我要做演員 – 廖殷曼

我要做演員 – 廖殷曼

演員,同醫生律師一樣,都係一項專業,但係做演員,唔係話有才華,有一腔熱誠,就可以得到與付出相等嘅待遇。不過好多人就因為心中有團火,所以依然希望「用自己的生命去創造角色,透過角色的經歷去改變自己。」正如呢個即將喺浸大表演系畢業嘅女生都一樣,佢想做演員,唔止想人哋記得佢點樣令角色生色,亦都想人記得,佢叫做廖殷曼。

2962

讀表演係殷曼嘅首選,呢幾年佢學到嘅唔止係演戲嘅方法,演戲同時亦對佢產生咗好大嘅衝擊,令佢更加熱愛生命,變得更好,更善良,亦開始識得為他人設想。

2876

香港電影雖然正處於低潮期,不過殷曼覺得擔心都辦法。唯有與時並進,不斷改變同增值自己。仲話其實呢兩年本土電影都有唔少好作品,例如狂舞派、五個小孩等等,睇香港電影長大嘅佢,都希望為呢個嚴峻嘅環境出一分綿力。

3013

殷曼外型討好,亦都好放得開,所以一直以嚟都有唔少演出機會,除咗一啲網上熱播嘅短片,亦都有大銀幕上嘅演出架,例如佢最近就參演咗 《大樂師 為愛配樂》、《賭城風雲3》同《寒戰2》,wow!幾乎都係大片嚟喎!

2935

喺眾多演員當中,殷曼最欣賞嘅就係影帝黃秋生,由人肉叉燒包做個變態佬,到無間道、頭文字D 等,愈演愈有深度,成就咗唔少經典角色。

15-10-14-01-25-11-501_deco

除咗做戲,殷曼都好鍾意打網球同去旅行,特別鍾意去日本,之前佢都有學過日文,10月底佢會去跑大阪馬拉松,出年2月,仲會再跑埋東京馬拉松!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: Clay Lam

拍攝: Anthony Leong

剪接: Candy

美術: C.Ming

Hair:[email protected] Makeup

Makeup: King @KINGS Makeup

提供場地: shore

鳴謝:

[Corporate]- Beacon tutorial-Logo_2015

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容