趕走暑氣 激玩10大水上活動

趕走暑氣 激玩10大水上活動

夏天最好的消暑辦法,梗係去玩水啦!不過來來去去都係到沙灘、泳池游水,似乎無咩新意?不如一家人甚至一大班朋友去玩水上活動啦!香港都有唔少好玩又刺激嘅水上活動,有啲仲啱小朋友一齊去玩添!無論你係細膽驚青定鍾意刺激快感,以下介紹的8大水上活動,總有一樣能滿足你要求!

1. 水上單車

{"IPTC-DATA":"NMG","data":{"photoID":1966237}}
小朋友唔敢一個人玩的話,可以由大人陪同一齊玩水上單車,艇身夠大又容易操控,最啱合家歡一齊踩。

要數最多特別水上活動玩同最適合小朋友玩,非西沙水上活動中心莫屬。先講水上單車,有超大架的三輪車及艇形的水上單車,單車本身有浮力,即使你唔識踩單車都無問題,大膽的小朋友可以自己踩都得。

{"IPTC-DATA":"NMG","data":{"photoID":1966236}}
水上三輪單車本身已有浮力,唔識踩單車或者游水都唔係大問 題,腳踏可控制前進或後退。

2. 水上彈床

另外,平時帶小朋友去充氣嘉年華跳彈床,佢哋已經好興奮,如果張彈床喺水上面浮下浮下,跳喺上面彈下彈下,嗰種跳躍飄浮感簡值一絕!

island07
水面上跳彈床夠過癮,由於水面減去不少彈力,唔會一跳就彈.落水,夠晒安全,$100玩半小時。

3. 浮墊

一張薄薄嘅墊竟然可以浮喺水面?呢張浮墊可以承載1,200磅,幾個肥仔喺上面都問題,一大班人齊齊瞓喺上面碌都唔會沉,識就角度影相,扮輕功水上飄絕無難度!

呢張浮墊好受小朋友歡迎,喺上面點玩都得,收費為$100半時。
呢張浮墊好受小朋友歡迎,喺上面點玩都得,收費為$100半時。

除咗以上3種水上活動外,呢度仲有碰碰船、獨木板同電動浮板可以玩,兩樣都啱小朋友自己玩。

{"IPTC-DATA":"NMG","data":{"photoID":1966240}}
碰碰車就玩得多,連碰碰船都有得玩,只要左右手攪動小輪就可以向前向後郁,收費為$40玩半小時。
{"IPTC-DATA":"NMG","data":{"photoID":1966242}}
青蛙仔獨木板外形細小,適合輕巧靈活嘅小朋友玩,$40半小時。
{"IPTC-DATA":"NMG","data":{"photoID":1966284}}
呢款電動浮板,只要輕輕一按手柄位手掣,浮板就好似電單車咁識向前行,$60半小時。

西沙水上活動中心
地址:南丫島模達灣7號
電話:2792 8307
備註: 另設2小時任玩套餐,會員每位$138,非會員每位$155。

4. 直立板

blue05
女士們玩直立板絕不遜色於男士。

獨木舟、划艇就聽得多,咁咩係直立板呢?所謂直立板即是站著划木筏,是近幾年新興的水上活動之一。玩直立板最講求平衡力,而且需要運用身體不同部位的肌肉,能提升肌耐力,是一項大小朋友(8歲以上)都啱玩嘅活動。未識玩直立板?唔緊要,藍天體育會有提供直立板初級課程 ($500/2小時),如果你已經識玩,租用初級板價錢為 $120/1小時、$200/2小時、$280/3小時。

blue09
雙人直立板不但可以訓練小朋友的肌耐力,還可以學習與人合作的溝通技巧。

藍天體育會最近還引入了巨型直立板(Monster Sup),是一塊堅硬挺身的吹氣板,有別於一般直立板,玩巨型直立板需至少4人參與 (最多10人),而且靠的不是個人技術,而是團隊的合作,因為各人的重量及技術不一,必須互相協調,才能控制巨型直立板的平衡。另外一提,嚟緊8月29日仲有「第一屆香港國際直立板錦標大賽2015」,現正接受報名,獎金高達一萬元,有玩開直立板嘅朋友可以挑戰一下!

blue07
巨型直立板新手課程,$2,800/3小時;$4,200/全日。

5. 直立板生態旅遊

嫌齋玩直立板悶?可以參加直立板生態旅遊,有半日(鹽田/橋咀島)或全日(甕缸/樑船灣)可選擇,半日價錢為$650/3小時;全日價錢則是$850/6小時。

blue08
喜歡海上探險,可以參與直立板生態遊,探索不同的大自然面貌。

6. 直立板瑜伽

潮流興玩瑜伽,但喺水上玩瑜珈你又試過未?戶外瑜珈又叫純氧瑜伽,練習者在恬靜的環境裡,感受陽光、海水和新鮮空氣,能釋放壓力,舒展身心。

blue03
最多同時8人參與,由專業瑜珈教練指導,$500/1.5小時。
blue02
瑜珈課程安排早上進行。

blue04

**參與直立板活動需懂游泳25米,巨型直立板則需懂游泳50米。

7. 透明獨木舟

blue11
透明獨木舟 $150/1小時

唔少人都有玩過獨木舟,但呢隻全透明獨木舟好特別,初次坐上去感覺好唔穩陣,但其實佢同普通獨木舟一樣,操作技巧都冇分別,若果海水夠清,分分鐘仲可以欣賞到海底世界添!

blue12
同樣有生態旅遊團。
blue10
透明獨木舟可單人或雙人操作。

藍天體育會
地址:西貢新安村60號地下
電話:2792 4938

8.Flyboard

fly02

近年最多人討論的水上活動,一定係Flyboard!因為玩佢就好似變身做ironman咁噴射上天,猶如施展「輕功水上飄」一樣。

fly05
掌握技巧後可以玩花式。

唔好以為Flyboard好難玩,其實佢唔需要太多技巧,最注重係平衡感,教練會安排初學者着住噴射鞋,在水中學習海豚式暢游,跟住開啟噴射器直射上天,慢慢掌握平衡後,就可以進一步轉圈或玩花式。

fly01
玩Flyboard最重要係平衡感。

除咗Flyboard,其實仲有Jetblade同Jetpack,不過佢哋係唔同的噴射器,Jetblade的左右腳踏可分開操控,能夠做到自轉360 º、720 º、後空翻、前空翻等花式。

fly03
由水上電單車提供動力,在兩個噴射口噴水產生衝力。

至於Jetpack整個裝置大型得多,設有座位,座位後是兩個水力噴射口,不過因為佢係以左右兩旁的把手控制方向,所以比較客易控制。

fly06
Jetpack重身和大型得多,能玩的花式很少。
fly04
Flyboard男女都啱玩!

Flyboard Hong Kong
電話:2641 2333

9.Kiteboard

kite01
高難度華麗轉身

Kiteboard中文名叫風箏滑水,是其中一種新興的滑水運動。Kiteboard其實與花式滑水相似,使用的板亦幾乎相同,最大分別是動力源自風箏。

kite05

只要把風箏放上天,控制風箏動力,再把得到的動力傳送至腳下的板,就可以滑行,速度隨時達到70km/h以上。滑水者可以控制風箏和用板壓水得到額外的力量,做出各種花式,例如華麗的旋轉以及跳躍至幾十尺高空等。

kite04
同玩wakeboard一樣需要好的平衡力。
kite03
初學者會先在陸地掌握控制風箏技巧。

如果想體驗一下Kiteboard,只要就湊夠4人即可成團,每位$500,已包括所有器材租用費;體驗後想更進一步學習,可以參加初學者課程,價錢為$1,600/4小時,二人同行$2,500/4小時。

kite02
然後慢慢在淺水區嘗試滑行
kite06
多玩幾次可以挑戰單手或跳躍動作。

HK Kiteboard Club
電話:9470 2916

10. 浮潛

diving01
唔識游水都可以玩浮潛。

講到潛水未必人人敢試,尤其係唔熟水性的人就更加會耍手擰頭,其實要潛落水睇水底風景,又唔使要孭著重裝備先得嘅,玩浮潛一樣得,而且小朋友8歲就可以玩。

diving02
唔使孭重裝備,小朋友夠8歲就玩得。

如果著咗浮水衣,浮潛其實唔需要好多體力,而且呼吸管會供給充足氧氣,唔識換氣都冇問題。依家喺groupon仲做緊優惠,$268包西貢海岸公園浮潛體驗連來回船票,2人$516;4人$996。

diving04
浮潛一定要睇小丑魚。

我哋之前都推介咗本地8大浮潛勝地,有興趣玩浮潛可以睇睇。(按此)

diving05
浮潛可以欣賞到好多水中生物。

diving03

蛙人館
地址:尖沙咀加連威老道63號2樓
電話:3173 2665

 

撰文:Heidi Lau
相片來源:新傳媒資料室、相關機構網站及facebook

更多精選內容