搞個Party要幾錢?搵贊助慳好多?

搞個Party要幾錢?搵贊助慳好多?

上星期一單港媽搵生日會攝影贊助的新聞鬧得熱哄哄,其實搞一個生日party,到底要幾錢呢?為咗節省成本,部分「搞手」媽媽會聯絡贊助商,由家長「讚好」或「分享」商戶的fb專頁,然後便送出禮品,例如紙尿片、教材等,咁樣周圍搵贊助,係咪真係慳好多呢?等我哋計一計搞一個30人,2小時party要幾錢先!

場地 $2000

hk02

場地基本上是成個Party中最貴的成本,有些場地會包埋食物同飲品,另有啲包埋佈置同娛賓節目,不過一分錢一分貨,價錢自然貴啲啦!而且啲嘢又未必人人啱食啱玩,如果淨係租一個可以容納30人的吉場(通常都會包組合玩具,如波波池同滑梯等)就大約$2000兩小時!

場地佈置 $1500

DSC_0180_副本

如果租咗個沒有佈置的場地,不少媽媽會都會幫襯派對公司的「氣球場地佈置」服務,主題設計可自訂,費用約1,500元起,但如果想要有卡通人物主題的話,就會貴啲啦!

攝影師 $4000

08

媽媽會搵攝影贊助的報道中,攝影師表示:45個家庭,每個家庭俾100蚊,都已夠請攝影師。換言之,一個2小時,30人的party,攝影師費用大約$4000左右,要注意的是,有的只提供基本調光暗服務及製作DVD,有的則會包括執相和曬相,當然價錢會較貴。

下頁有:

蛋糕 $200

kv011-620x400

除咗小朋友是主角之外,蛋糕都是主角之一!普普通通一個餅店2磅的蛋糕都是$200左右,而且已經有卡通人物造型,不過想要獨一無二的話,就只好訂造了!當然費用也會比較貴!

食物 $3000

cats

唔想麻煩的話,好多家長都會選擇到會服務,不過要訂30人份量的食物,條數都幾襟計!但如果想平的話,其實自己整一定慳唔少,又要在時間和金錢上作選擇啦!

娛賓節目(如:魔術師/小丑)$1000

1404131038-1049421023_n

想個party唔洗咁悶?唔少家長都會邀請魔術師或小丑到場表演,將party氣氛推至高峰!魔術師時薪每小時900元至2,000元不等,當然越貴的魔術師,表演越精采!而小丑除了會搞氣氛之外,還會扭氣球送給各位小朋友,時薪大約每小時$1000左右。

回禮禮物 $500

456

很多家長都會特意準備回禮禮物,感謝出席的親朋好友們,回禮禮物多是小禮物為主,如手工餅乾,護唇膏,小肥皂等!每份$10-$15不等,大約費用是$500左右!

派對費用:

場地 $2000
場地佈置 $1500
攝影師 $4000
蛋糕 $200
食物 $3000
娛賓節目(如:魔術師/小丑)$1000
回禮禮物 $500

合共:$12200

其實計計下,開支都真係幾大,至於要唔要搵贊助,就視乎你的預算啦!

 

撰文:Fiona Fong

圖片:互聯網、摘至相關網站FB

 

 

更多精選內容