康泰旅行社 x sunday Kiss 至叻小小旅行家 向世界出發

康泰旅行社 x sunday Kiss 至叻小小旅行家 向世界出發

《Sunday Kiss》首次聯同康泰旅行社舉辦「至叻小小旅行家」競選活動,反應非常熱烈,經投票後先選出30名小朋友(5至7歲組、8至10歲組各15名)進入初賽,接受一系列培訓,從中學習口才訓練、旅遊財務管理、旅遊知識及攝影技巧,大會根據各參加者的上課及面試表現,選出最後16強晉身總決賽,在舞台施展學習成果。經一輪比拼後,由林巧翹(8至10歲組)及饒桐(5至7歲組)贏得「至叻表現小小旅行家」大獎,巧翹更同時奪得「最高人氣小小旅行家」大獎!兩位小朋友年紀輕輕已有豐富遊歷,難怪在眾多參賽者中脫穎而出,即刻睇睇她們的分享!

2_230K_family
巧翹勝出比賽後與親友留在商場玩樂及食飯慶祝,贏得的獎金會用作韓國聖誕滑雪之旅,十分期待第一次親親雪地。

林巧翹 阿根廷足球小姐

巧 翹與媽咪是《Sunday Kiss》忠實讀者,有朋友分享了sundaykiss.com的康泰比賽專頁,覺得有趣及適合巧翹,就決定報名參加,原本覺得入圍初賽的工作坊就滿足, 能夠最終勝出比賽是始料不及,覺得非常幸運。林媽媽最難忘工作坊的多元化學習,對囡囡好有得着,「有理財、攝影技巧同旅遊知識,旅遊時要注意啲咩,係一個 好認真嘅大型比賽。」
就讀中華基督教會基慧小學(馬灣)小三的巧翹,性格慢熱,所以最初面試覺得好緊張,後來才慢慢放鬆。「因為好多人喺前面,如果唔小心講錯嘢就會失分,我永 遠都會記得㗎!」比賽當日的旅遊造型catwalk環節,一眾參賽者賽前抽籤決定代表國家,再準備民族服介紹風土人情。巧翹當日以一身阿根廷足球裝突圍, 她笑言本身並非球迷,為了比賽她積極惡補足球知識,加上親友協助,令她表現揮灑自如。林媽媽稱,阿根廷難以尋找民族服,經親友提點下,得知阿根廷足球猶如 國技,決定買波衫上陣,不過準備道具遇上大挑戰,「我哋想搵足球做道具,但一般足球好大個唔襯佢,好難搵一個三號size足球,到比賽前一刻先搵到。」

透過今次比賽,巧翹愛上了阿根廷足球和風土人情,林媽媽有考慮帶她到該國體驗,「不過呢個計劃長遠啲,始終地方遙遠,去咗近嘅地方先。」媽媽喜歡歐洲和日 本,巧翹卻最想去韓國,已決定利用今次勝出的獎金,一家四口去韓國大玩特玩,「因為我想滑雪同玩雪,掂吓啲雪!我未滑過嘅,但我唔驚跌倒,之前只係睇電視 睇過,就好想去喇。」

7_230K_family
巧翹以一身阿根廷女球迷打扮突圍而出,一口氣奪得兩個大獎。’
5_230K_family
巧翹特別喜歡Legoland酒店內的Lego城堡,可以盡情砌Lego。
4_230K_family
比賽後,一家四口去了新加坡及馬來西亞旅遊鬆一鬆。

 

8_230K_family
浠桐與家人賽後立即利用獎金訂了聖誕沖繩之旅,因為親子旅遊大多旺季出發,提早多月預訂就不怕大失預算了!

饒浠桐 學Holiday做女機師

5 至7歲組冠軍饒浠桐,每年去兩至三次旅行,年紀輕輕已遊歷豐富,名副其實是一名「小小旅行家」,饒媽媽看到《Sunday Kiss》雜誌廣告後,覺得女兒適合,二話不說便上網報名。「我哋冇諗過佢會得獎,當初純粹覺得個比賽適合佢,參加當去玩,因為佢好鍾意去旅行!」浠桐即 刻搶答:「次次去完我都想時光倒流再去過!」
性格細膽的她好少比賽經驗,參加前饒媽媽有徵詢其意願,「平時九成佢都唔參加,今次佢竟然願意!」浠桐與巧翹一樣,面試當日都緊張到不得了,但最驚是決賽上台表演一刻,因她抽中了表演泰國民族服飾,演講途中會玩驚喜變泰拳裝,她一直擔心表演出錯,最後當然無甩轆啦!

浠桐這個變身look在當地親自採購,饒媽媽覺得抽到泰國好幸運,因她們早已計劃到布吉旅遊,「工作坊後三日我哋就會飛去泰國玩,咁啱抽到實在太開心!」
比賽甫完結,一家人旋即決定利用獎金聖誕去沖繩玩,連下年暑假都想好,「會去法國、英國!」浠桐想去沖繩因為想與海豚游水,平日她會閱讀大量世界歷史、景 點介紹等書籍,未出發已熟讀當地風情。浠桐現就讀馬頭涌官立小學(紅磡灣) 小二,喜歡常識科,將來想做個飛機師,可以飛去更多地方旅遊,「我之前想做警察,睇咗《衝上雲霄》後就想做Holiday,做個女機師!」

12_230K_family
浠桐暑假去了布吉玩浮潛睇魚,「不過我副潛水鏡入咗好多水,要換番泳鏡。」
10_230K_family
浠桐當日的泰國裝扮好有心思,先以一襲泰國民族服表演,演講中途變身泰拳裝,非常驚喜!
9_230K_family
一家三口每逢聖誕節、復活節及暑假都會外遊。

 

13_230K_family
兩位小朋友因為今次比賽增加了旅遊知識,希望將來去長途國家行萬里路,We are ready!

出發前 多閱讀各地文化

兩位「小小旅行家」異口同聲高呼想下年再參賽,不過要把機會讓給其他小朋友呢!她們會繼續擔任「小小旅行家」,把旅遊經歷與他人分享。巧翹去過兩次台灣、兩次泰國,剛過去的暑假就去了新加坡及大馬,重點行程Legoland,「呢度係小朋友地方,全部都啱小朋友玩!仲有媽媽都好鍾意lego!酒店入面有好多好多lego,得閒就可以落去砌。」
巧翹已盤算之後的旅行目的地,希望可以走遠一點開眼界,「我好想去紐西蘭!因為我有個老師去過話好好玩,尤其係滑雪好開心,着咗好多件衫!」而浠桐就提醒小朋友,最好多閱讀各地文化、有助與家人商討想去的地方,去旅遊時亦不會走馬看花,真正體驗讀萬卷書不如行萬里路。

親子旅遊貼士
兩位「小小旅行家」異口同聲高呼想下年再參賽,不過要把機會讓給其他小朋友呢!她們會繼續擔任「小小旅行家」,把旅遊經歷與他人分享。巧翹去過兩次台灣、兩次泰國,剛過去的暑假就去了新加坡及大馬,重點行程Legoland,「呢度係小朋友地方,全部都啱小朋友玩!仲有媽媽都好鍾意lego!酒店入面有好多好多lego,得閒就可以落去砌。」
巧翹已盤算之後的旅行目的地,希望可以走遠一點開眼界,「我好想去紐西蘭!因為我有個老師去過話好好玩,尤其係滑雪好開心,着咗好多件衫!」而浠桐就提醒小朋友,最好多閱讀各地文化、有助與家人商討想去的地方,去旅遊時亦不會走馬看花,真正體驗讀萬卷書不如行萬里路。

花絮重溫

17_230K_family
最後六強
16A_230K_family
森巴女郎
15_230K_family
迷你Captain Cool
14_230K_family
美國隊長

 

●撰文: Ling
●攝影: Sing Ho、Simpson Chiu( 活動)、部分相片由受訪者提供
●設計: hong
●化妝: Mimi [email protected] MAKE UP
●髮型: Winnie [email protected] MAKE UP
●服裝: H&M、Palladium、My [email protected] Garden、Dr. Martens、Accessorize、Mother Outdoor Lifestyle Store

更多精選內容