星級教練

必報運動項目 星級教練巡禮

教育

廣告

踏入8月,小朋友仲好開心咁享受緊悠長嘅暑假,但係媽咪們就已經開始為9月開始做緊準備,除咗買書包,置文具,都要安排定新學年嘅課外活動。揀選課外活動,首要當然要睇小朋友嘅興趣啦,不過家長如果有心栽培一個體育健將嘅話,就要搵個好教練喇! 咁究竟而家學界最受歡迎嘅運動項目,有邊位教練最跟得過呢?

泳會適合初習泳者

游水一向都係學界最普及嘅項目,亦係重要嘅求生技能,所以好多家長都會帶小朋友去學,有天份,學得好,就入埋泳隊參加比賽,再叻啲,分分鐘入埋港隊,代表香港出賽tim! 好多家長學游水都會揀入泳會,其實入泳會都有好多好處,除咗學到基本嘅泳術之外,亦都可以培養小朋友嘅紀律性,而且大型泳會嘅架構都好健全,如果發現到小朋友嘅潛質,仲會安排入精英隊加強培訓!

國家教練 專練奧運代表

前中國國家隊代表張狄勇,曾經係男子100蝶泳嘅全國紀錄保持者,曾任國家隊教練,來港後曾任南華會泳隊總教練,又多次獲頒全港最佳教練。前飛魚王子方力申,以及首名喺世界大學生運動會奪得獎牌嘅香港泳手 – 美人魚歐鎧淳,都係張教練一手訓練出嚟。而且學界水霸王 – 拔萃男書院嘅泳隊,仲有多位學界紀錄保持者,同港隊成員,亦都係由張教練一手湊大,所以如果得到佢嘅指點,相信要成為「一代飛魚」,都唔係難事。

創辦泳會 訓練尖子

學游水由兩個途徑,一係搵私人教練,學費由每小時$200至$1,200不等,視乎教練嘅資歷同名氣而定;其次係參加由泳會開辦嘅泳班,一般學費由每堂$60起,每班人數約2至10人。迪泳會係由張教練創辦,如果家長有興趣幫小朋友報讀,可以由初班學起,到有能力上到精英班,就可以上由張教練親自製訂嘅課程,同得到佢親自指導。

 

迪泳會

電話: 9845 4409

網址: www.dikwing.com.hk

劍擊是香港的精英項目,隨着政府及業界大力推廣,近十數年,學劍人數每年以倍數上升,成為中、小學的熱門運動;喺學界賽中,更加係名校必爭之地,故對潛力劍手更為重視;加上本地培訓發展已具一定系統及規模,勤打比賽累積經驗,唔單止可以增加入名校嘅籌碼;甚至隨時躋港隊,踏上世界體壇殿堂。

亞洲人打劍最叻

劍擊有別於其他運動,冇身形上限制,係一種適合大多數人嘅運動。亞洲人身材適中,動作靈活,絕對有利學劍。靈活即係變化多,對戰時令人難以捉摸,更可提高自己嘅勝算。香港小朋友轉數高,好適合呢種鬥智鬥力嘅運動。幼童如初接觸劍擊,可由4歲開始,先以遊戲配合小量技術訓練形式,提升對劍擊嘅興趣;至8、 9歲後,正式接受技術訓練,學好基本功,就可透過對戰,學習基礎戰術,更多攻擊同埋防守動作。坊間一般以小組形式教授,學費每堂大概由$200起,一堂90 分鐘;個人單對單教授,則由$400至$600不等,每堂1小時。由於小學學界賽只設花劍賽事,所以初學者入門都會由花劍學起,到中學就會分花劍、重劍及 佩劍賽事,要視乎個人應變力、節奏感等,衝量適合轉打哪一劍種。

香港劍擊學校校長黃贊,為前香港劍擊代表隊教練,1990北京亞運會男子花劍團體賽銅牌得主,現主力發展劍擊推廣,在全港多間名校執教,當中包括喇沙小學、啟基學校協恩中學、聖保羅書院及英華書院等。港隊代表崔浩然,以及喺世界青少年劍擊錦標賽嘅張藝馨,都係黃校長嘅學生。要數全港至top嘅劍擊教練,一定非黃校長莫屬!

晉身港將 有例可循

隨 着劍擊運動愈趨普及, 從前中、小學的學界賽事,合共只有3、400 名劍手參加;現在小學5區每區有200 至250 人,中學分港九和新界兩區,合共約1,000 人,連同未被選拔出賽的劍手,保守估計最少4,000 人,參與劍擊的人數大幅增加,令本港代表隊兵源充沛,不致出現斷層。雖然多參加比賽,可以多汲取經驗,有助實力提升, 不過港隊自有一套選拔系統,要由學界躋身港隊,就必須要參加指定比賽,爭取本地排名前8 位。

香港劍擊學校

電話: 2332 3135

網址:www.fencing.com.hk

乒乓學院 尖子搖籃

乒乓球係香港主力發展嘅體育項目,提供嘅培訓亦都係最有系統。2001年,由香港乒乓總會主辦嘅「恒生乒乓球學院」正式成立,係現時本地提供最全面踲乒乓球培訓機構,提供各項訓練課程、比賽、獎勵計劃等,畀本地學童參與,從而提升技術水平,及發掘明日之星。有20年歷史嘅「新一代」訓練計劃,專為6-9歲對乒乓球有興趣嘅學童而設,而且有乒總認可嘅教練親自指導,加上費用超平,報名費連學費,都係$125,仲上足10堂,所以每年吸引過千人次報名。學院訓練全面、有系統,且有規律,除咗可以跟教練學習球技,亦都可以經常透過對賽,學習適應不同嘅打法,例如搶攻、重防守,需要有唔同嘅戰術,有助多累積實戰經驗。

升級有系統

香港嘅乒乓球培訓非常較有系統,為激發學童有令球技增長的動力,學院每年會舉行兩次公開章別考試,符合水準的球員可獲頒證書及獎章,作為升學及精英選拔的參考依據,如果表現佳,亦有機會晉身港隊。

乒乓孖寶而家都已經轉職做教練,高禮澤專責培訓港青,而李靜就係香港女子隊教練。

 

恒生乒乓球學院 「新一代」乒乓球訓練班

電話:2575 5330
網址:http://hstta.hktta.org.hk/html/athletes_training/training-1.html

*下一期將在2015年11月上旬開始報名

喺學界賽中,除咗游水同田徑,最有睇頭就係男子籃球賽,現場氣氛絕對可以媲美職業賽!不過由籃球總會開辦嘅培訓課程名額唔多,而且亦都欠缺專為小朋友而設,又有質素嘅訓練渠道。所以前甲一籃球隊飛鷹嘅入樽王蘇伊俊,就開咗一間訓練學校,專門為5 至 16 歲嘅小朋友及青少年,開辦籃球課程。

籃球界黃曉明 開班授徒

蘇伊俊喺體育傳統名校賽馬會體藝中學出身,曾經為母校喺精英賽中捧盃兼奪我 MVP,畢業之後投身甲一打職業賽,期後又去到澳洲顏大學讀運動管理,有多年代表香港出賽嘅經驗,2004年「籃球之神」米高佐敦訪港,蘇伊俊喺入樽比賽中,被米高佐敦評為「入樽王」; 最不可多得就係高大靚仔,個樣黃曉明有8成相似,係名符其實「香港籃神」。為咗加強教學特色,佢仲用英文嚟教波,等小朋友可以邊打籃球邊學英文,小朋友喺學打波之餘,都可以學習到溝通技巧、訓練自信,以及學懂待人處事應有嘅態度。

而課程設計會以興趣同目標為本,為學生提供外出訓練同比賽嘅機會,等一眾小球員可以由細就汲取實戰比賽經驗,以打好日後嘅發展基礎。費用由$2,520 – $3,600 (10堂), 在港九新界都有租用場地作訓練中心。除咗籃球項目,學校積極開拓其他運動項目,如邀請前香港羽毛球代表黃贍儀擔任羽毛球班教練,希望學生可以搵到自己真正嘅運動興趣。

 

GMF Sports Academy

電話: 3996 8912

網址: www.gmfsports.com.hk

 

 

撰文: Joanne

相片: 新傳媒資料室,香港劍擊學校,迪泳會及GMF Sports Academy facebook專頁