Super Kisstar 第3集:天才表演

Super Kisstar 第3集:天才表演

10位Super Kisstar 經過之前 服飾Mix & Match行catwalk 挑戰,接下來就係天才表演環節,小朋友個個都身懷絕技,令到評判楊思琦姐姐都睇到目不轉睛,判分時相當苦惱呢!

Avina 高仲瑩
天才表演:啦啦隊舞

活潑好動的Avina,天才表演選擇咗可以展現活力的啦啦隊舞,大家覺得佢跳得好唔好?

Elite 鄭依騏
天才表演:爵士舞

10位Super Kisstar 中年紀最大嘅 Elite,身型高佻,原來5歲開始學跳舞,表演起來駕輕就熟,難怪思琦姐姐都話佢充滿自信。

Dalas 伍翱藍
天才表演:普通話詩詞朗誦

當其他小朋友選擇唱歌、跳舞,Dalas好特別選擇咗用普通話唸詩,原本以為會好悶,但佢識得同觀眾互動,好加分!

Karrie 吳凱嵐
天才表演:唱歌 (香蕉船)

Karrie選擇咗清唱兒唱香蕉船,無音樂伴唱下,音域算準,思琦姐姐都讚唱得好好。

Andre 吳溢朗
天才表演:蜘蛛俠打功夫

好鍾意英雄人物蜘蛛俠的Andre,連天才表演都同蜘蛛俠有關,爸爸仲有份表演添!

Elise 陳芷澄
天才表演:跳舞

今年6歲的Elise比同齡的小朋友高佻,而且身型修長,跳起舞來好靚,可惜佢太過緊張,有少少唔記得咗舞步。

Charlotte 曾綽嶢
天才表演:唱歌 (Five Little Monkeys)

參賽者中年紀最細的Charlotte 表演唱英文歌,首歌都幾長下,佢好犀利記得晒歌詞,係最尾爭少少,不過佢都唱完整首歌。

Kayden 曾希聞
天才表演:魔術

Kayden表演繩子魔術,表現唔錯,但如果佢可以再介紹多少少,同觀眾互動多啲,就會更加好啦!

Hailey 張芷晴
天才表演:絲帶舞

Hailey 可能太緊張,唔太記得啲舞步動作,不過好彩有笑容搭夠,總算順利完成表演。

Hanson 譚亦峻

天才表演:街舞 (Locking)

充滿陽光氣息的Hanson,表演街舞中的Locking時好有自信,一啲都唔怯場,連思琦姐姐都大讚。

10位 Super Kisstar 表演完畢,究竟邊個表現最好,邊個又要被淘汰呢?咁就要留意下一集喇!

更多精選內容