《載得有情人》望仔 童星鄭耀軒 最冧Celine

《載得有情人》望仔 童星鄭耀軒 最冧Celine

收視理想的TVB劇集《載得有情人》中,黎耀祥有個六歲肥肥哋的兒子祁望,一個冬菇頭令人印象深刻。他真名叫鄭耀軒,乳名耀B, 今年六歲, 剛剛升讀小一。其招牌冬菇頭可愛樣, 是《Sunday Kiss 》常用小model,亦為他帶來多個劇集及廣告演出機會,包括Kinder朱古力、刀嘜、桂格燕麥飯等等,行超級市場常見到他的嘜頭印在產品上,與人氣童星Celine(楊鎧凝)平起平坐,稱得上男版Celine。可能與Celine見面多,耀B媽媽Irene爆料指,囝囝對Celine極有好感,「佢好聽Celine話,一見到佢就會乖。」不過男有心,女無意,Celine早已心有所屬,只視耀B為好友。

耀B生得可愛靚仔,又有表演慾,將來大有條件入行,媽媽稱只要他喜歡, 絕對無問題。
耀B生得可愛靚仔,又有表演慾,將來大有條件入行,媽媽稱只要他喜歡, 絕對無問題。

Celine 多人追
耀B與哥哥浚隆同時間入行,耀B幾個月大拍攝了一輯造型照, 放上網後獲模特兒公司賞識,邀請他拍攝奶粉廣告,到兩歲多拍另一廣告時,認識了一位擔任臨時演員的媽媽,邀請了耀B兩兄弟拍戲,哥哥當時年約七歲,Irene說:「哥哥多數客串,但有幾位監製賞識耀B,俾佢參與幾套劇嘅大結局,我最記得第一套係《當旺爸爸》,之後做《雷霆掃毒》,做林峯個義子,今年仲有《愛我請留言》,大結局做Celine小男友。」

Celine爆紅劇《愛我請留言》中,耀B有幸在大結局做Celine小男友。
Celine爆紅劇《愛我請留言》中,耀B有幸在大結局做Celine小男友。

現實中,耀B都想做Celine小男友,Irene大讚Celine人見人愛,好多男仔追,包括他的兒子,「佢哋好好朋友,鍾意一齊玩,佢好鍾意Celine,佢都承認㗎!唔肯定係咪puppy love,但係非常有好感。」耀B好曳,四圍走坐不定,拍攝當日也玩到癲,在場地跑跑跳跳,一坐低拍攝就沒耐性;相反Celine好乖巧,兩人一起工作時好大對比,Irene此時出絕招,「你睇吓Celine幾乖,你幾曳?你再唔合作Celine唔同你拍㗎喇!佢就即刻嗌『唔好呀!唔好呀!』佢會跟住Celine做好件事,希望同佢一樣做得咁好。」

{"IPTC-DATA":"NMG","data":{"photoID":2168242}}

與黎耀祥玩咀嘴
在劇集中,耀B飾演的望仔有食物敏感症,不能吃牛奶、朱古力,現實中剛剛相反,他見到朱古力就雙眼發光,「我最鍾意食朱古力、薯片,我咩都鍾意食,唔覺得自己愈來愈肥。」拍劇要忍口、背稿,難免有情緒,貴為三屆視帝的祥仔,都大嘆與耀B拍戲難度高,比其他童星曳曳,要經常遷就,夜晚拍到累會扭計,要媽媽幫手哄他,耀B更試過衰為食冧廠,Irene不好意思說:「佢有晚入廠飲咗兩杯果汁,一路拍一路飲,搞到肚痛冧廠,大約夜晚九點幾放佢走,好彩第二日冇事,繼續開工。」耀B回想拍劇時有很多開心回憶,最記得祥仔與他玩咀嘴,「佢會縮開嘅,嘻嘻。仲有蘇玉華姐姐同我玩捉衣因,因為可以同小King一齊玩,係一隻白色嘅狗,佢好可愛、好得意。」

下頁:耀B哥哥也是童星出身

童星哥哥讚喊戲勁
Irene感謝祥仔和眾演員對兒子的忍耐,「祥仔見佢攰、冇mood,會陪佢玩同傾偈,等佢精神番。好彩祥仔、其他演員同監
製都讚佢做得好,冇因為佢拖慢個進度。呢套劇對佢嚟講好有挑戰性,所有演員都好資深,好似佢阿爸(祥仔)、蘇玉華、KK(張國強)等等,初初知道要同呢班演員做對手戲,我都好擔心,驚佢做得唔好拖累大家。」Irene讚囝囝記對白能力不錯,「佢背稿能力OK嘅,我會教佢記熟自己對白先,我再做阿爸角色同佢對,我盡量加啲表情同語氣入對白度,基本上入到廠佢可以完整講番對白出來。」耀B的哥哥浚隆同樣做童星拍劇出身,他謂哥哥無幫手背稿,Irene即反擊:「無?你哥哥不知幾鍾意同你對稿呀!我同你背緊,哥哥會爭住對。」浚隆讚弟弟的演出不俗,尤其是喊戲,「佢喊得好逼真,好投入個角色,有一幕講佢要同阿爸分開,佢可以喊到好真實,好似融入咗望仔咁。」

哥哥笑指兩兄弟經常爭玩具,但玩Lego一定不會退讓,因為細佬一玩就全盤散沙。
哥哥笑指兩兄弟經常爭玩具,但玩Lego一定不會退讓,因為細佬一玩就全盤散沙。

升小一讀油塘基法
九月剛剛開學,兩兄弟就讀媽媽的母校中華基督教會基法小學(油塘),浚隆升小六,耀B同以世襲生身份升讀小一。基法小學於2005年,由觀塘舊址搬遷至油塘,校舍更大,設備更完善,所以Irene也不加思索,沒考慮其他學校,直接報回她的母校,「學校好重視發展學生長處,老師知道浚隆數理同科學較好,一有關於科學嘅course,或者數學比賽,就會推薦佢參加。」至於耀B可能拍戲和拍廣告多,多與不同人士相處,令他性格大膽、不怕醜,兼培養出表演慾,喜歡唱歌跳舞,Irene說:「佢音樂科最好!最近教佢打鋼片琴,佢第一次接觸,三個鐘就學識打生日歌。」屬資優生的浚隆今年要專心讀書,準備升中事宜,將會淡出童星界,他表示有意報讀男拔、九龍華仁等傳統名校,「我想挑戰自己,都有信心嘅。」至於耀B有時間仍會繼續接job,「我哋一直當係遊戲性質,唔係睇重結果。」Irene透露多年來耀B賺了六位數字,儲備作為教育基金,「我開

咗個銀行戶口俾佢,一直冇郁過,等佢大個讀書用,呢筆錢都係俾佢將來用,始終係佢努力經營番嚟嘅。」她笑言囝囝知道工作有錢收,但從無過問,「呢一刻佢只係着重食同玩,有零食、有機打就得,哈哈。」

耀B剛剛升小一,與哥哥鄭浚隆同校一齊上學去!
耀B剛剛升小一,與哥哥鄭浚隆同校一齊上學去!

撰文:Ling
攝影:黃大立(部分相片由受訪者提供)
服裝:ELLE Kids、Benetton Kids
場地:Play House E Cube [email protected](tel: 2151 1306)

更多精選內容