秋日4大靚景單車遊

秋日4大靚景單車遊

秋高氣爽最適合戶外活動,其實香港仲有唔少地方,有好靚嘅自然景色睇架! 近年坊間一直都有不少團體舉辦不同主題的 單車 導賞團,只要夠人數即組團成行,到時有地頭蟲帶你踩入新界睇靚景和品嘗地道農家菜,有得食有得玩,絕對係老少咸宜嘅好活動!若果係單車初哥,又或者一家大細想過吓癮,都冇問題! 都一樣有最啱親子同行嘅 單車 路線推介,一路踩一路玩,一樣可以過足癮!

大埔單車自由行

不少人到大埔踩 單車 ,路線通常都係大埔墟踩入大美督,又或者踩去大圍、沙田,不過,如果家長帶住小朋友踩,最方便及安全一定是吐露港旁的海濱公園。先在大埔火車站旁的 單車 舖租單車,成人一般五十至六十元,小朋友單車則約廿元,便可踩一個下午,最遲七點交車。由大埔墟火車站,沿廣福村方向前進,穿過林村橋,便到海濱公園的入口。

4

揀車要訣

由於不是「自家車」,為小朋友租 單車 時就要留意兩點, 首先是車架高度,小朋友坐在座墊上,由大人將車子扶正,讓腳踏板移到一上一下的位置,其中一隻腿平放在下方的腳踏板上,而踏在下方腳踏板的那隻腿,自然擺直並略為彎曲,是最適高度,如此一來,雙腿在踩踏時,才能有充裕的伸展空間。另外,在車頭加上單車鈴,可以提醒前面的路人閃避,避免衝撞意外。

2

元洲仔秘探白鷺

55555

在踩入海濱公園之前,提議先來一個尋幽探勝,講的是位於吐露港與海濱公園的入口旁的元洲仔,由一條小路引入,踩 單車 入去只需兩分鐘,就會去到一個小碼頭,這裏面對全海濱公園,站在此可以飽覽吐露港景色,景色迷人,而且岸邊更可看到不少白鷺飛翔及覓食。

 

海濱公園草地樂

3

不想行程淨係一路向前踩,海濱公園另一好處是除了有長長的 單車 徑外,仲有不同的活動區,好似擁有翠綠的草地亦是賣點之一。整片草地盡在視線內,可以放心給好動的小朋友光着小腳漫步,又或者在草地上盡情奔跑、翻滾,有時一家靜靜躺在草地上,看看天上的白雲,數數眼前飛過的小鳥,呼吸着撲鼻而來的青草味,一起享受着草地與陽光帶來的一絲愜意。

懷舊火車博物館

7

踩完海濱公園,可以沿往林村河的 單車 徑繼續行,約十五分鐘便會去到太和橋,穿過太和橋就可以到達大埔墟火車博物館,此時,將單車鎖在橋旁的單車停泊處,便可入場遊玩一番。這個博物館在1984年被列為法定古蹟,面積有六千五百呎,場內有舊式火車,有鐵路,仲有專室介紹火車的種類以及當年火車站的設施。

跟團睇盡南生圍靚景

{"IPTC-DATA":"NMG","data":{"photoID":1863831}}
一場來到,當然不可以錯過地標的橫水渡,過一次河要六蚊雞。

本地的眾多 單車 旅行團中,Bike Travel 是最早開辦本地及海外 單車 團的團體之一,當中最多人報名的導賞團就是南生圍一日遊。該路段勝在以平路為主,極少上落斜位,啱晒新手或一家大細一齊踩。但由於行程起點和終點都係錦上路嘅車店,一來一回計埋有成40公里,對體力有一定的要求。此團行程頗為豐富,由頭到尾需時約七個半個鐘,幾乎踩足半日,所以要一早九點幾開始出發。雖然要早起身苦了身子,但眼睛就絕對有回報,皆因行程景點實在靚到不得了,真係隨便影一張都係靚相!第一站去完水尾村睇百年樹屋熱吓身,跟住就係最多景點嘅南生圍,荷塘、濕地、沙洲、樹林、草地、水渡等,都係必去景點,不時有龍友山長水遠入嚟影相!呢個團仲包一餐午飯,可以在當地居民嘅魚塘內食新鮮農家菜,出面有錢都未必食得到!食完飯後,踩埋入去邊境路,就完成整個行程,返到錦上路就開始入黑,時間啱啱好!

9
南生圍路線平路多,而且現在是候鳥南遷過冬的季節,大家在三角位置可觀賞不同的季候鳥。
10
南生圍入面個敬輝農場絕對係「禾稈冚珍珠」,除咗免費俾大家入去參觀外,內更有一個巨型荷花池塘,有條浮橋俾大家遊走影相。
11
行程包一餐午飯,在南生圍的私人魚塘用膳,幾間小屋建於水上,忽然有點大 澳風味。

Bike Travel
文化薈萃南生圍 單車遊
費用: $168/位(大小同價,包午膳及所有入場費。租單車需另加$55)
地點:元朗錦上路跳蚤市場C22 舖
電話:2470 2138
網址:www.biketravelltd.com
備註: 必須佩戴單車頭盔,建議自備單車及頭盔。

地膽帶你踩入流浮山

12
本地唯一的蠔田位於流浮山,蠔殼多到堆積如山,惟獨背面的紅樹林只可以遠觀。

除咗踩 單車 睇靚風景外, 單車 生態遊亦夠gimmick,元朗區內另一間開辦 單車 導賞團的社企Biciline,帶隊的都是在區內長大的後生仔,絕對是地頭蟲,帶大家鑽盡區內鮮為人知嘅景點。其 單車 團的路線選擇多,除南生圍外,流浮山及白泥兩條線都十分吸引,但由於某些路段需要穿梭馬路,更要在海邊的路段上坡落斜,所以有一定危險性,算是中級難度的路線,較適合有經驗的朋友。雖然兩條路線和景點有部分重疊,但仍然保持各自特色。

13
路線前半段是要在元朗市區內, 風景不多,路線多在馬路穿梭,有一定危險性,來到流浮山牌坊才算是到了景點的集中地。
14
正值蠔甜肥美的季節,當日阿姐即場開蠔,粒粒都好大隻,平均80蚊一斤,天氣再凍少少會有檔口即開即燒,諗起都流口水。
15
流浮山大街的盡頭就是岸邊,平時只有原居民,較少遊客,算是路線中較靚的影相位。

下白泥睇咸蛋黃

16

前者的流浮山線,路程總長32公里,由元朗來回流浮山大街,需時約5個鐘。主要帶大家一窺本地魚市場的買賣運作、探訪本地唯一的蠔田,更可以即開即燒鮮蠔,一於買埋土產咸魚返歸做手信!而另一白泥線就明sale 日落景色,而且路段亦較短,回程又有車接送,路程為28.7公里,時間只係長多兩個鐘,而主要的精華景點都在尾段。所謂「黃天」不負有心人,山長水遠踩到入下白泥,無非係為咗睇個靚靚鹹蛋黃。夕陽西下再加多個淺灘,名副其實「漁火閃閃擦浪濤」,難怪經常有新人到此拍婚紗照。筆者建議大家最好五點正之前到埗,因為大約只有半小時俾大家影相,記緊把握時間!

17
往白泥途中會經過沙江村,有一座古色古香的天后廟,大家可以入內參觀,但就不可以在內拍照。
18
在稔灣路往下白泥的上斜位有一個日落預覽位,金色鹹蛋黃的倒影在海上,靚爆!

BiciLine
流浮山蠔田生態之旅、
白泥日落美景之旅
費用: 流浮山$220/ 位、白泥$245/位(包午膳、單車及頭盔)
地點:元朗鳳翔路5號大廈地下4號舖
電話:2478 3880
網址:biciline.tungwahcsd.org

免費單單公園推介

如果怕小朋友太細不方便,又或者未學識踩 單車 ?唔使愁,其實有不少 單車 公園都好好玩,場內設施各有特色,而且較其他沿馬路而建的 單車 徑安全得多,家長可以放心跟小朋友一齊踩。

蒲崗村道公園

19

簡介: 2012年初啟用,設有全港最具挑戰性及難度最高的BMX 單車場,全港第一條長約1公里的高架單車徑,以及適合初學者使用的單車園地。

地址:九龍鑽石山蒲崗村道公道內
時間:8am-10pm
查詢:2320 6140
註: 凡進入BMX 單車場使用設施的人士必須佩戴單車硬殼頭盔,及需要BMX 單車場使用許可證。

 

賈炳達道公園

20

簡介: 多年歷史的單車場,集合了平路及斜路兩類路徑,加上不同的斜坡設計,是初學者的最佳訓練場。
地址:九龍城賈炳達道
時間:24小時開放
查詢:2716 9962

 

荃灣公園

21

簡介: 1個佔地2,800平方米的兒童單車徑,場內的設計色彩鮮艷十分可愛,是一個專為小朋友而設的單車主題遊樂場。
地址:荃灣永順街59 號
時間:7am-11pm
查詢:2408 9592

 

九龍灣公園

22

簡介: 05年落成,設有一條不銹鋼單車橋,劃有初學者練習區,並有單車租賃服務。
地址:九龍九龍灣啟禮道
時間:7am-11pm
查詢:2341 4755

 

撰文:林斌, Angela

攝影:Clay Lam,黃大立

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容