秋日 Car Camping 場地推介

秋日 Car Camping 場地推介

秋風起了!趁住秋爽出走, 感受原野風光明媚,露營絕對是必選活動! 近年露營新意多籮籮, Car Camping愈來愈多人玩。 今次帶大家遊走兩個本地車Camp場, 於今秋加入不少新元素及設施, 令大家可以享受更完善的露營體驗, 立即執行李開車出發!

236K_lifetopic02

上水大草地 車邊紮營

馬草壟今年有唔少新玩意,場內草地逾四萬呎,約有一個標準足球場咁大,周末先開放俾公眾book場,一次過唔會放太多人,為免似難民營般打擾雅致!大片草地好啱踩單車、放風箏,今年更新增幾項活動如迷宮、氣槍射擊及高空繩網陣等,都係消磨時間好選擇!大家可自行駕車前來,亦可以嚟到先租營、營燈及軟毯。留意!場內並冇浴室露營爐具可租 用,最多只有打邊爐的電爐及燒烤爐租用,如自駕前來建議帶多點水糧!而冇車嘅朋友又想入去玩亦冇問題,唔想拎太多物品,門口有士多可作最後補給!加完新設施之後,今年內嘅booking已經爆場!大家如果想入嚟露營,睇怕快最快都要去到明年一月份,最新的營期將於十一月尾公布。

四萬多呎嘅超級大草地,絕對有足夠空間俾大家喪跑喪跳,踩單車及放風箏亦冇問題。
四萬多呎嘅超級大草地,絕對有足夠空間俾大家喪跑喪跳,踩單車及放風箏亦冇問題。
兩手空空嚟都冇緊要,因為場內都有基本裝備出租,包括營燈、軟毯及營。
兩手空空嚟都冇緊要,因為場內都有基本裝備出租,包括營燈、軟毯及營。
場內有一個面積為六十平方米嘅戶外迷官,圍板有成兩米高,都幾難搵到出口。
場內有一個面積為六十平方米嘅戶外迷官,圍板有成兩米高,都幾難搵到出口。
氣槍射擊訓練區雖然喺野外玩,可惜只有射靶遊戲,不可以打war game。
氣槍射擊訓練區雖然喺野外玩,可惜只有射靶遊戲,不可以打war game。
兩高低結構繩網陣,喺成四至五米高嘅繩陣上遊走,刺激好玩!
兩高低結構繩網陣,喺成四至五米高嘅繩陣上遊走,刺激好玩!

236K_lifetopic08

東華三院馬草壟營地
地址:上水馬草壟路33號東華三院馬草壟營地
收費:營費$90、泊車費$120
查詢:3996 1115
網址:youthcamp.tungwahcsd.org
備註:2016年1月及2月營期及收費,將於11月尾上載於Facebook及營地網頁,敬請留意。

場內最新出車頂營,可選擇淨租車頂營或連車同租,自駕出街亦無問題!
場內最新出車頂營,可選擇淨租車頂營或連車同租,自駕出街亦無問題!

車Camp宿營場 配套夠齊

想一家大細出動又怕麻煩?可以去天水圍名樂漁莊,因為場內配套齊全,而且又近天水圍市中心易補給,車程只係十分鐘,唔使孭大背囊行山都可以極速一親大自然香澤!場內近期新增了車頂營,體驗歐美式嘅自駕露營,如果自己有七人SUV或者大架越野車,不妨直接駕車入場租營!如有車牌但冇車嘅可連車租,係場內或出去其他地方都得!

車尾有流動煮食箱,有爐頭及洗手盆,去到邊煮到邊都得!
車尾有流動煮食箱,有爐頭及洗手盆,去到邊煮到邊都得!
黑色盒營長約兩米,闊一米三左右,可瞓兩個人,設有防蚊網,謝絕蟲蟲。
黑色盒營長約兩米,闊一米三左右,可瞓兩個人,設有防蚊網,謝絕蟲蟲。

236K_lifetopic12

車邊位仲可以拉埋天幕出嚟,遇上天有不測風雲,都唔怕日曬雨淋。
車邊位仲可以拉埋天幕出嚟,遇上天有不測風雲,都唔怕日曬雨淋。
場內仲有另一款車頂營,營長兩米四闊米九,更寬敞舒適,而且車尾位置更可用帳幕劃分出私人空間!
場內仲有另一款車頂營,營長兩米四闊米九,更寬敞舒適,而且車尾位置更可用帳幕劃分出私人空間!

如果冇車牌,或瞓唔慣硬床嘅朋友,亦大可以放心前來享受園林中高床軟枕嘅「宿營樂」,場內亦有新增特色嘅北歐小木屋及英國Atlas車屋。前者小木屋似足蛋卷,整間屋散發着陣陣自然木味,洋溢着北歐風情,如冬天前來必定更有氣氛;後者整間由英國原裝引進來港,猶如置身當地的家庭作客,小小屋內五臟俱全,連暖爐都有埋,更可多人同時入住!如果鍾意玩彈床嘅,新加入嘅蘑菇型充氣屋就係最佳選擇。而想睇星空嘅,揀波子屋就就啱,半透明的天窗可抬頭望天,數住星星瞓!

由英國進口嘅Altas車屋,雖然喺外國可以拖到邊住到邊,不過香港就出唔到牌上街了。
由英國進口嘅Altas車屋,雖然喺外國可以拖到邊住到邊,不過香港就出唔到牌上街了。
內為豪裝英式家居裝潢,廳房及廚房都有齊,連炭火暖爐都有,可住六至十人!
內為豪裝英式家居裝潢,廳房及廚房都有齊,連炭火暖爐都有,可住六至十人!

236K_lifetopic17

236K_lifetopic18

最新加設嘅半圓形小木屋,內外都流露北歐風情!
最新加設嘅半圓形小木屋,內外都流露北歐風情!
屋內設有工作間及更衣室,如果有埋沖涼房就更完美!
屋內設有工作間及更衣室,如果有埋沖涼房就更完美!

236K_lifetopic21

另一最新登場嘅,就係充氣蘑菇屋,猶如置身充氣城堡內,小朋友最愛。
另一最新登場嘅,就係充氣蘑菇屋,猶如置身充氣城堡內,小朋友最愛。
場內亦有波子營,全透明設計方便夜晚觀星,如果唔想俾人觀賞,可選最新推出的半透明款。
場內亦有波子營,全透明設計方便夜晚觀星,如果唔想俾人觀賞,可選最新推出的半透明款。

236K_lifetopic24
名樂漁莊
地址:元朗天水圍天慈路馮家圍30號
收費:車頂營$1,000起、英式車屋$2,000起、蘑菇屋、北歐木屋及波子營$1,300起
查詢:2891 8263
網址:www.minglefarm.com
備註:星期六日及公眾假期10am-10pm對外開放,平日供團體租用。

想睇得detail啲,一齊睇片啦!

撰文:林斌
相片:Clay Lam
Model:Paris、[email protected] Models Inez&[email protected]

更多精選內容