5大抵食 大閘蟹 餐

5大抵食 大閘蟹 餐

秋意漸濃,現在正是 大閘蟹 最肥美的時候!
亦是 大閘蟹 貨源最多、最抵食之時。懶得買回家蒸,不如出外擦 大閘蟹 餐,乾手淨腳。

為你搜羅五大抵食蟹餐,睇下邊款合胃口?

$398任食太湖蟹 歎足5小時

123
餐廳幾乎晚晚滿座,每晚預備的 大閘蟹 數百隻。

自從去年有酒店中菜廳推出任食 大閘蟹 之後,今年引來一些餐廳仿效,沙田帝玉庭都加入任食行列,早於9月下旬推出$398起任食 大閘蟹 套餐,即大受歡迎,現已延長兩星期至11月30日,尚餘不多的座位,訂位要快!

蟹粉燕液羹
蟹粉燕液羹:食蟹前的開胃湯羹,點點蟹粉更令人想擦蟹。

任食 大閘蟹 套餐可任點任食3款手法烹調的 大閘蟹 ,包括清蒸大閘蟹、麯酒浸 大閘蟹 和清香龍井 大閘蟹 。每隻大閘蟹均有4至5両重,全部都來自太湖,膏香肉甜。 套餐更包括蟹粉燕液羹及即泡薑茶各一,沒有其他菜式,可專心大擦特擦!此套餐並無時限,客人可食足5小時,慢慢歎,最高紀錄曾有人食了23隻!不過如以市價六七十元一隻計,食六七隻已經回本!

_____
清蒸 大閘蟹 :最原汁原味,每隻 大閘蟹 均有4至5両重。
_______
清香龍井 大閘蟹 :清香的龍井令蟹更甜,更有助去腥。

不過由於蒸蟹需時,點餐都要有技巧,第一輪不妨點2至3隻(每人計),食完一隻後隨即再點2隻,如此類推。咁就可以不停地歎到熱辣辣的蟹,毋須花時間等待。

______
麯酒浸 大閘蟹 :加入麯酒蒸成,食落有陣陣酒香味。
____
即泡薑茶後:食蟹必飲,有助驅寒暖胃。

任食 大閘蟹 套餐
蟹粉燕液羹
任食 大閘蟹 :包括清蒸 大閘蟹 、麯酒浸 大閘蟹 和清香龍井 大閘蟹 。
即泡薑茶
$398/位(星期一至五)、$428/位(星期六日及假期)

帝玉庭
地址:沙田白鶴汀街8號帝都酒店1樓及2樓
電話:2694 3939
供應日期及時間:即日至11月30日,6pm-11pm

下頁有:$348上海風味8道菜

 

$348歎8道菜 上海傳統風味

steamed whole lake Taihu hairy crab_R1
太湖大閘蟹:每隻約4.6両至5両重。

大閘蟹 源自江蘇,食蟹餐想貫徹上海風味,小南國有抵食的套餐!2款8道菜 大閘蟹 套餐,保留地道濃香滬式滋味,當中最抵食是套餐A,價格低至$348(須以匯豐卡付款),而一般優惠價是$464。8道菜先來小海風味冷盤,隨即有主角太湖 大閘蟹 ,每位2隻,每隻約4.6両至5両重,簡單清蒸已嘗盡鮮味,蟹膏甘香豐腴。

糖醋小排骨:自選冷盤之一,酸酸甜甜好開胃。
糖醋小排骨:自選冷盤之一,酸酸甜甜好開胃。
生拆蟹粉蟹肉羹
生拆蟹粉蟹肉羹:人手拆取蟹粉蟹肉,啖啖鮮味。

然後再上2道蟹粉菜式,包括生拆蟹粉蟹肉羹和特製生拆蟹粉小籠包,全部由人手拆取蟹粉,新鮮純粹。主菜還有椒鹽小黃魚和稻草肉配荷葉餅都是經典的上海風味。最後呈上薑茶糯米黑芝麻湯丸,好滿足。

生拆特製蟹粉小籠包
生拆蟹粉小籠包:咬開即流出豐腴鮮味蟹粉湯汁,小心燙口。
IMG_3197A_椒鹽小黃魚
椒鹽小黃魚:經高溫油炸後,外皮金黃酥脆,魚肉依然鮮嫩。

大閘蟹 套餐A(2位起)
自選冷盤 (任選兩款):糖醋小排骨、翡翠百葉卷、四喜烤麩、老醋海蜇頭
清蒸太湖大閘蟹(每位2隻)
生拆蟹粉蟹肉羹
主菜:椒鹽小黃魚、稻草肉配荷葉餅、百葉時蔬、特製生拆蟹粉小籠包
薑茶紫糯米黑芝麻湯丸
優惠價$464/位(原價$580/位)、匯豐卡價$348/位
(另設茶位、餐前小食及加一)

薑茶糯米黑芝麻湯丸:自家製芝麻湯丸口感黏糯,加上祛寒的薑茶,食大閘蟹必備。
薑茶糯米黑芝麻湯丸:自家製芝麻湯丸口感黏糯,加上祛寒的薑茶,食 大閘蟹 必備。
太雕十六8年陳釀 $220:套餐加配價 $176、匯豐卡價$165,此外還有3款陳年花雕選擇。
太雕十六8年陳釀 $220(散點):套餐加配價 $176、匯豐卡價$165,此外還有3款陳年花雕選擇。

上海小南國
地址:銅鑼灣時代廣場
電話:2874 8899
供應時間:星期一至日,11:30am-3pm、6pm-11pm
備註:全線分店全日供應

下頁有:港式4位餐每人唔使$300

港式4位蟹餐 每人$300有找

隔水清蒸大閘蟹
隔水清蒸大閘蟹:套餐每位1隻,每隻5両重,主要來自江蘇地區。

上海風味蟹餐之外,港式蟹餐配搭更有新意,美心中菜今年就以當造菇菌配 大閘蟹 ,多款散點蟹粉菜式都配以菇菌,而 大閘蟹 餐則只有四位用一款,可以在旗下十個品牌,數十間分店吃到。

滋味香草烤羊鞍:每位一件香草黑椒羊架,西式滋味。
滋味香草烤羊鞍:每位一件香草黑椒羊架,西式滋味。
________2
黑白木耳乳鴿:乳鴿與黑白木耳是創意配搭,木耳更吸晒乳鴿汁,送飯一流!

大閘蟹 4位用套餐與別不同的地方,就是以西式香草烤羊鞍做頭盤,惹味濃香有新意。每人有一隻約5両重的清蒸大閘蟹,再上鮮拆蟹粉燴燕窩,鮮味連續。接著的黑白木耳乳鴿和薑汁芥菜蒸牛腱,都是較有創意的小菜,最後有薑茶甜湯丸滋潤一番。若以恆生卡付款,除開每人大約$250(未計加一),是原價的85折。

鮮拆蟹粉燴燕窩(前):每位有一碗鹹燕窩,伴以蟹粉,鮮美滋潤到極。
鮮拆蟹粉燴燕窩(前):每位有一碗鹹燕窩,伴以蟹粉,鮮美滋潤到極。
雞樅菌煸四季豆
雞樅菌煸四季豆:雞樅菌質感爽口而味道香,令人食唔停口。
薑汁芥菜蒸牛腱:蒸過的牛腱好軟腍,墊底的芥菜盡吸牛腱的濃香。
薑汁芥菜蒸牛腱:蒸過的牛腱好軟腍,墊底的芥菜盡吸牛腱的濃香。

「養生珍菌‧ 大閘蟹 」4位用套餐
滋味香草烤羊鞍(4件)
隔水清蒸大閘蟹(4隻)
鮮拆蟹粉燴燕窩(4位)
黑白木耳?乳鴿
薑汁芥菜蒸牛腱
雞樅菌煸四季豆
滋潤薑茶甜湯丸(4位)
恆生卡價$986(原價$1,160)
(另設茶位、餐前小食及加一)

________1_1
滋潤薑茶甜湯丸:每位一碗湯丸,中和蟹的寒性。

美心皇宮
地址:太古城太古城道18號太古城中心2樓255號舖
電話:2513 1996
供應時間:即日至12月11日,午市及晚市
供應分店:全線美心皇宮、全線翠園(美心‧翠園除外)、映月樓、翠玉軒、怡翠軒、八月芳、八月花、八月居、八月軒、八月

下頁有:$318擦3蟹7道菜

$318擦3蟹7道菜 歎2皇一后

講到款式多,非鴻星莫屬,今年就有8款 大閘蟹 主題宴。矜貴如蟹皇宴(8折價每位$688)有2隻6両蟹,中價亦有 大閘蟹 魚翅宴(8折價每位$468),配有雞燉翅和鮑魚等菜式。

{"IPTC-DATA":"NMG","data":{"photoID":1857146}}
江蘇大閘蟹:每位3隻,兩公一乸,蟹公大約5両重,而蟹乸則有3両半左右。
淮安蟹粉湯包:每位1隻足料蟹粉湯包,咬開即爆出湯汁,小心燙口。
淮安蟹粉湯包:每位1隻足料蟹粉湯包,咬開即爆出湯汁。
{"IPTC-DATA":"NMG","data":{"photoID":1848149}}
燒腩伴肴肉:港式燒腩肉配滬式肴肉,是中場小食。

當中最抵食是超值 大閘蟹 宴,有3隻大閘蟹,另加蟹粉湯包等6道菜,再送陳年雕皇一杯,8折價每位$318。一般 大閘蟹 餐都只供應蟹公,而這3隻 大閘蟹 分別是2公一乸,分別重5両及3両半,均來自江蘇。另外,以往 大閘蟹 餐要到晚上8:30pm才有8折,今年就賣大包,全日可享8折優惠。

家嫂臘味飯:秋冬合時臘味飯,好暖胃。
家嫂臘味飯:秋冬合時臘味飯,好暖胃。

超值 大閘蟹 宴
江蘇大閘蟹(每位3隻,兩皇一后)
金肚帶子羹
黑椒泡響螺柳
燒腩伴肴肉
淮安蟹粉湯包(每位 1隻)
家嫂臘味飯
精美甜品
陳年雕皇或果汁((每位1杯)
8折價$318/位(2位起,原價$398)

陳年彫皇:每位送一小杯陳釀廿年花雕皇,配蟹飲至?。
陳年彫皇:每位送一小杯陳釀廿年花雕皇,配蟹飲至啱。

鴻星海鮮酒家
地址:灣仔港灣道8號瑞安中心1樓
電話:2628 0989
供應時間:11am-11pm
備註:全線分店全日供應

下頁有:$398花膠遼參蟹宴

花膠遼參蟹宴 優惠券價$398

紫蘇蒸大閘蟹:太湖大閘蟹每隻重約5?,用有袪寒作用的紫蘇葉清蒸,中和蟹的寒涼。
紫蘇蒸大閘蟹:太湖大閘蟹每隻重約5両,用有袪寒作用的紫蘇葉清蒸,中和蟹的寒涼。

城景國際樂雅軒的粵式 大閘蟹 餐夠晒滋補,食 大閘蟹 前,先來個花膠及沙參玉竹等材料燴燉而成的功夫湯潤一潤;再來有蟲草花福建鼠耳涼拌鮮蝦球、宮廷釀遼參、籠仔蒸海斑球和蟹粉扒鮮菇等,共9道菜。豐富之餘,仲有得揀,主菜可選擇不吃宮廷釀遼參,並以一隻5両蒸大閘蟹取代,即是一個餐食足兩隻5両蟹,好划算!

_________
沙竹淮山花膠功夫湯:花膠、沙參和玉竹等於紫砂茶壺煨燉製3小時,燉湯盡吸收食材精華,湯味香濃,生津養胃。
古法籠仔蒸海斑球:海斑肉、菇絲和肉絲放於荷葉上蒸,肉質鮮嫩細滑,更有淡淡荷葉清香。
古法籠仔蒸海斑球:海斑肉、菇絲和肉絲放於荷葉上蒸,肉質鮮嫩細滑,更有淡淡荷葉清香。

這蟹宴原價每位$538,只要於城景國際Facebook下載優惠券(www.facebook.com/thecityviewhk),只收$398一位;每2位客人再加送花雕一壺,如再追加散點蟹粉菜式,亦有75折優惠,抵到極。

宮廷釀遼參:遼參裡釀有蝦膠和豬肉打成的餡料,味道較清淡。
宮廷釀遼參:遼參裡釀有蝦膠和豬肉打成的餡料,味道較清淡。
200911092318346952914963
蟹粉扒鮮菇:鮮菇和菜吸晒蟹粉汁,好和味。

花膠功夫湯 大閘蟹 宴
鮮蟲草花、福建鼠耳涼拌鮮蝦球
秋葵彩椒豉蒜黑豚片
沙竹淮山花膠功夫湯
紫蘇蒸大閘蟹(5両)
宮廷釀遼參 (或選擇五両紫蘇蒸大閘蟹一隻)
古法籠仔蒸海斑球
蟹粉扒鮮菇
榆耳雞瑽菜飯
黑枸杞藜麥桂圓薑茶
$398/位(優惠券價,原價$538,已包茶芥,另收原價加一 )

蟹粉小籠包$118/4件(散點菜式):生拆蟹粉混拌豬肉碎作小籠包餡料,咬下肉汁滿瀉,蟹粉味道濃郁鮮甜。
蟹粉小籠包$118/4件(散點菜式):生拆蟹粉混拌豬肉碎作小籠包餡料,咬下肉汁滿瀉,蟹粉味道濃郁鮮甜。

樂雅軒
地址:油麻地窩打老道23號城景國際1樓
電話:2783 3286
供應時間:即日至11月30日,11:30am-3pm、6pm-11pm

圖片:新傳媒資料室及有關機構提供

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容