張祝珊才女 – Alice Yeang

張祝珊才女 – Alice Yeang

聯絡上Alice(楊好盼)係透過社交網站,淺談過後,知道佢嘅興趣係寫詩作詞,真係有一陣清風吹過面上嘅感覺!而家網上「潮文」日日更新,詩詞歌賦,仲有幾多人會去細讀?再望望佢張相,一浸脫俗嘅氣質湧住咁出嚟,裡裡外外就係夾到絕!呢位才女,今年17歲,嚟自東區名校-張祝珊英文中學

1149

叫得「才女」,唔止要有墨水,仲要有風骨。睇過Alice喺網上嘅一啲文章,覺得佢係個有立場、有睇法,敢作敢寫嘅人,呢一點,佢絕對合格。Alice仲話要喺18歲前,出一本自己嘅詩集,寫嘅仲係古詩,不如一齊嚟欣賞吓丫!

愛莉絲LOGO

點解偏偏會情迷古詩呢?其實喺小時候,Alice嘅屋企人都會要求佢背誦唐詩宋詞,當時佢的確唔太喜歡。後來認識到佢嘅初戀情人,對方係一個中文造詣好高嘅人,平時都會同佢對詩寫詞,喺對方嘅激勵同熏陶下,就由唔太喜歡,變成熱愛喇!

0907

喺15歲嗰年,Alice就向Model自薦,成為咗旗下嘅part time model,家人同學校都知道,同時兩者都俾咗好大嘅自由度佢發揮,只要唔影響學業,都唔會有咩意見。兩年間,Alice都影過唔少雜誌同平面廣告,睇佢擺pose影相,已經好有model嘅架勢。

1090

影相當日,Alice因為唔係好夠瞓,所以表現得比較寡言,攝影師仲話佢真係好似小龍女咁,不食人間煙火。不過性格直率豪爽、心思敏捷嘅趙敏,至係Alice最鍾意金庸筆下嘅女子。唔知佢自己覺得自己似邊個多啲呢?

1073

除咗寫作,Alice最鍾意就係睇戲,佢話佢自己咩戲都睇架,之前仲有朋友介紹佢,去一本喺大學派發嘅免費刊物度寫影評tim!

1164

Alice而家喺張祝珊讀緊中五,聽講話呢間學校都有唔少靚女架!Alice就話靚唔靚人人標準都唔同,不過佢就覺得張祝珊嘅女仔大多數都係順眼嘅!真嘅?咁多位同學,咁就唔好怕醜喇!快啲嚟參加「學界男女神」啦!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: Clay Lam

拍攝:Anthony Leong

剪接: Candy

Hair: Toyo [email protected] Makeup

Makeup: [email protected] Makeup

提供場地: Parc古道具公園 Antique & Lifestyle (5544 0534)

鳴謝:

[Corporate]- Beacon tutorial-Logo_2015

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容