想做女漢子 – 黃卓瑩

想做女漢子 – 黃卓瑩

「女漢子」係近年出現嘅新名詞,係用嚟形容一啲擺脫嬌貴,獨立自主,豪爽具氣概嘅女子,人稱「范爺」嘅范冰冰,就係當今大中華地區,最具代表性嘅女漢子喇! 今個星期嘅主角 – 黃卓瑩(Yuki),亦都表示自己對「女漢子」非常欣賞,而家喺Poly U讀緊時裝市場學嘅佢,亦都係以呢個方各做目標!

2588

Yuki心目中嘅女神係張栢芝,佢最欣賞栢芝自然唔造作嘅個性,而且聲線好獨特,完全打破女神係要清純,同嬌滴滴嘅形象!

2520

中三嗰陣,Yuki開始接觸短片製作,可以親手完成一段短片,佢覺得好有滿足感。而且好鍾意將自己嘅經歷,用一個開心嘅方式呈現畀人睇。

2633

喺咁多個新晉導演當中,Yuki最欣賞嘅就係麥曦茵,因為佢嘅風格好清新,好有創意,而且拍嘅題材都好現實,好啱而家嘅年青人睇。

2698

而家運動風咁hit,Yuki都話要玩埋一份! 佢話佢好追求線條美,所以得閒就會同班friend一齊去做gym,希望自己嘅身型同線條都可以再靚啲!

2718

Yuki話自己係個動靜皆宜嘅女仔,可以好活潑,好鍾意刺激,但係亦都鍾意自己一個剪片、睇書、寫小說,有時都會好享受自己一個人,性格都幾極端。想睇多啲佢唔同嘅面貌,快啲睇埋片啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: Paul Choi

拍攝:Anthony Leong

剪接: Candy

Hair:[email protected] Makeup

Makeup: Wasabi @KINGS Makeup

提供場地: Synergy Biz Group (XO)

鳴謝:

[Corporate]- Beacon tutorial-Logo_2015

贊助獎品

更多精選內容