體操場上的氣質女孩 – 伍婉然

體操場上的氣質女孩 – 伍婉然

體操既講求力量,亦講求動作優美,三年級就開始練體操嘅伍婉然(Doris),花咗6年時間,終於晉身港隊。喺體操場上,Doris唔止用優美嘅肢體動作去吸人觀眾嘅目光,佢嘅清純同氣質,都一樣係佢嘅殺手鐧嚟架!

profile

Doris而家喺poly U讀緊BBA,9月開學就會升year3。出身自老牌名校,由幼稚園到中學,都係喺培正度過嘅佢,對學校好有歸屬感,得閒嗰陣,成日都會約埋啲同學一齊返學校探啲老師。

8625

中小學有學界比賽,大學就有大專盃,所以好多院校為咗得到呢隻盃,都會積極羅致運動員入學。不過體操唔係大專盃嘅項目,對Doris嚟講,都冇咩升學優勢可言,所以佢之所以入到大學,絕對係靠成績架!

8441

體操喺香港唔算係太熱門嘅項目,不過經過歷代運動員嘅努力,石偉雄同黃曉盈分別走向世界舞台,體操終於成為「精英項目」,得到政府大力支持。而家Doris呢一批新一代運動員,可以喺體院集訓,同享受學院裡面嘅設施。

8648

Doris鍾意玩體操,係因為呢項運動畀到好大成功感佢。不過佢都唔係未遇過挫折架!暑假去日本參加比賽,喺高低槓比賽嗰陣,Doris一時失手,竟然掛咗喺個槓架上面,當時仲有好多部攝影機影住,真係瘀到想搵窿捐呀!

8824

雖然Doris係運動員,不過性格就偏向文靜,閒時最鍾意就係睇小說,佢媽咪話,Doris就算溫書溫到攰,休息都係睇小說,仲會睇到唔捨得放低。同埋一般女仔畀人嚇親會大嗌,但係佢就可以一啲反應都冇!不如睇埋片,睇吓佢係木獨定係淡定丫?

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: 溫俊鏘

拍攝: Chiu

剪接: Candy

Hair:[email protected] Makeup

Makeup: King @KINGS Makeup

提供場地: MioXpace (9711 9533)

鳴謝:

[Corporate]- Beacon tutorial-Logo_2015

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容