機場

飛機delay無有怕!5大 機場 12大好玩設施

親子好去處

廣告

去旅行,難免會遇到飛機delay,不過以下呢5個 機場 絕對會令你愛上delay,因為實在太多嘢玩啦!好多你無諗過嘅設施都一應俱全,包括溫泉、泳池、4層樓高滑梯等!不過與其希望飛機delay,不如早啲嚟 機場 玩埋最後一分鐘啦!未plan聖誕節去邊度的話,不妨考慮吓呢幾個地方啦!

新加坡樟宜 機場

新加坡又近又kids friendly,應該好多家長都帶小朋友去過啦!不過你哋又知唔知新加坡樟宜 機場 已經連續三年蟬聯「全球最佳 機場排名TOP 20」冠軍寶座,入面到底有咩玩呢?新加坡樟宜 機場 內有5個主題花園,包括向日葵花園、蝴蝶園、夢幻花園、仙人掌花園和錦鯉池等。另外,還有24小時免費放映電影院、游泳池、按摩器和最啱小朋友玩的瀡滑梯!

SLIDE 4層樓高瀡滑梯

最岩小朋友玩嘅,一定係呢個位於機場三號客運大樓,高12米,相當於4層樓的滑梯SLIDE 啦!滑梯於2010年啟用,除了是新加坡最高的滑梯外,還是世界最高的室內滑梯,從滑梯入口以每秒6米的速度向下滑,非常刺激!想係三樓瀡落去,只要喺機場消費滿10元新加坡幣,就可以到服務台兌換滑梯劵,或付30元新加坡幣可瀡兩次,不過7歲或身高1.3米以下嘅小朋友就唔玩得啦!另外由二樓瀡落去的話,就唔洗錢o架!

地址:機場三號客運大樓4F
開放時間:12nn-10pm
費用:機場消費滿10元新加坡幣可玩一次/30元新加坡幣可玩兩次

7大植物主題公園

新加坡位於熱帶國家,因此特別為遊客打造了一座植物天堂!機場內有7大植物園,分別是竹園、仙人掌花園、鳳尾花花園、錦鯉池、蘭花園、蕨園和向日葵花園。

蝴蝶園位於機場三號客運大樓,樓高2層,園內除了種植棕櫚樹、熱帶花花草草外,還有一個2層高的瀑布!樟宜機場是全球首座以節能為設計概念的「綠色機場」,透過機場上方九百多片的反光板讓陽光從縫隙照進室內,並自動調節光亮,以環保裝置使能源再生,令蝴蝶園內的植物可以同時進行光合作用。園內有超過1000 隻蝴蝶自由地飛翔,愛蝶之人就不要錯過啦!另外,T1還有一個 40種仙人掌品種的仙人掌公園,一個蘭花公園和一個向日葵公園。

地址:機場三號客運大樓2F
開放時間:24小時
費用:免費

下頁有:露天游泳池

最新電影院

T2和T3都設有電影院,播放的電影大多數都是最新上映的,還可以24小時免費觀看呢!院內約有50個坐位,但觀眾不多,戲院外面還有電視顯示整天播放的電影。

地址:機場三號客運大樓1樓 及 二號客運大樓地下
開放時間:24小時
費用:免費

露天游泳池 

正呢?新加坡一年四季都咁熱,去游水就最正啦!位於T1 3樓的露天游泳池及按摩池,可以邊游泳邊看飛機降落,住轉機旅館的賓客可以免費使用,其他遊客就要付11美元啦!

地址:機場一號客運大樓3F
開放時間:24小時
入場費:11美金

下頁有:多啦A夢空中樂園

北海道新千歲機場

新千歲機場是日本國內面積最大的機場,結合購物、戲院、溫泉等娛樂設施,總之吃、喝、玩、樂都應有盡有,旅客候機不無聊之餘,仲有好多小朋友遊樂設施,包保大人細路都玩到唔捨得走!

多啦A夢空中樂園

「叮噹啊!誰都喜歡你,小貓也自豪!」呢隻機械貓橫跨三個年代,大人細路都鍾意,點你又點可以錯過呢個空中樂園呢?「多啦A夢空中樂園」分為七個園區,包括:公園區、兒童區、娛樂區、圖書館區、手作區、咖啡區、商店區。公園區內有很多《多啦A夢》的佈景,如大雄的房間及他們到的公園等,好似入咗卡通片,同佢哋生活一樣啊!

地址:國內線航廈連絡通道3F微笑之路
營業時間:10am-6pm(最後進場5:30pm)
入場費:成人800日元,小孩300日元,3歲以下免費

 

Hello Kitty Japan

除了有多啦A夢之外,新千歲機場內都有大人細路都鍾意的Hello Kitty!店內售賣各式各樣的機場限定商品,大部分都係限量版,得呢度先有得賣o架!

地址:機場航廈連絡設施3樓Smile Road
開放時間:10am-10pm

下頁有 : 「Steiff」主題館

Steiff Nature World

「Steiff Nature World」是創造全球第一個泰迪熊布偶的名牌公司「Steiff」的主題館,更是德國以外首個「Steiff」主題館。館內有超過130年歷史製作的各種限定版泰迪熊,仲有約2米高識郁的大型立體布偶模型。除此之外,館內仲收集了野生動物、寵物甚至瀕臨絕種的動物約2000個布偶。帶小朋友嚟呢度可以上動物課添!

全館並設 6 個園區,希望小朋友透過不同的展品認識「Steiff」的泰迪熊布偶,包括介紹創業者 Margarete Steiff 的故事和泰迪熊的誕生的「瑪格麗特之屋」、布偶們跳舞的「祭典廣場」、參觀跟實物一樣大的布偶大象的「探索森林」、可以欣賞限量版泰迪熊的「博物館」及能接觸各種動物布偶的「歡樂屋」。最後還可以到「史黛芙商店」選購新千歲機場限定的獨創布偶或商品等!

地址:機場航廈連絡設施3樓Smile Road
開放時間:10am-6pm(最後入場時間5:30)
入場費:成人:600日圓,3歲以下免費

部分相片來源:Nicole的生活日記

空港溫泉--萬葉之湯

新千歲機場溫泉的泉質是含有鹽分的鈉鹽化合物溫泉。入浴後,留在體表的鹽分能避免汗水蒸發、因此具有良好的保溫效果,並兼具保濕性,因此又被稱為「發熱湯」。泡溫泉可促進血液循環,對刀傷、燒燙傷、慢性皮膚病等,以及兒童體弱、慢性婦女病等都相當有效。pH值為8,屬於弱鹼性。這就是這裡被稱為美人湯的緣故。

地址:機場國內線航廈4F
開放時間:10am-翌日9am
入場費:成人:1,500日圓/小童:800日圓/3歲以下:600日圓

部分相片來源:美黛子旅遊日誌

下頁有:機場浸溫泉

名古屋中部機場

唔去北海道,原來去名古屋都可以係機場浸溫泉o架!呢個溫泉同北海道有咩唔同呢?就係可以一邊泡湯,一邊看飛機升降!泡湯不分男女都是1000日元 ,不過如果你身上有紋身的話,就不能進入啦! 湯屋非常乾淨,有四個池,泡湯的人不多,可以放下地泡個湯再上機!

地點:日本中部國際機場4F
營業時間:8am-11pm
入場費:1000日元

下頁有:韓國文化博物館

韓國仁川國際機場

韓國文化博物館

韓國首異也是一個港人常去的勝地,嚟得呢到除咗可以盡情shopping之外,仲有機會可以體驗韓國文化!韓國則在仁川機場設置「韓國文化博物館」,展出美術、生活、歷史等相關展品外,還有傳統韓國音樂、舞蹈演出。另外,館內還會定時還有手工藝教學,例如繩結、韓紙製作珠寶盒、扇子彩繪等等,最有趣是可以體驗傳統韓國服飾呢!

地點:仁川機場地鐵的交通中心
營業時間:7am-10pm
入場費:免費

下頁有:機場滑冰場

機場滑冰場

鍾意溜冰嘅你又點可以錯過呢個滑冰場?仁川機場滑冰場去年才開幕,設施非常新,而且全年無休,最重要是不收入場費!不過就要付租滑冰鞋的費用啦!3歲以下小孩2000圜、成人4000圜,而滑冰場一次最多可容納超過150人!

地點:仁川機場地鐵的交通中心1層的大廳
營業時間:8am-11pm
入場費:免費(租滑冰鞋:3歲以下2000圜、成人4000圜)

撰文:Fiona Fong
圖片:部分取自相關機構FB及網站

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。