澳門

澳門睇煙花比賽匯演 玩埋9大景點

親子好去處

廣告

今個星期六就係一年一度澳門國際煙花比賽匯演的大日子,今年有來自馬來西亞、芬蘭、韓國、意大利、法國、奧地利、澳洲及內地的煙火公司參加。比賽於澳門旅遊塔對開海面舉行,每晚仲有2場可以欣賞,有無Plan定順便一家人去個兩日一夜 澳門 之旅呢?未就等我哋幫你Plan啦!

每個周末都有唔同嘅國家作出煙花表演,節目時間表如下:

2015年9月5日 (星期六)
21:00 馬來西亞 紅焰 煙花 特效有限公司
21:40 葡萄牙 Luso 煙花 公司

2015年9月12日 (星期六)
21:00 芬蘭 Suomen 煙花 公司
21:40 中國台灣 永豐煙火製造企業股份有限公司

2015年9月19日 (星期六)
21:00 韓國 Daehan 煙花 公司
21:40 意大利 PARENTE 煙花 公司

2015年9月27日 (星期日)
21:00 法國 artEventia 煙花 公司

21:40 奧地利 FIREevent 煙花 公司

2015年10月1日 (星期四)
21:00 澳洲 Howard & Sons 煙花 公司
21:40 中國 東信 煙花 集團有限公司

第二十七屆澳門國際 煙花 比賽匯演
日期:2015年9月5,12,19,27及10月1日
時間:晚上9pm及9:40pm
地點 : 澳門旅遊塔對出海面
網頁:http://fireworks.macautourism.gov.mo/index.php?lang=zh

 

去得澳門2日1夜,又點可以淨係睇煙花呢?梗係要趁機會帶埋小朋友去澳門親子旅遊點啦!之前我哋出咗個澳門八個親子玩樂熱點,唔夠小魔怪玩?再睇埋以下呢9大啦!

探索科學之旅 澳門 科學館

澳門 科學館外型係咪好有特色?好有時代感呢?因為呢座科學館係由「現代建築最後大師」貝聿銘所設計o架!科學館於 2010 年 1 月開幕,展館樓共有6層,話明科學館,又點少得科學展品呢?館內中央底層放了「 神舟七號 」的模型及其他運載火箭,另外仲有中國古代科技的發展史--「 天、算、農、醫 」的科技介紹館。雖然好多嘢睇,但好似唔係咁啱小朋友去咁嘅?其實館內一樓有兒童樂園廳、兒童科學廳及科學快車廳,透過互動形式令小朋友學到科學知識,小朋友一定唔會悶親啦!

兒童科學廳

專為小學生而設,最吸引嘅,一定係一系列的水展品啦,小朋友可以係度玩船、水閘、射水等,透過動手遊戲,學習各種科學知識。

科學快車廳

由「科學快車2009」、中央車站及四個「科學啟發」展區組成,帶大家尋訪不同的科學家及介紹他們的科學科學發現!

下頁仲有兒童樂園廳

兒童樂園廳

樂園專為身高120厘米或以下兒童而設,小朋友可以爬上爬落進行探索!

澳門 科學館

地址: 澳門 孫逸仙大馬路
電話:853 8868 3000
開放時間:星期一至日10am-6pm;逢星期四休館
門票:MOP$25 (成人);MOP$15(11歲或以下小童);2歲以下幼童免費
網址:http://www.msc.org.mo

下頁有:澳門 最大兒童樂園

澳門 最大兒童樂園 童夢天地

童夢天地位於新濠天地 Hard Rock 酒店 2 樓,總面積超過 10,000 平方尺,有咁大地方俾小朋友放電,而且有專人睇住佢哋,爸爸媽媽可以抖吓啦!童夢天地雖然位於酒店內,不過會開放俾公眾,只要購買入場券就可以入去盡情玩。不過就有衣服限制,小朋友必須穿著長袖衫褲,而成人和兒童都必須穿襪子,如果服裝不合規定,可以係現場購買。樂園內有四大主題區,分別是創意坊、夢劇院、 科幻世界及勇闖巔峰。「勇闖巔峰」及「科幻世界」內有大型攀爬組合連滑梯及電玩區;「創意坊」及「夢劇院」內則有玻璃大畫板及表演舞台等。

下頁續:四層樓高滑梯

童夢天地

地址: 澳門 路氹連貫公路新濠天地
電話:853 2888 0822
開放時間:10:30am-9:30pm
門票:星期一至五MOP$120 / 2小時(一大一小);星期六、日及公眾假期MOP$150 / 2小時(一大一小)
網址:http://www.cityofdreamsmacau.com/tc

部分圖片來源:The Nok、龍鳳媽媽

下頁有:全澳門唯一親子餐廳

全澳門唯一親子餐廳 小腳板親子咖啡

香港有卡通主題餐廳,台北都有親子餐廳!澳門雖然地方細細,但都有親子餐廳o架!親子兩日遊的話,不如搵一餐係度解決啦!小腳板親子咖啡開幕只有三個月,設施非常新淨,分為用餐區及兒童遊樂區,兩區只係喺旁邊,咁大家就可以一邊用餐一邊睇住小朋友玩啦!

係咪好可愛呢?以下呢個係店內招牌菜--白汁蘑菇兄妹造型飯糰(MOP$62),除咗外表可愛之外,營養都好豐富!除了飯糰、仲有腸仔、炸魚,還有瓜、菇、 紅蘿蔔、薯仔、椰菜等多種蔬菜,而且每一種蔬菜都細心地切成細細粒,方便小朋友進食。另外黑色的蘑菇是加入了黑芝麻,而粉紅色的蘑菇則是加入了紅菜頭汁, 完全不用擔心有對小朋友不健康的色素!

小腳板親子咖啡
地址:澳門貨倉街5號穎豐大廈地下A號舖
電話:853 2893 0099
營業時間:星期二至五:12nn-9pm;六、日及公眾假期:11am-9pm(逢星期一休息)
平均消費:$100
FB:https://www.facebook.com/ohmybabiescafeandplay

下頁有:澳門版玩具反斗城

澳門版玩具反斗城 Kid’s Cavern

Kid’s Cavern是一間賣嬰幼兒和兒童衣物用具、食品、玩具的地方,店內有來自日本、美國、歐洲等地最新最齊全的玩具。七彩繽紛的外牆,令人一入去就有種覺得 是小朋友天堂的感覺!而且內裏佈置更仿照童話王國,包括大型糖果屋、公主主題飾品區、機動戰士高達主題店、LEGO概念專櫃、Sanrio專門店等,唔洗 買嘢,齋影相,小朋友已經好開心啦!其實唔止小朋友啱去,大人都一樣啱行,因為入面有好多1比1嘅超級英雄模型,包括蜘蛛俠、鐵甲奇俠等,係男仔都鍾意 啦!

Kid’s Cavern

地址: 氹仔金光大道金沙城中心3樓3001-3007號
電話:853 2885 3300
營業時間:10am-10pm
FB:https://www.facebook.com/kidscavernmacau

部分圖片來源:Sharon & Victor & Tung Tung 幸福之家

下頁有:至新兒童樂園

至新兒童樂園 Kids Club

這個兒童樂園Kids Club位於 澳門 JW Marriott 萬豪酒店3樓,雖然面積不大,但開幕未滿一年,勝在地方夠新,而且人流比起「童夢天地」少,咁就唔洗怕小朋友要和其他人爭玩「瀡滑梯」,入場玩記住要著襪仔啊!另外,呢度仲有好 多部大型的電子遊戲機,唔止小朋友鍾意玩,大人都想玩埋一份啦!

Kids Club

地址: 澳門 氹仔島路氹城澳門銀河度假城
電話:853 8886 6888
開放時間:9:30am至9:30pm
門票*:
平日(星期一至星期五)

– 2 小時 (包括一位兒童和一位成人)收費是 $120。

– 3 小時 (包括一位兒童和一位成人,和1個手工藝活動)是 $200;

週末及假日(星期六、日或假期)

– 2 小時 (包括一位兒童和一位成人)收費是 $150。
–3 小時 (包括一位兒童和一位成人,和1個手工藝活動)是 $250

*住 JW Marriott Macau及 Ritz Carlton Macau 的酒店住客就可以享有 7 折的優惠

網址:http://www.galaxymacau.com/en/jw-marriott-macau/hotel-amenities

相片來源:Carol & Vin 的旅遊 Blog

下頁有:$2坐纜車

$2有得坐 松山纜車

嘩!2蚊就有得坐纜車咁抵?平香港成條街啊!松山纜車於1997年落成,係 澳門 唯一一個纜車系統,連接松山市政公園及二龍喉公園。既然咁平,咁一定去得唔遠啦!無錯!松山纜車是全球最短的纜車系統,全程單程只需1分20秒就可以完成單程的路途。

松山纜車

地址:二龍喉公園入口處
電話:853 2831 5566
開放時間:8am-6pm(星期一為例行維護保養日,全日停開)
門票:成人:單程MOP$2、雙程MOP$3;2歲以上小童雙程優惠票MOP$2

下頁有:天幕龍騰 X 虛擬水族館

天幕龍騰 X 虛擬水族館 打孖玩!

天幕龍騰

童 夢天地2個鐘就玩完啦!咁之後去好呢?不如去埋新濠天地的天幕劇院(The Bubble)睇場戲先啦!天幕劇院是全球最大的圓頂形綜合劇院,可以360度觀賞,同香港的太空館差唔多。天幕劇院現正上演「龍騰」節目,以震撼的聲光 效果講述龍珠和四大龍王神秘力量的故事,表演全長15分鐘,要企係到睇。雖然睇天幕龍騰需要入場費,但途徑獲取免費門票!

方法一:當天於新濠天地餐廳或酒吧消費滿澳門幣200元,可換領一張免費門票
方法二:新濠天地酒店住客憑房卡換領4張免費門票(2位成人及2位兒童)
方法三:於「童夢天地」消費滿MOP$80(平日)或MOP$100(週末及公眾假期),每張消費收據可免費換領門票2張(1位成人及1位12歲以下兒童)

天幕龍騰

地址: 澳門 路氹連貫公路新濠天地
電話:853 8868 6688
放映時間:12nn-6pm(每30分鐘一節);7pm-10pm(每小時一節)
表演全長:15分鐘
門票:成人:MOP$50、3-12 歲小童:MOP$25(免費方法可閱上文)
網址:https://www.cityofdreamsmacau.com/tc

 

虛擬水族館

睇完天幕龍騰,可以順便去埋附近嘅「虛擬水族館」,話明虛擬,咁梗係無魚啦!水族館運用進投影技術和兩層高螢幕,令參觀者好似入咗去海底世界一樣,各種海洋生物都自由自在水中暢游,最令人驚喜嘅係有美人魚啊!重點係可以免費觀賞添!

虛擬水族館

地址: 澳門 路氹連貫公路新濠天地
電話:853 8868 6688
開放時間:24小時
門票:全免
網址:https://www.cityofdreamsmacau.com/tc

下頁有:澳門旅遊塔

煙花勝地 澳門旅遊塔

今次的煙花比賽喺澳門旅遊塔舉行,又點可以唔介意吓呢個景點呢?澳門的地標除了大三巴外,還有約56層樓高澳門旅遊塔,澳門旅遊塔有個非常有噱頭的活動,就是笨豬彈啦!好多人都特別嚟呢到玩o架!不過一家大細嚟到,都係唔好咁刺激啦,睇吓風景同煙花就夠啦!乘搭乘電梯到58樓觀光平台,360度的透明玻璃,可以鳥瞰整個澳門半島,景色一流啦!

澳門旅遊塔

地址: 氹仔金光大道金沙城中心3樓3001-3007號
電話:853 2893 3339
營業時間:星期一至五:10am-9pm;周末:9am-9pm
觀光塔觀景門票:成人:MOP$135;3-11歲小童:MOP$70
網址:https://www.macautower.com.mo/zh-hant/

 

撰文:Fiona Fong

相片來源:新傳媒資料室、相關機構提供

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。