生日

生日大晒!8大免費活動又食又玩

親子好去處

廣告

8月暑假,如果正值你或你朋友生日,恭喜你! 你哋將會有好多著數!好多玩樂場地都會特別安排壽星仔/女優惠,今次就同大家數下有邊8大著數情報,各位壽星就好好「善用」自己的生日啦!

香港海洋公園 8月生日任選一日免費入場

年年生日都只可以正日當日免費去海洋公園,但今個月多得大熊貓「佳佳」,所有8月生日的大小朋友都可以任選一日免費入場,而且陪同進場的4名親友亦獲7折優惠購買門票!原來「佳佳」已經移居香港16年,今年37歲(相等於人類110歲),成為「迄今為止最長壽的圈養大熊貓」!而且佳佳都係8月生日,為咗幫佳佳慶祝雙喜臨門,海洋公園特別推出今次的生日優惠。另外,除咗平時65歲或以上的香港長者可免費進入海洋公園外,今個月陪同長者入場的4名親友也可享門票7折優惠,一家大細可以隨時去玩返日。

入到場除咗要探壽星女之外,又點可以錯過LINE主題玩水派對呢?即日開始至30日仲特設「消暑夜場」(2015年8月份逢星期六及日,下午4時至晚上9時),等日落之後先出動,咁就唔怕又熱又曬啦!

香港海洋公園

地址:香港島南區南朗山黃竹坑道180號
開放時間:10am-10pm
電話:3923 2323
網址:www.oceanpark.com.hk/
生日優惠推廣期:8月1日 – 8月31日
「消暑夜場」推廣期:8月1日 – 8月30日 逢星期六及日
「消暑夜場」門票:成人$198/3-11歲小童$99

下頁有:昂坪360 麥兜陪你過生日

昂坪360 麥兜陪你過生日

昂坪360一直都有全年港人生日優惠,香港居民只需於生日當天出示香港身份證,便可以免費乘坐昂坪纜車標準車廂(來回)。如遇上昂坪360編定的保養及維修日,壽星可於其生日月份內,另選其他日子亦可享用免費乘坐昂坪纜車標準車廂的優惠。而即日起至9月6日期間,昂坪仲有「360夏日開心兜兜風」活動,麥嘜同麥兜會係昂坪市集內出現,仲有「夏日花式啦啦隊跳舞表演」!

除咗可以同麥兜影相之外,昂坪市集還有其他旅遊景點,包括「360 大舞臺」、「360 動感影院」及其他食肆、購物及娛樂設施等。市集內有一座兩層高的中國式園庭建築--昂坪茶館,上層展館以多媒體電腦動畫和電子遊戲,向參觀者介紹中國茶文化和中國糕點的資料,下層的茗茶區則設有茶藝及老婆餅製作示範,並且有20個廂座供品嘗茗茶之用。

昂坪360

地址:離島大嶼山昂坪
開放時間:10am-6pm(平日);10am-7pm(7月1至8月31日期間,逢星期五、六、日以及公眾假期)
電話:3666 0606
網址:http://www.np360.com.hk/tc/visitors-information/index.asp?id=148
昂坪纜車 標準車廂 車票(來回):成人$165/3-11歲小童$85
推廣期:即日起至8月31日

下頁有:Trick Eye特麗愛3D館 壽星免費入場

Trick Eye特麗愛3D館 壽星免費入場

去年開幕的特麗愛3D美術館你哋去咗未呢?Trick Eye特麗愛3D館曾被評為2014年首爾的最佳博物館,係韓國有多間分館,去年終於係香港山頂開幕啦!位於山頂的Trick Eye Museum分5大部份,包括「秘密花園」、「名畫世界」、「大冒險」、「夢幻樂園」和香港獨有的「探索香港」,每區都有幾十款大型平面畫,美術館利用錯視法把二維圖變為三維立體圖畫的藝術技巧,將人融入圖畫中,讓你擒高擒低,捐窿捐罅拍出3D感覺。

Trick Eye特麗愛3D

地址:山頂廣場三樓香港特麗愛3D美術館
開放時間:10am-10pm
電話:2813 1686
網址:http://trickeye.com/hongkong/main_test/
門票價錢:成人 $150/長者或小童 $100
推廣期:即日起至12月31日

下頁有:杜莎夫人蠟像館 武打巨星陪你過生日

杜莎夫人蠟像館 武打巨星陪你過生日

去得山頂又點可以唔去埋蠟像館?因為都係壽星都係免費入場嘛!仲可以揀生日當日、生日前一天或後一天去玩架!壽星入場時可獲贈生日禮物,而同行的三位親友可享半價門票優惠。都未夠著數?有李小龍同你慶祝生日,夠厲害未啊?上個月蠟像館開放咗最新永久主題展區「功夫專區」,設有李小龍、成龍、楊紫瓊及甄子丹4位武打巨星的蠟像,將亞洲電影中多個經典武打場景呈現眼前。上年,無嘴貓Hello Kitty蠟像也於蠟像館登場,加埋「魔幻王國」展館內的超級英雄鐵甲奇俠、狼人、麥兜和媽媽麥太、蜘蛛俠及多啦A夢等,大小朋友都鍾意啦!

杜莎夫人蠟像館 

地址:山頂道128號凌霄閣P101號舖
開放時間:10am-10pm
電話:2849 6966
網址:www.madametussauds.com/‎
門票價錢:成人$245/3-11歲小童$175
推廣期:即日起至2016年1月31日

下頁有:香港迪士尼樂園 會員免費入園

香港迪士尼樂園 會員免費入園

相信唔少家長同小朋友都係「奇妙處處通」會員啦!所有會員於生日當天可免費入園(包括不適用日子),金卡會員可以換領免費生日禮遇一次,可於生日月份的任何一天享用優惠。優惠包括:於翠樂庭餐廳、華特餐廳及米奇廚師餐廳享用免費晚餐一份。白金卡會員除了上述二重生日優惠,更可跟親友享用免費下午茶(買1送1優惠)。另外,由即日起至8月30日仲有以《魔雪奇緣》為主題的冰雪小鎮

香港迪士尼樂園 

地址:大嶼山香港迪士尼樂園
開放時間:10am-9pm
電話:3550 3388
網址:https://www.hongkongdisneyland.com/
門票價錢:成人$499;3-11歲小童$355
奇妙處處通會籍*(成人):銀卡$988、金卡$2188;金白卡$2888
推廣期:即日起至2015年12月31日

按此網上購買「奇妙處處通」會員卡或親臨以下任何地點的售票處購買。

  • 香港迪士尼樂園正門入口售票處及賓客服務中心
  • 香港迪士尼樂園酒店或迪士尼好萊塢酒店
  • 港鐵香港站香港迪士尼樂園售票處(東涌綫大堂)

下頁有:信和集團酒店免費食自助晚餐

信和集團酒店免費食自助晚餐

只要成為Sino Club會員,就可以於生日月份,帶同至少一位親友於集團旗下的酒店享免費自助晩餐一次(親友需付正價)。集團旗下酒店包括皇家太平洋酒店、城市花園酒店、香港黃金海岸酒店及 港島太平洋酒店。每間酒店自助餐主打不同的食物,皇家太平洋酒店及城市花園酒店以國際海鮮自助晚餐為主題,招牌菜是長腳蟹及燒羊脾;港島太平洋酒店以「鮮.味.三重奏」作主題,推介美食包括「鮑魚撻」、「蝦籽花膠伴柚皮」及「鮮蝦八寶冬瓜盅」等。

不過當中最特別的是香港黃金海岸酒店自助餐!因為餐廳設有室外的燒烤區,有各式其式的BBQ攤位,選擇很多,包括原隻燒雞翼、燒羊架同埋秋刀魚,還有大廚坐陣,唔洗自己燒!啱埋鍾意BBQ嘅客人啦!

信和集團旗下四間酒店

皇家太平洋酒店
地址:尖沙咀廣東道33號中港城
自助餐時間:6:30pm-9:30pm
價錢:星期一至五:成人$518/小童$338;星期六、日、公眾假期及前夕:成人$558/小童$378
電話:2738 2322
網址:www.royalpacific.com.hk

城市花園酒店
地址:北角城市花園道9號
自助餐時間:6:30pm-9:30pm
價錢:星期一至四:成人$448/小童$318;星期五至日,公眾假期及前夕:成人$478/小童$348
電話:2887 2888

網址:www.citygarden.com.hk

香港黃金海岸酒店
地址:屯門青山公路1號
價錢:星期一至五: 成人$528 / 小童$298;星期六、日、公眾假期及其前夕: 成人$578 / 小童$338
自助餐時間:6:30pm-10pm
電話:2452 8448
網址:www.goldcoasthotel.com.hk

港島太平洋酒店
地址:西環干諾道西152號
價錢:星期一至四: 成人$408/ 小童$268 ;星期五至日、公眾假期及前夕: 成人$428/ 小童 $288
自助餐時間:6:30pm-10pm

電話:2131 5908
網址:www.islandpacifichotel.com.hk

按此網上申請成為Sino Club會員,會費全免!

下頁有:半島酒店嘆免費套餐

半島酒店嘆免費套餐

聽到去半島酒店食晚餐,第一個反應係咪「一定好貴啦!」不過原來壽星有得免費食!半島酒店今年再推出「快樂生辰獎賞」,只要客人於生日月份內惠顧大堂茶座 The Lobby晚市套餐四位或以上,可免費享用一客套餐之餘,仲送你生日蛋糕一個!晚市套餐共有三款套餐,包括頭盤、主菜及甜品,每天供應其中一款。

香港半島酒店

地址:尖沙咀彌敦道19-21號半島酒店大堂
晚餐時間:6:30pm-10:30pm
電話:2696 6772
網址:http://hongkong.peninsula.com/zh/special-offers/birthday-rewards
價錢:$455
推廣期:即日起至2015年12月31日(需於3天前訂座,如要取消訂座請最少24小時前通知。)

下頁有:怡東酒店 晚市Buffet免費食

香港怡東酒店 晚市Buffet免費食

嚟緊介紹幾間自助餐,啱晒為食嘅你!由即日起至2016年2月29日,只需在生日月份任選一日,帶同三位或以上親朋好友去怡東酒店一樓咖啡室,就可以有一位免費食自助晚餐啦!自助晚餐提供多國菜式及新鮮海鮮,唔少得嘅梗係即開生蠔、長腳蟹、青口、翡翠螺等,另有新鮮刺身、壽司、即烤串燒、自家製蛋糕等。最特別嘅係有日韓美食,包括人蔘雞湯、水蟹粥同蜂巢雪糕啊!

香港怡東酒店

地址:香港銅鑼灣告士打道281號
自助餐時間:6pm-9:30pm
電話:2837 6781
網址:http://www.mandarinoriental.com/excelsior/
價錢:星期一至四: 成人 $ 478/ 小童 $ 278;星期五至日﹑公眾假期及假期前夕: 成人 $ 508/ 小童 $ 308
推廣期:即日起至2016年2月29日

 

撰文:Fiona Fong

圖片:新傳媒資料室、相關機構提供