Super Kisstar 第6集：Selfie比賽兩女爭相機鬧交

Sep 23 2015

上集參觀完挪亞方舟，9 位Super Kisstar 要接受個人和分組Selfie比賽，考驗佢哋自拍角度及合作性，個人自拍9位都表現唔錯，但分組比賽就發生咗啲事，其中一隊全女班的組別，可能個個都想自己揸機影靚啲，雖未至於大打出手，不過就有爭相機嘅情形出現，其中兩個之後仲鬧交添!

分組Selfie比賽之前，星級評判陳逸寧先教9 位Super Kisstar 點樣合作自拍，之後就分3組作賽。

呢組喺3組入面表現最好，之前參觀嘅時候，Kayden同Hanson有打交同鬧交，以為佢哋會面阻阻? 其實小朋友好快就唔記得，仲老友鬼鬼攬住影添!

呢組都算合拍，安安全全順利完成拍照，係角度爭少少啫。

唔通真係同性相距? 3個女仔爭相機、鬧交，仲話唔肯一齊影，好彩最終都叫影到相。

今集要淘汰一位Super Kisstar ，最終邊個留低，邊個又要走呢? 一齊睇片啦!

撰文：Heidi Lau

關鍵詞

熱門文章