運動狂迷 – Kofi Lai

運動狂迷 – Kofi Lai

女仔鍾意運動唔出奇,不過愛到變專業嘅,其實又真係唔多!出身體藝中學嘅Kofi(賴麗明),幾乎樣樣運動都識玩,當中最愛嘅就係籃球,NBA「大帝」勒邦占士嘅球史,更加係隨口都講得出,而家喺浸大讀緊綜合傳播嘅Year 3嘅Kofi,夢想就係成為一個體育節目主持人。

4029

小一開始,Kofi就參加好多課多活動, 乒乓波、 籃球 、排球、網球 、田徑 ,仲有戲劇, 可能因為佢好怕悶,所以每日都一定要搵啲嘢做,如果Hea喺屋企,就算約唔到人,都會落街場射吓籃!

3839

Kofi 話,喺體藝讀書嗰陣,每個同學都有自己嘅專長, 所以唔會只係留意自己嘅項目, 朋友比賽都會去睇, 可能因為睇得多比賽,所以對好多運動都有認識, 相信如果唔係入咗體藝, 中學生活都唔會咁開心! 加上大家志同道合,性格都好夾,所以畢咗業,大家都會約出嚟打吓波、行吓山、游吓水!

3717

運動員通常都好勝,Kofi都唔例外,佢話體藝嘅女仔講嘢通常都好man, 好率性架! 所以Kofi講嘢一樣唔會陰聲細氣, 斯斯文文! 而且仲好直接, 有咩不滿,受到不公平對待,佢一定會出聲!

3988

正如男朋友係Kobe fans, 唔鐘意Lebron就梗架喇! 不過Kofi唔會介意,佢覺得只要唔涉及人生攻擊就ok! 而且就算男朋友講咩都好, 都唔會改變到我嘅諗法,Lebron依然係佢心目中嘅「大帝」!

3924

而家Kofi喺電視台嘅做緊體育節目主持,間中都會接一啲model嘅工作,佢話而家雖然仲讀緊書,但係有咩工作機會佢都會去嘗試,希望試多啲唔同嘅嘢, 可以搵到自己最啱,同最鍾意做嘅嘢!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

成功自薦或推薦者,可獲得3張面值$100嘅課程現金券。
成功自薦或推薦者,可獲得3張面值$100嘅課程現金券。

「學界男女神」,等緊你嚟挑戰!

撰文: Joanne

攝影: Paul Choi

拍攝: Anthony Leong

剪接: Candy

美術: C.Ming

Hair+Makeup: EM Makeup

 

鳴謝:

[Corporate]- Beacon tutorial-Logo_2015

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容