友,不過佢話如果第時個老公如果唔鍾意小朋友,佢就會帶佢老公同小朋友相處多啲,因為佢相信個個人都有童真,而且小朋友嘅童真都可以溶化所有隔膜,所以佢絕對相信可以令佢老公改觀!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影:Clay Lam

拍攝: Anthony Leong

剪接: Candy

Hair:Toyo [email protected] Makeup

Makeup: [email protected] Makeup

提供場地: Spring Hong Kong

鳴謝:

[Corporate]- Beacon tutorial-Logo_2015

贊助獎品

 

 

更多精選內容