短線遊

2日1夜親子之旅!短線遊 4大蒲點

親子好去處

廣告

呢2個月都無咩長假期,又無假去長旅行?其實星期六、日去返轉廣東 短線遊 都係一個唔錯嘅主意嚟o架!上年,珠海長隆海洋王國開幕,好多家長去完都大讚好玩,2日1夜又近好抵玩!除咗珠海長隆海洋王國之外,廣東仲有幾個景點都啱晒一家人一齊玩o架,立即睇吓邊到好玩啦!

#1 珠海長隆海洋王國

與香港一河之隔的珠海竟然可以同時睇到北極熊同企鵝?仲有唔同嘅動物表演、水上樂園同遊樂設施啊! 去年3月才開幕的珠海長隆海洋王國早就受到家長的注目!海洋王國有8個主題區,包括海洋大街、海豚灣、雨林飛翔、海洋奇觀、極地探險、繽紛世界、海象山及橫琴海,每個區都有不同遊樂設施及主題動物展館!另外仲有3大劇場表演,包括海獅劇場、白鯨劇場及海豚劇場,立即帶你參觀其中3大好玩園區先!

海豚灣

喜歡海豚的你,又怎會錯過「海豚灣」呢?在這個海豚大本營裡有不同的海豚品種輪住同大家見面,包括瓶鼻海豚、斑點海豚等。園區內有一個三層高的水族館,大家可以順著樓梯往下走到玻璃前海豚游水的美態!另外,此區最值得一看的,一定是「海豚劇場」!劇場區內可容納近6,000位觀眾,每次表演均由有多條海豚同台演出,配合訓練員上演一場精彩的音樂劇,是「海洋王國」必看的表演之一啦!

海豚灣園區內共有三個遊樂設施,包括旋轉水戰,海豚轉轉車及5D 城堡影院,其中5D 城堡影院是海洋王國於今年6月份新開幕的電影院,院內可容納過千人,座位的設計是4至5個位一節,觀眾可以「隨便坐」!電影大約20分鐘,話明5D,當場配上噴水、震動椅子等效果,小朋友一定玩得過癮啦!

下頁有:高8米、長39米的水族館

海洋奇觀

想欣賞鯊魚,一定要嚟到呢個「鯨鯊館」啦!館內有一個高8.3米、長39.6米的玻璃觀賞屏,比起沖繩的美麗海水族館還要大,除了可以看到世界上至大的魚類之一--鯨鯊之外,還有直徑達4米長的魔鬼魚,加上成千上萬的珍稀魚類在身邊遊過,成個人都放鬆晒啦!

園區內仲有一個小小遊樂設施--「海底互動船」!海底互動船透過故事性情節,加入一些視覺效果及真實的海洋動物,有點類似迪士尼樂園的小熊維尼歷險之旅,家長可能會覺得悶,但小朋友一定想一玩再玩!不過都有限制o架,身高低於90cm的小朋友就唔可以玩啦,而身高90cm-132cm的兒童須由成人陪同先可以玩!

下頁有:企鵝、北極熊

極地探險

全個樂園最好玩嘅,相信係呢個「極地探險」園區啦!因為呢度除咗有全球展示數量最多之一的企鵝展區之外,仲有北極熊!特別介紹企鵝館內的企鵝比台北動物園、海洋公園,甚至是墾丁的海生館還要多!而且有些大企鵝差唔多同一個人咁高,認真少見!不過要注意的是,同海洋公園一樣,企鵝館的溫度極低,家長便記得帶多件衫俾小朋友啊!

睇完企鵝仔就到北極熊啦!不過未入到北極熊館,出面先有一隻棕熊迎接大家!北極熊館內有4隻北極熊,非常活躍,不停游來游去,想要捕捉們的可愛一面,都唔係咁易o架!另外,館內仲有雪狐準備同大家見面!

 

不過計我話,最值得睇嘅,應該係呢個 「白鯨劇場」啦!表演約20分鐘,由多條白鯨及餵飼員演出,最震撼的莫過於同一時間有7至8條白鯨跳起來,這個真的不能錯過啊!

下頁有: 住宿篇

長隆橫琴灣酒店

話明短線遊,又點少得住宿呢?有三間酒店,分別是長隆橫琴灣酒店、長隆企鵝酒店及長隆馬戲酒店,每間酒店都有具特色的主題套房,所有入住的房客會包自助早餐、海洋王國門票(兩天票)及水上樂園門票,而且房間又新又咁靚,都住得過喎!

酒店資料:

長隆橫琴灣酒店 3人套票 $2985起
長隆企鵝酒店  3人套票 $2085起
長隆馬戲酒店 3人套票 $1977起

*套票費用已包括一晚酒店住宿,來回珠海船票及接送巴士(不同主題套房價格各異)

珠海長隆海洋王國資料:

地址:廣東省珠海市橫琴長隆國際海洋度假區
門票:成人(一天票)RMB350、兒童及長者(一天票)RMB245;成人(兩天票)RMB525、兒童RMB365(兩天票)
開放時間:10am-8pm
網址:http://zh.chimelong.com/Oceankingdom/

部分相片來源:brfamily日誌

#2 觀瀾湖高爾夫球會渡假區

一講「觀瀾湖高爾夫球會」,香港人一定唔會陌生。呢度係健力士世界紀錄全球第一大球會,亦曾獲「年度最佳高爾夫度假酒店」、國家5A級旅游景區、全國低碳旅游示範區等多項殊榮!觀瀾湖高爾夫球會有三個地點,分別是海南島的海口、深圳及東莞,一家大細去的話,建議大家選擇入住東莞酒店,交通會比較方便,而且兒童設施比較多!只要先坐皇崗巴士過關,之後等候免費的專車,車程約30-45分鐘就直接到達酒店。

東莞酒店中有4間兒童主題房,包括了森林主題兒童房、海洋主題兒童房、糖果主題兒童房以及太空主題兒童房供選擇。

下頁有:有咩玩呢?

專為小朋友而設的高爾夫球場

叫得「觀瀾湖高爾夫球會」,梗係要有返啲高爾夫球設施啦!唔好以為係得大人可以玩,小朋友一樣都玩得!因為呢度有一個專為小朋友而設的高爾夫球場有齊18個洞的設計,循序漸進的由淺入深。

Playroom

下頁有: 芭比、湯瑪士小火車粉絲樂園

夢幻嘉年華

度假區內有個一玩具城,除了有芭比展示及換裝專區、托馬斯體驗專區等玩樂專區外,最令人興奮就係「特麗愛3D美術館」!唔洗去韓國都有得玩3D影相!正!

另外, 酒店亦提供不同的工作坊,包括輕黏土創意工作坊、藝術剪紙工作坊、創意環保手工藝工作坊及折紙工作坊,親子一齊參加都得o架!

下頁有:坐半小時車去深圳觀瀾湖酒店,更多好玩設施

東莞和深圳兩間觀瀾湖酒店的設施憑住客證便可使用,兩間酒店之間有穿梭巴士連接,車程約半小時。雖然要坐車,不過嚟到係會覺得好值得o架!生態體育公園花了兩年時間興建而成,地方超大!公園內更設有豐富的娛樂設施,包括大型兒童城堡、旋轉木馬,水上樂園,叢林探險及射箭等,一家大細都啱玩!

 

觀瀾湖高爾夫球會渡假區

入住費用:

東莞觀瀾湖度假酒店 RMB788起 (兒童主題房RMB1,980起)
海口觀瀾湖度假酒店 RMB799起
堔圳觀瀾湖度假酒店 RMB868起

*以上費用已包括一晚住宿 及 酒店內的設施玩樂

生態體育公園

地址:中國深圳市龍華新區觀瀾高爾夫大道1號
開放時間:11am-6pm(平日);9am-6pm(週末及公眾假期)

網址:http://www.missionhillschina.com/zh-HK

部分圖片來源:龍鳳媽媽日誌

#3 御温泉

位於珠海的御温泉設有兩間酒店,分別是御灜莊及雲來客棧,雲來客棧比較新淨,2間酒店都非常日式,睡榻榻米,對小朋友來說也是一種新體驗呢!露天溫泉區內30多種溫泉池,另外亦有蒸汽浴、桑拿浴、遊泳池、香薰屋、休息廳等免費使用,浸完溫泉仲可以去休息大廳享用免費水果、麵包、咖啡、奶茶、多士等食品o架!

御温泉

入住費用

御灜莊:HK$820起
雲來客棧:HK$790起
費用包括:香港直航來回斗門港船票、接送巴士、無限次露天溫泉浸浴及酒店自助早餐
地址:珠海禦溫泉渡假村
香港辦事處地址: 香港幹諾道西186-191號香港商業中心1706室
電話:28584880
網址:http://www.00800.com.cn/reception_index.htm

#4 深圳東部華僑城

東部華僑城主要分為大峽谷生態樂園和茶溪谷度假樂園。景區內主要有茵特拉根小鎮、海菲德小鎮 、茶翁古鎮,森林小火車,升空載人氦氣球,茵特拉根迷宮,向日葵園等,另外亦有多項機動遊戲,雖然不適合1.2米以下的小朋友們遊玩,但很多大部分遊樂設施及花園都適合和小朋友一起玩,更有很多景區都是在謀殺「菲林」,媽媽們要準備足夠的記憶體幫小朋友影相啦!

東部華僑城

入住費用

東部華僑城瀑布酒店:HK$517起
費用包括:酒店自助早餐
地址:廣東省深圳市鹽田區大梅沙東部華僑城
開放時間:9:30am-6pm
入場費:茶溪谷門票為RMB180/人;大峽谷和茶溪谷聯合套票為RMB180/人
網址:http://www.octeast.com/index.html

 

親子內地旅遊溫馨提示:

1) 幼兒的回鄉證只有三年期,所以出發一定要檢查回鄉證過期日!

2) 除了有效期的回鄉證作入境之外,出香港境需要小孩的身份證,小童身份證上沒有相片,不可以作出境之用,因此需要帶備印有小童相片的特區護照。

 

撰文:Fiona Fong

相片:新傳媒資料室、部分取自相關機構網站/FB

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。